ក្រុមខ្លាំង Man City រកឃើញខ្សែការពារជំនាន់ថ្មីជំនួសដំណែងជើងខ្លាំង Vincent Kompany
តាមប្រភពព័ត៌មាន Manchester Evening News បានឲ្យដឹងថា Aymeric Laporte កំពុងក្លាយទៅជាកីឡាករសំខាន់នៅខ្សែការពាររបស់ក្លិបមេឃខៀវ Manchester City…
តាមប្រភពព័ត៌មាន Manchester Evening News បានឲ្យដឹងថា Aymeric Laporte កំពុងក្លាយទៅជាកីឡាករសំខាន់នៅខ្សែការពាររបស់ក្លិបមេឃខៀវ Manchester City ដែលអាចនឹងស្នងកីឡាករជើងខ្លាំង Vincent Kompany ។
Laporte អាចនឹងមិនដូច Kompany ត្រង់ថា រូបគេប្រហែលជាមិនអាចក្លាយទៅជាកីឡាករសំខាន់របស់ក្លិប អគ្គរដ្ឋទូតសុឆន្ទៈ អ្នកទស្សនវិជ្ជា និងជើងខ្លាំងពូកែគ្រប់សព្វនោះទេ តែការលេងរបស់គេ គឺពិតជាអាចបង្ហាញថា វានឹងកើតមានឡើងនៅអនាគត ។
អ្នកគាំទ្ររបស់ Man City មួយចំនួន មានចម្ងល់ថាហេតុអ្វីបានជា City ហ៊ានជះលុយដល់ទៅ៥៧លានផោនទៅលើការយក Laporte ពីក្លិប Athletic Bilbao កាលពីដើមឆ្នាំ តែកីឡាកររូបនេះ អាចឲ្យការជះលុយនេះមិនគួរឲ្យស្តាយទេ គេបានបង្ហាញថ្វីជើងដ៏ល្អនៅពេលចូលលេងជាលើកដំបូង ។
កីឡាករក្រុមជម្រើសជាតិបារាំងរូបនេះ មិនបានទៅលេងឲ្យក្រុមជម្រើសជាតិនៅក្នុងការប្រកួត World Cup នោះទេ ដែលធ្វើឲ្យរូបគេអាចចូលហ្វឹកហាត់នៅ Man City បានក្នុងខែកក្កដា ខណៈដែលមិត្តរួមក្រុមជាច្រើននៅដេញតាមក្តីស្រមៃយកពាន World Cup ។ នេះអាចឲ្យគ្រូបង្វឹក លោក Guardiola មានពេលគ្រប់គ្រាន់ក្នុងការសម្រួចយុទ្ធសាស្ត្រ និងតាក់ទិច ដល់កីឡាករខ្សែការពាររូបនេះ ៕
ចែករំលែកព័តមាននេះ