ខេត្តបាត់ដំបង ៖ ក្មេងស្រីម្នាក់បានស្លា.ប់យ៉ាងរន្ធត់នៅក្រោមផ្ទះ ដោយសាររន្ទះបាញ់ ហើយថែមទាំងត្រូវផ្ទះរបស់នាងរលំសង្កត់លើទៀត ដោយសារខ្យល់កន្ត្រាក់វាយប្រហារគ្មានប្រណី កាលពីរសៀលថ្ងៃទី១៨ ឧសភា នៅចំណុចភូមិព្រះធាតុ ឃុំរបស់មង្កល…
ខេត្តបាត់ដំបង ៖ ក្មេងស្រីម្នាក់បានស្លា.ប់យ៉ាងរន្ធត់នៅក្រោមផ្ទះ ដោយសាររន្ទះបាញ់ ហើយថែមទាំងត្រូវផ្ទះរបស់នាងរលំសង្កត់លើទៀត ដោយសារខ្យល់កន្ត្រាក់វាយប្រហារគ្មានប្រណី កាលពីរសៀលថ្ងៃទី១៨ ឧសភា នៅចំណុចភូមិព្រះធាតុ ឃុំរបស់មង្កល ស្រុកមោងឬស្សី។ នេះបើតាមប្រភពព័ត៏មានពីសមត្ថកិច្ច។
ក្មេងស្រីរងគ្រោះឈ្មោះ សុគុន្ធ នីសា អាយុ១៣ឆ្នាំ រស់នៅចំណុចកើតហេតុ។ សេចក្ដីរាយការណ៍បានឲ្យដឹងថា កុមារីរងគ្រោះ ត្រូវរន្ទះបាញ់ស្លាប់ នៅពេលនាងកំពុងអង្គុយក្រោយផ្ទះ ខណៈមានភ្លៀងនិងខ្យល់កន្ត្រាក់យ៉ាងខ្លាំងក្លាផង។
ប្រភពដដែលបានបញ្ជាក់ថា ក្រោយរន្ទះបាញ់នាងស្លាប់ ស្រាប់តែបន្តិចក្រោយខ្យល់កន្ត្រាក់ ក៏បានវាយប្រហារផ្ទះនាងបណ្ដាលឲ្យឲ្យរលំថែមទាំងទៀត។ បើតាមរបាយការណ៍សមត្ថកិច្ច ស្របពេលជាមួយគ្នានោះ ក៏នៅមានផ្ទះប្រជាពលរដ្ឋប៉ុន្មានខ្នងទៀត នៅស្រុកមោងឬស្សី ក៏ត្រូវខូចខាតដោយសារខ្យល់កន្ត្រាក់ដ៏កាចសាហាវនេះផងដែរ។
ដូច្នេះ ប្រជាពលរដ្ឋគួរតែមានការប្រុងប្រយ័ត្នចំពោះបាតុភូតធម្មជាតិក្នុងឆ្នាំនេះ ដែលមានលក្ខណៈកាន់តែកាចសាហាវ។ ជាពិសេស បាតុភូតរន្ទះបានបាញ់សម្លាប់មនុស្សផង និងសត្វគោផង ស្លាប់និងងាប់ច្រើនលើកកន្លងមកហើយ៕
ចែករំលែកព័តមាននេះ