ប្រហុកវៀតណាមដែលរុយមិនហ៊ានរោម នាំចូលទៀតហើយ តាមច្រកតាកែវ
- តាកែវ
ខេត្តតាកែវ ៖ ក្រោយបែកធ្លាយឈ្មួញលួចលាក់នាំប្រហុកវៀតណាមដែលរុយមិនហ៊ានរោម ចូលមក
ខេត្តតាកែវ ៖ ក្រោយបែកធ្លាយឈ្មួញលួចលាក់នាំប្រហុកវៀតណាមដែលរុយមិនហ៊ានរោម ចូលមក
ខេត្តតាកែវ ៖ ក្រោយបែកធ្លាយឈ្មួញលួចលាក់នាំប្រហុកវៀតណាមដែលរុយមិនហ៊ានរោម ចូលមកចែកចាយក្នុងខេត្តតាកែវ នៅព្រឹកថ្ងៃទី១០ ខែឧសភា ឆ្នាំ២០២៤នេះ មានជនម្នាក់តាំងខ្លួនជាអ្នកនៅជាមួយលោក អ៊ូច ភា អភិបាលខេត្តតាកែវ ហើយថា ចៅហ្វាយខេត្តសុំឲ្យលុបព័ត៌មាននេះជាបន្ទាន់បើមិនចង់មានរឿងក្តីក្តាំទៅតុលាការ គឺនិយាយក្នុងន័យគំរាម ។ គួររំលឹកថា មន្ត្រីណាខ្លះបើកដៃឱ្យឈ្មួញនាំប្រហុកវៀតណាមចូលទៀតហើយ?
ទំនងជាបែកក្រឡទឺកត្រី ហើយខ្លាចធំក្លិនមិនល្អដល់ថ្នាក់លើទេដឹង បានជាមានជនម្នាក់តាំងខ្លួនជាអាជ្ញាធរខេត្តតាកែវ តែមិនបញ្ចេញឈ្មោះ ពិសេសអួតថានៅអែបស្និតនិងចៅហ្វាយខេត្តគឺលោក អ៊ូច ភា ហើយគម្រាមប្តឹងអ្នកសារព័ត៌មានណាដែលបានចុះផ្សាយរឿងនាំប្រហុកវៀតណាមចូលមកចែកចាយលក់នៅខេត្តតាកែវ។ នេះបើតាមការឆ្លើយឆ្លងតាមរយៈខ្សែទូរសព្ទជិត១នាទី រវាងអ្នកសារព័ត៌មាននិងជនអាណាមិកនោះ ។
សូមបញ្ជាក់ថា យប់ថ្ងៃទី៩ ឧសភា នេះទៀត មានឈ្មួញនាំត្រីប្រហុកចូលពីវៀតណាមតាមច្រកកំពង់ក្រសាំង ច្រកកំពង់ពិល ស្រុកបូរីជលសារ ច្រករបៀងស្រុកកោះអណ្តែត ដែលគេស្គាល់ថា ឈ្មោះ ងៀ ជាអ្នកដឹកចូលមកទាំងតោនៗទៀតហើយ នឹងលក់បន្តទៅឲ្យស្ត្រីម្នាក់ជាឈ្មួញកណ្ដាលឈ្មោះ ព្រឿង រស់នៅភូមិថ្មស ឃុំគោពោធិ៍ ស្រុកបូរីជលសារ ជាអ្នកចែកចាយបន្តទៅតាមបណ្តាភូមិ ស្រុក ខេត្តផ្សេងៗដោយរលូន សង្ស័យត្រូវដង ត្រូវផ្លែនិងអាជ្ញាធរ គ្រប់ជំនាញអស់ទៅហើយ។
តាមប្រភពច្បាស់ការមួយបន្តថា ឈ្មោះ ងៀ នាំចូលប្រហុកត្រីពីវៀតណាមក្នុងមួយគីឡូ តម្លៃ៣០០០ ទៅ៤០០០រៀល ហើយឈ្មួញកណ្តាលយកបោះបន្តទៀតក្នុងមួយគីឡូ៧០០០រៀលទៅ៨០០០រៀល ដឹកតាមម៉ូតូ ដឹកតាមឡានដើរលក់យ៉ាងអាណាធិបតេយ្យ ដោយមិនខ្លាចការប៉ះពាល់ដល់សុខភាពរបស់បងប្អូនប្រជាពលរដ្ឋឡើយ។ ហើយរឿងប្រហុកវៀតណាមនេះ កន្លងមកមន្ត្រីជំនាញ ក ប ប ខេត្តតាកែវ ក៏ដូចជាអាជ្ញាធរពាក់ព័ន្ធនានា បានធ្វើការបង្ក្រាបនឹងដុតបំផ្លាញចោលទាំងតោនៗបន្ទាប់ពីបង្ក្រាបបានហើយរកឃើញសារធាតុគីមីហាមឃាត់ដាក់លាយចូលលើប្រហុកត្រីដែលនាំចូលដោយខុសច្បាប់ពីប្រទេសវៀតណាម ។
ប៉ុន្តែពេលនេះ ស្រាប់តែបណ្តោយអោយនាំចូលដោយចំហតែម្តង អ្នកណាក៏ដឹងដែរ ។ យើងគិតថា ឯកឧត្តមអភិបាលខេត្តដែលកន្លងមក ធ្លាប់តែរករឿងអ្នកកាសែតនោះ គួរតែញញឹមដាក់អ្នកកាសែតវិញទៅ គួរតែជួយអរគុណដែលអ្នកកាសែតបានផ្សាយ ដើម្បីជាព័ត៌មាន ។ មិនគួរទុកអ្នកកាសែតជាសត្រូវឡើយ ។
ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ