ការងារនៅលើពិភពលោកមិនបានវិលត្រឡប់ទៅរកកម្រិតមុនវិបត្តិនោះទេ ហើយដំណើរការប្រព្រឹត្តទៅមិនល្អទេក្នុងចំណោមប្រទេសនីមួយៗ ។ នេះបើយោងតាមរបាយការណ៍ប្រចាំឆ្នាំរបស់អង្គការពលកម្មពិភពលោក(ILO) ចេញផ្សាយកាលពីថ្ងៃចន្ទ ។
របាយការណ៍នោះបាននិយាយថា ប្រទេសកំពុងលូតលាស់ និងប្រទេសកំពុងអភិវឌ្ឍន៍ភាគច្រើនធ្លាប់មានកំណើនការងារ និង
ការងារនៅលើពិភពលោកមិនបានវិលត្រឡប់ទៅរកកម្រិតមុនវិបត្តិនោះទេ ហើយដំណើរការប្រព្រឹត្តទៅមិនល្អទេក្នុងចំណោមប្រទេសនីមួយៗ ។ នេះបើយោងតាមរបាយការណ៍ប្រចាំឆ្នាំរបស់អង្គការពលកម្មពិភពលោក(ILO) ចេញផ្សាយកាលពីថ្ងៃចន្ទ ។
របាយការណ៍នោះបាននិយាយថា ប្រទេសកំពុងលូតលាស់ និងប្រទេសកំពុងអភិវឌ្ឍន៍ភាគច្រើនធ្លាប់មានកំណើនការងារ និងសេដ្ឋកិច្ចរីកចម្រើន ជាពិសេសនៅក្នុងតំបន់អឺរ៉ុបបានជួបនឹងស្ថានភាពការងារដែលពោរពេញដោយបញ្ហា ។
របាយការណ៍ដែលមានឈ្មោះថា របាយការណ៍ពិភពនៃការងារឆ្នាំ២០១៣ៈ ស្តារគ្រឹះសង្គម និងសេដ្ឋកិច្ច បានរកឃើញថា អត្រាការងារលើពិភពលោកនៅក្នុងត្រីមាសទី៤ឆ្នាំ២០១២ មានចំនួន៥៥,៧%ទាបជាងកម្រិតកាលពីមុនវិបត្តិហិរញ្ញវត្ថុនៅក្នុងត្រីមាសទី៤ឆ្នាំ២០០៧ ហើយគេចាំបាច់ត្រូវការការងារបន្ថែមចំនួន៣០លានកន្លែងដើម្បីវិលត្រឡប់ទៅរកកម្រិតមុនវិបត្តិ ។
យោងតាមរបាយការណ៍ដដែល ភាពអត់ការងារធ្វើនៅទូទាំងពិភពលោកត្រូវបានគេប៉ាន់ស្មានថា នឹងកើនពី២០០លានកន្លែងនាពេលបច្ចុប្បន្ន ទៅជិត២០៨លានកន្លែងនៅក្នុងឆ្នាំ២០១៥ ។ ទិដ្ឋភាពការងារនៅក្នុងប្រទេសដែលមានសេដ្ឋកិច្ចកំពុងលូតលាស់ និងកំពុងអភិវឌ្ឍន៍មានភាពវិជ្ជមានជាងរូបភាពសាកល ដោយអត្រាការងារនៅក្នុងឆ្នាំ២០១២វា៉ដាច់អត្រាការងារកាលពីមុនវិបត្តិនៅក្នុងប្រទេស១៣ក្នុងចំណោមប្រទេសទាំង២៨ ។
របាយការណ៍ដដែលបន្តទៀតថា ស្ថានភាពការងារនៅក្នុងប្រទេសដែលមានសេដ្ឋកិច្ចរីកចម្រើនគឺកាន់តែមានបញ្ហាច្រើន ដោយប្រទេសចំនួន៦ក្នុងចំណោមប្រទេសសេដ្ឋកិច្ចរីកចម្រើនទាំង៣៧មានអត្រាការងារលើសកម្រិតការងារកាលពីមុនវិបត្តិ ហើយជិតពាក់កណ្តាលនៃប្រទេសទាំងនោះបានជួបនឹងអត្រាការងារធ្លាក់ចុះចាប់តាំងពីចាប់ផ្តើមកើតមានវិបត្តិសេដ្ឋកិច្ចសាកល ។
របាយការណ៍ក៏បានបង្ហាញដែរថា ក្រុមដែលមានប្រាក់ចំណូលមធ្យមនៅក្នុងប្រទេសដែលមានសេដ្ឋកិច្ចរីកចម្រើនភាគច្រើនបានធ្លាក់ចុះអំឡុងពេល២ទសវត្សចុងក្រោយនេះមួយផ្នែកដោយសារភាពអត់ការងារធ្វើរយៈពេលវែង និងគុណភាពការងារអន់ខ្សោយ ខណៈដែលទំហំនៃក្រុមនេះស្ថិតនៅក្នុងប្រទេសមានសេដ្ឋកិច្ចកំពុងអភិវឌ្ឍន៍ និងកំពុងលូតលាស់បានកើនពី២៦៣លាននាក់កាលពីឆ្នាំ១៩៩៩ទៅ៦៩៤លាននាក់នៅក្នុងឆ្នាំ២០១០ ។
លោក Guy Ryder អគ្គនាយកអង្គការILO បាននិយាយនៅក្នុងរបាយការណ៍ថា យើងចង់ឲ្យការរើបឡើងវិញនៃសេដ្ឋកិច្ចសាកលផ្តោតលើការងារ និងការវិនិយោគផ្នែកផលិតកម្ម រួមជាមួយនឹងការការពារផ្នែកសង្គមឲ្យកាន់តែល្អប្រសើរសម្រាប់ជនក្រីក្របំផុត និងក្រុមងាយរងគ្រោះបំផុត ។ យើងចាំបាច់ត្រូវយកចិត្តទុកដាក់លើការបិទគម្លាតវិសមភាពដែលកំពុងរីកធំនៅក្នុងផ្នែកជាច្រើននៃពិភពលោក ៕
ចែករំលែកព័តមាននេះ