លោក Jacob Zuma ប្រធានាធិបតីអាហ្វ្រិកខាងត្បូងបានថ្លែងកាលពីថ្ងៃអង្គារសប្តាហ៍នេះថា ប្រទេសរបស់លោកពិតជាសប្បាយចិត្ត ប្រសិនអាចក្លាយជាជាតិសាសន៍អាហ្វ្រិកដំបូងគេដែលទទួលបានសិទ្ធិធ្វើម្ចាស់ផ្ទះព្រឹត្តិការណ៍កីឡាអូឡាំពិក ។ឆ្លើយតបទៅនឹងសំណួរអ្នកកាសែតក្នុងប្រទេសជប៉ុនដែលសួរអំពីគំនិតរបស់លោកលើការចូលដេញថ្លៃអូឡាំពិក ឆ្នាំ២០២៤ លោកZuma បាន
លោក Jacob Zuma ប្រធានាធិបតីអាហ្វ្រិកខាងត្បូងបានថ្លែងកាលពីថ្ងៃអង្គារសប្តាហ៍នេះថា ប្រទេសរបស់លោកពិតជាសប្បាយចិត្ត ប្រសិនអាចក្លាយជាជាតិសាសន៍អាហ្វ្រិកដំបូងគេដែលទទួលបានសិទ្ធិធ្វើម្ចាស់ផ្ទះព្រឹត្តិការណ៍កីឡាអូឡាំពិក ។ឆ្លើយតបទៅនឹងសំណួរអ្នកកាសែតក្នុងប្រទេសជប៉ុនដែលសួរអំពីគំនិតរបស់លោកលើការចូលដេញថ្លៃអូឡាំពិក ឆ្នាំ២០២៤ លោកZuma បានបញ្ជាក់ថា ៖«ប្រសិនជាយើងត្រូវបានគេផ្តល់ឱ្យនូវឱកាសយើងនឹងទទួលយកដោយក្តីរីករាយ ។
ខ្ញុំគិតថា ប្រទេសអាហ្វ្រិកខាងត្បូងទាំងមូលនឹងរីករាយក្នុងការធ្វើម្ចាស់ផ្ទះ ព្រឹត្តិការណ៍កីឡាអូឡាំពិក ។ តាមខ្ញុំគិត យើងមានលទ្ធភាពនិងហេដ្ឋារចនាសម្ព័ន្ធគ្រប់គ្រាន់អាចធ្វើជាម្ចាស់ផ្ទះបាន »។ កាលពីឆ្នាំ២០១០ អាហ្វ្រិកខាងត្បូងបានក្លាយទៅជាប្រទេសដំបូងគេក្នុងទ្វីបអាហ្វ្រិកដែលបានរៀបចំការប្រកួតបាល់ទាត់ World Cup ។ ដោយផ្អែកលើភាពជោគជ័យកាលពីឆ្នាំនោះ នៅឆ្នាំ២០១២ គណៈកម្មាធិការអូឡាំពិកអាហ្វ្រិកខាងត្បូងក៏បានផ្តើមឱ្យមានការសិក្សាលើលទ្ធភាពមួយដើម្បីចូលដេញថ្លៃធ្វើម្ចាស់ផ្ទះអូឡាំពិកឆ្នាំ២០២៤ ៕
ចែករំលែកព័តមាននេះ