ខេត្តព្រៃវែង ៖ ហេតុការណ៍គ្រោះថ្នាក់ចរាចរណ៍មួយបណ្តាលឱ្យកុមារីម្នាក់ស្លាប់បាត់បង់ជីវិត និងម្តាយរងរបួសបែកក្បាល បាក់ឆ្អឹងដងកាំបិតខាងឆ្វេង ដោយសាររថយន្តធុនធំ៣គ្រឿងបើកប្រដេញគ្នា ក៏ជ្រុលកៀរម្តាយនិងកូនកំពុងជិះកង់នៅលើចិញ្ចើមផ្លូវថ្នល់ ។
ហេតុការណ៍នេះកើតឡើងនៅវេលាម៉ោង៦និង៣០នាទីល្ងាច ថ្ងៃទី៤ មិថុនា មុខវិទ្យាល័យជាស៊ីមរក្សជ័យ ស្ថិតក្នុងភូមិឈើត្រែង
ខេត្តព្រៃវែង ៖ ហេតុការណ៍គ្រោះថ្នាក់ចរាចរណ៍មួយបណ្តាលឱ្យកុមារីម្នាក់ស្លាប់បាត់បង់ជីវិត និងម្តាយរងរបួសបែកក្បាល បាក់ឆ្អឹងដងកាំបិតខាងឆ្វេង ដោយសាររថយន្តធុនធំ៣គ្រឿងបើកប្រដេញគ្នា ក៏ជ្រុលកៀរម្តាយនិងកូនកំពុងជិះកង់នៅលើចិញ្ចើមផ្លូវថ្នល់ ។
ហេតុការណ៍នេះកើតឡើងនៅវេលាម៉ោង៦និង៣០នាទីល្ងាច ថ្ងៃទី៤ មិថុនា មុខវិទ្យាល័យជាស៊ីមរក្សជ័យ ស្ថិតក្នុងភូមិឈើត្រែង ឃុំរក្សជ័យ ស្រុកបាភ្នំ ។ ក្រុមគ្រួសារឱ្យដឹងថា កុមារីដែលស្លាប់ឈ្មោះ លឹម ស្រីពៅ អាយុ១៣ឆ្នាំ ឯម្តាយឈ្មោះ ព្រំ សុខុន អាយុ៥០ឆ្នាំ រស់នៅក្នុងភូមិ-ឃុំ កើតហេតុខាងលើ ។
ប្រភពព័ត៌មានពីលោក ជឹម សុុខុម មេភូមិឈើត្រែង និងប្រជាពលរដ្ឋនិយាយថា មុនពេលកើតហេតុម្តាយនិងកូនស្រីជិះកង់ចេញពីផ្ទះទៅទិសខាងជើង ដើម្បីហៅប្តីដែលធ្វើការនៅឯផ្សាររក្សជ័យ ។ ខណៈពេលម្តាយ និងកូនជិះចេញបានប្រហែល៥០០ម៉ែត្រ ស្រាប់តែមានរថយន្តធុនធំៗ៣គ្រឿងជាប្រភេទរថយន្តដឹកថ្ម ដឹកខ្សាច់ធ្វើផ្លូវ បើកប្រដេញគ្នាយ៉ាងលឿនពីជើងទៅត្បូង ។
ក្នុងចំណោមរថយន្តទាំងនោះ មានរថយន្ត១គ្រឿងជ្រុលមកកៀរកង់របស់ម្តាយ និងកូនបណ្តាលឱ្យដួលបោកក្បាលទៅលើថ្នល់ ហើយរថយន្តបើកយ៉ាងលឿនគេចបាត់ស្រមោល ។ អ្នកភូមិសង្ឃឹមថា សមត្ថកិច្ចនឹងស្វែងចាប់រថយន្តនោះបានជាមិនខាន ។ អ្នករងរបួសត្រូវក្រុមគ្រួសារបញ្ជូនទៅជួយសង្គ្រោះនៅមន្ទីរពេទ្យបង្អែកខេត្តស្វាយរៀង ប៉ុន្តែដោយសារអាការៈធ្ងន់ធ្ងរ គ្រូពេទ្យក៏បញ្ជូនបន្ត ទៅមន្ទីរពេទ្យរុស្ស៊ីរាជធានីភ្នំពេញ ៕
ចែករំលែកព័តមាននេះ