កម្ពុជាអាចនឹងទាក់ទាញគម្រោងវិនិយោគបន្ថែមទៀតយ៉ាងហោចណាស់៤៨០លានដុល្លារ នៅដើមខែឧសភានេះ បន្ទាប់ពីកម្ពុជាបានទាក់ទាញទុនវិនិយោគសរុប៣០៩លានដុល្លារនៅក្នុងខែមេសាកន្លងទៅ ។ សម្តេចបធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានថ្លែងនៅក្នុងពិធីប្រកាសបើកឱ្យដំណើរការជាផ្លូវការនូវសមាគមសហព័ន្ធអ្នកវិនិយោគកម្ពុជា និងពិសាអាហារសាមគ្គីនៅមជ្ឈមណ្ឌលសន្និបាត…
កម្ពុជាអាចនឹងទាក់ទាញគម្រោងវិនិយោគបន្ថែមទៀតយ៉ាងហោចណាស់៤៨០លានដុល្លារ នៅដើមខែឧសភានេះ បន្ទាប់ពីកម្ពុជាបានទាក់ទាញទុនវិនិយោគសរុប៣០៩លានដុល្លារនៅក្នុងខែមេសាកន្លងទៅ ។
សម្តេចបធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានថ្លែងនៅក្នុងពិធីប្រកាសបើកឱ្យដំណើរការជាផ្លូវការនូវសមាគមសហព័ន្ធអ្នកវិនិយោគកម្ពុជា និងពិសាអាហារសាមគ្គីនៅមជ្ឈមណ្ឌលសន្និបាត និងពិព័រណ៍កោះពេជ្រ នារសៀលថ្ងៃទី០៩ ខែឧសភា ឆ្នាំ២០២៤ថា សម្តេចទើបតែចុះហត្ថលេខាលើគម្រោងវិនិយោគ១៤ ដែលមានតម្លៃសរុប៤៨០លានដុល្លារ។
សម្តេចធិបតីបានថ្លែងថា រាជរដ្ឋាភិបាលកម្ពុជានឹងបន្តខិតខំធ្វើយ៉ាងណាបង្កលក្ខណៈឲ្យអ្នកវិនិយោគទុននៅកម្ពុជាកាន់តែមានទំនុកចិត្ត ហើយនិងបង្កើនសកម្មភាពការទូតសេដ្ឋកិច្ច និងទាក់ម៉ូយបន្ថែម ។
សម្តេចបានបន្តទៀតថា នៅសប្តាហ៍ក្រោយ សម្តេចនឹងអញ្ជើញទៅកូរ៉េខាងត្បូង ហើយខែក្រោយ គឺទៅបំពេញទស្សនៈកិច្ចនៅសិង្ហបុរី ។ នៅក្នុងអំឡុងពេលនោះ សម្តេចនឹងបន្តធ្វើការទាក់ម៉ូយ និងការទូតសេដ្ឋកិច្ចបន្ថែមទៀត ដើម្បីធ្វើយ៉ាងណាឲ្យអ្នកវិនិយោគទុនបន្តមកធ្វើការវិនិយោគនៅកម្ពុជា។
សម្តេចធិបតីបានបញ្ជាក់ថា «ការថែរក្សាចាស់ ទាក់ទាញអ្នកថ្មីជាចំណុចអទិភាព ដើម្បីជំរុញសេដ្ឋកិច្ច និងអភិវឌ្ឈន៍វិស័យធុរកិច្ចនៅកម្ពុជា» ។ សម្តេចធិបតីបានបន្ថែមថា រាជរដ្ឋាភិបាលនឹងធានាស្ថេភាពនយោបាយ និងសេដ្ឋកិច្ច ជាពិសេស គឺសន្តិភាព ហើយក៏នឹងបន្តយកចិត្តទុកដាក់ ដើម្បីធ្វើយ៉ាងណាសម្រួលបរិយាកាស នៃការធ្វើអាជីវកម្មដូចជា សម្រួលការវិនិយោគមួយមិនស្មុគស្មាញលើកទឹកចិត្ត និងកាន់តែទាក់ទាញ ៕
ចែករំលែកព័តមាននេះ