រាជធានីភ្នំពេញ ៖ កាលពីពេលថ្មីៗកន្លងមកនេះ លោក ឆាយ វណ្ណា នាយកខុទ្ទកាល័យ និងក្រុមការងារតំណាងលោកបណ្ឌិត អុិត សំហេង រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា បាននាំយកអំណោយឆាកតន្ត្រី ធ្វើពីដែក និងក្រាលឈើ ទំហំ៦ម៉ែត្រគុណ៨ម៉ែត្រ ឧបត្ថម្ភដល់សមាគមតន្ត្រីសំនៀងជនពិការ ។ ពិធីប្រគល់អំណោយនេះធ្វើឡើងនៅផ្ទះលេខ39A ផ្លូវ
រាជធានីភ្នំពេញ ៖ កាលពីពេលថ្មីៗកន្លងមកនេះ លោក ឆាយ វណ្ណា នាយកខុទ្ទកាល័យ និងក្រុមការងារតំណាងលោកបណ្ឌិត អុិត សំហេង រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា បាននាំយកអំណោយឆាកតន្ត្រី ធ្វើពីដែក និងក្រាលឈើ ទំហំ៦ម៉ែត្រគុណ៨ម៉ែត្រ ឧបត្ថម្ភដល់សមាគមតន្ត្រីសំនៀងជនពិការ ។ ពិធីប្រគល់អំណោយនេះធ្វើឡើងនៅផ្ទះលេខ39A ផ្លូវលំ ក្រុម៣ ភូមិទ្រា១ សង្កាត់ស្ទឹងមានជ័យ ខណ្ឌមានជ័យ ដោយមានការចូលរួមពីតំណាងអាជ្ញាធរមូលដ្ឋាន ទីប្រឹក្សាសមាគម និងប្រជាពលរដ្ឋរស់នៅក្នុងសង្កាត់នោះផងដែរ ។
ក្នុងនាមអាជ្ញាធរមូលដ្ឋាន លោកមេភូមិបានថ្លែងអំណរគុណដល់លោកបណ្ឌិត អុិត សំហេង និងលោកជំទាវ ដែលយកចិត្តទុកដាក់គិតគូរដល់ជីវភាព និងសុខទុក្ខប្រជាពលរដ្ឋក្រីក្រ ជាពិសេសជនពិការដែលជួបការលំបាក ។ លោក ចាប តូ ប្រធានសមាគម ព្រមទាំងសមាជិកទាំងអស់ បានសម្តែងទឹកចិត្តសប្បាយរីករាយដែលទទួលបានអំណោយដ៏ថ្លៃថ្លាពីលោកបណ្ឌិត អុិត សំហេង និងបានថ្លែងអំណរគុណចំពោះលោកបណ្ឌិតរដ្ឋមន្ត្រី ជាពិសេសគណបក្សប្រជាជនកម្ពុជា សូមឱ្យទទួលបានជ័យជម្នះសម្រាប់ការបោះឆ្នោតខាងមុខនេះ ។
ក្នុងឱកាសនោះ លោក ឆាយ វណ្ណា បានកោតសរសើរ និងវាយតម្លៃខ្ពស់ចំពោះការខិតខំប្រឹងប្រែងរបស់សមាគមតន្ត្រីសំនៀងជនពិការ និងផ្តាំផ្ញើដល់សមាគមត្រូវខិតខំតស៊ូជម្នះរាល់ឧបសគ្គ និងការលំបាកទាំងឡាយក្នុងការស្វែងរកថវិកាតាមរយៈការប្រគំតន្ត្រី ដើម្បីទ្រទ្រង់សមាគម ពិសេសការសាមគ្គី និងចេះជួយទុក្ខធុរៈគ្នាទៅវិញទៅមក ។
លោកថ្លែងថា ការនាំយកអំណោយឧបត្ថម្ភនាពេលនេះ បង្ហាញពីការយកចិត្តទុកដាក់របស់ថ្នាក់ដឹកនាំក្រសួងសង្គមកិច្ច អតីតយុទ្ធជន និងយុវនីតិសម្បទា ចំពោះជនពិការក្នុងប្រទេសកម្ពុជាយើង ជាពិសេសសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន តែងតែគិតគូរអំពីសុខទុក្ខរបស់ប្រជាពលរដ្ឋទូទៅ ជាពិសេសជនពិការគ្មាន ទីពឹង ៕
ចែករំលែកព័តមាននេះ