មនុស្សយ៉ាងតិច១០នាក់បានត្រូវស្លា.ប់ ហើយមនុស្សជាច្រើននាក់បាត់ខ្លួន គិតមកដល់រសៀលថ្ងៃទី៣ មិថុនា ក្រោយទឹកជំនន់ដ៏ធំ បណ្តាលមកពីភ្លៀងធ្លាក់ខ្លាំងនៅអឺរ៉ុបកណ្តាល ដែលនៅតំបន់នោះមនុស្សជាច្រើនពាន់គ្រួសារត្រូវជម្លៀសចេញ ពិសេសនៅអាល្លឺម៉ង់ សាធារណរដ្ឋឆេក និងអូទ្រីស ។
មនុស្សយ៉ាងតិច១០នាក់បានត្រូវស្លាប់ ហើយមនុស្សជាច្រើននាក់បាត់ខ្លួន គិតមកដល់រសៀលថ្ងៃទី៣ មិថុនា ក្រោយទឹកជំនន់ដ៏ធំ បណ្តាលមកពីភ្លៀងធ្លាក់ខ្លាំងនៅអឺរ៉ុបកណ្តាល ដែលនៅតំបន់នោះមនុស្សជាច្រើនពាន់គ្រួសារត្រូវជម្លៀសចេញ ពិសេសនៅអាល្លឺម៉ង់ សាធារណរដ្ឋឆេក និងអូទ្រីស ។
នៅសាធារណរដ្ឋឆេក ដែលរដ្ឋាភិបាលចេញការប្រកាសអាសន្នសម្រាប់តំបន់បូហែម BOHÊME ភាគខាងលិចប្រទេសស្ទើរទាំងមូល មនុស្ស៧នាក់ស្លាប់ ហើយជាច្រើននាក់ទៀតបាត់ខ្លួន ចំណែកមនុស្សប្រមាណជា៨.០០០នាក់ត្រូវបង្ខំចិត្តចាកចេញពីផ្ទះសម្បែង ។
នៅប្រទេសអាល្លឺម៉ង់ កាលពីថ្ងៃទី៣ មិថុនា សភាពការណ៍ទឹកជំនន់នៅតែធ្ងន់ធ្ងរនៅភាគខាងត្បូង និងភាគខាងកើតប្រទេស ។ នៅក្រុង PASSAU ជាប់ព្រំដែនអូទ្រីស ដែលធ្លាប់ជួបប្រទះទឹកជំនន់ខ្លាំងកាលពីឆ្នាំ២០០២ និងឆ្នាំ១៩៥៤នោះ កងទ័ពត្រូវបានបញ្ជូនទៅដើម្បីជួយសង្គ្រោះ ។
នៅប្រទេសអូទ្រីស បុរសអាយុ៥៨ឆ្នាំម្នាក់បាត់ខ្លួនកាលពីថ្ងៃទី២ មិថុនា ត្រូវបានរកឃើញស្លាប់ ធ្វើឱ្យចំនួនអ្នកស្លាប់ដោយសារទឹកជំនន់នៅប្រទេសនេះឡើងដល់២នាក់ ហើយមនុស្សម្នាក់ទៀតនៅតែបាត់ខ្លួន ។ ប្រជាជនជាច្រើនរយនាក់នៃតំបន់ SALZBOURG ត្រូវបានជម្លៀសចេញរួចហើយ ។
កងទ័ពត្រូវបានកេណ្ឌប្រមូលដើម្បីជួយសង្គ្រោះ និងតស៊ូទប់ទល់ទឹកឡើងខ្ពស់ ។ យោងតាមអាជ្ញាធរថា ទន្លេ DANUBE និងទន្លេ INN អាចមានកម្រិតទឹកស្មើ ឬលើសកម្រិតទឹកកាលពីឆ្នាំ២០០២ ពេលទឹកជំនន់នៅទីនោះធ្វើឱ្យមានការខូចខាតដល់ទៅប្រមាណជា៧,៥ពាន់លានអឺរ៉ូ ។ទឹកជំនន់បណ្តាលឱ្យមនុស្សម្នាក់ស្លាប់នៅស្វ៊ីសផងដែរ ។ នៅហុងគ្រី អភិបាលក្រុងប៊ូដាប៉េស កាលពីថ្ងៃទី៣ មិថុនា ក៏បានចេញការប្រកាសអាសន្នទឹកជំនន់ដែរ ៕
ចែករំលែកព័តមាននេះ