មេដឹកនាំពាណិជ្ជកម្មថៃភាគច្រើនបានទទួលស្គាល់ថា អំពើពុករលួយរីករាលដាលខ្លាំងក្នុងកម្រិតមួយខ្ពស់តាំងពីឆ្នាំ២០១០មក ធ្វើឲ្យជំនឿទុកចិត្តពាណិជ្ជកម្មរយៈពេលវែងធ្លាក់ក្នុងភយន្តរាយ ។ នេះបើយោងតាមរបាយការណ៍របស់វិទ្យាស្ថានអ្នកដឹកនាំថៃ(IOD)ផ្សព្វផ្សាយ ។
មេដឹកនាំពាណិជ្ជកម្មថៃភាគច្រើនបានទទួលស្គាល់ថា អំពើពុករលួយរីករាលដាលខ្លាំងក្នុងកម្រិតមួយខ្ពស់តាំងពីឆ្នាំ២០១០មក ធ្វើឲ្យជំនឿទុកចិត្តពាណិជ្ជកម្មរយៈពេលវែងធ្លាក់ក្នុងភយន្តរាយ ។ នេះបើយោងតាមរបាយការណ៍របស់វិទ្យាស្ថានអ្នកដឹកនាំថៃ(IOD)ផ្សព្វផ្សាយ ។
យោងតាមការអង្កេតរបស់ IOD លើក្រុមហ៊ុនចំនួន១.០៦៦អំឡុងខែមករាដល់មេសានៅក្នុងឆ្នាំនេះស្តីពីបញ្ហាអំពើពុករលួយនៅក្នុងប្រទេសថៃបានបង្ហាញថា ៩៣%នៃអ្នកឆ្លើយតបបាននិយាយថា អំពើពុករលួយមិនទាន់ត្រូវបានដោះស្រាយនៅឡើយទេ ហើយកម្រិតនៃភាពធ្ងន់ធ្ងរមានកម្រិតខ្ពស់ ។
ការអង្កេតត្រូវបានធ្វើឡើងចាប់ពីខែមករាដល់មេសា ដោយមានកិច្ចសហប្រតិបត្តិការជាមួយក្រុមហ៊ុន GFK MarketWise ។ ចំនួនអ្នកឆ្លើយតបសរុប១.០៦៦ ពោលគឺកើនលើសពី១.០០៧កាលពីឆ្នាំ២០១០ ។ វិទ្យាស្ថាននេះធ្វើការអង្កេតលើក្រុមហ៊ុនដែលបានចុះបញ្ជី និងមិនបានចុះបញ្ជីនៅទីក្រុងបាងកក និងបណ្តាខេត្តនានា ដែលបង្កើតការលក់ដល់ទៅ៥០ពាន់លានបាតក្នុងមួយឆ្នាំៗ ។ ការរកឃើញរបស់ IOD បានឆ្លុះបញ្ចាំងពីការសិក្សាដែលធ្វើឡើងដោយអង្គការអន្តរជាតិ ។ អង្គការជាច្រើនបានរកឃើញថា ប្រទេសថៃនៅតែញាំញីដោយអំពើពុករលួយ ។
លោកបណ្ឌិត Bandid Nijathaworn ប្រធាន IOD ថ្លែងថា នៅតែមានក្តីសង្ឃឹមដើម្បីរកដំណោះស្រាយ ។ ការអង្កេតបានរកឃើញថា អ្នកចូលរួម២៥%ជឿជាក់ថា អំពើពុករលួយអាចដោះស្រាយបាននាពេលអនាគត បើធៀបនឹងអ្នកចូលរួមតែ១២%កាលពីឆ្នាំ២០១០ ។ គេបានគូសបញ្ជាក់ថា ការទប់ស្កាត់អំពើពុករលួយមិនមែនជាភារកិច្ចរបស់អង្គការតែម្នាក់ឯងនោះទេ តែជាភារកិច្ចរបស់ភាគីទាំង៣ នោះគឺរដ្ឋាភិបាល អ្នកនយោបាយ និងវិស័យពាណិជ្ជកម្ម ធ្វើការរួមគ្នាប្រកបដោយប្រសិទ្ធភាពខ្ពស់ ។
ដើម្បីបង្រ្កាបអំពើពុករលួយ អ្នកចូលរួម៧៥%ជឿជាក់ថា វិស័យឯកជនអាចដើរតួនាទីសំខាន់បំផុត ។ ចំណែកអ្នកចូលរួម៩៣%បានសម្តែងការត្រៀមខ្លួនរួចរាល់ដើម្បីចូលរួមចាត់វិធានការប្រយុទ្ធប្រឆាំងការស៊ីសំណូក ។ អ្នកដែលពិតជាចង់ចូលរួមនៅក្នុងវិធានការនេះបានកើនឡើងដល់ទៅ៥១%នៅក្នុងឆ្នាំនេះ បើធៀបនឹង១៤%កាលពីឆ្នាំ២០១០ ៕
ចែករំលែកព័តមាននេះ