រតនគិរី៖ ក្រោមការបញ្ជាផ្ទាល់របស់លោកវង់ សុក្រសេរី នាយខណ្ឌរដ្ឋបាលព្រៃឈើខេត្ត ឱ្យដឹកនាំកម្លាំងពួនស្ទាក់ចាំចាប់ឈ្មួញលួចដឹកឈើប្រណីតខុសច្បាប់ ដែលការពួនស្ទាក់នេះ ធ្វើឡើងតាំងពីវេលាម៉ោង១០យប់ ថ្ងៃទី៣ មិថុនា ២០១៣ នៅស្រុកអូរជុំ ហើយរហូតមកទល់ម៉ោង៩និង៣០នាទីព្រឹកថ្ងៃទី ៤ មិថុនា ២០១៣នេះ
រតនគិរី៖ ក្រោមការបញ្ជាផ្ទាល់របស់លោកវង់ សុក្រសេរី នាយខណ្ឌរដ្ឋបាលព្រៃឈើខេត្ត ឱ្យដឹកនាំកម្លាំងពួនស្ទាក់ចាំចាប់ឈ្មួញលួចដឹកឈើប្រណីតខុសច្បាប់ ដែលការពួនស្ទាក់នេះ ធ្វើឡើងតាំងពីវេលាម៉ោង១០យប់ ថ្ងៃទី៣ មិថុនា ២០១៣ នៅស្រុកអូរជុំ ហើយរហូតមកទល់ម៉ោង៩និង៣០នាទីព្រឹកថ្ងៃទី ៤ មិថុនា ២០១៣នេះ កម្លាំងចាប់ឃាត់រថយន្តដឹកឈើប្រណីត ប្រភេទធ្នង់់ បានមួយគ្រឿង តែមិនទាន់ដឹងពីចំនួនឈើនោះទេ។
ប្រភពព័ត៌មានឱ្យដឹងថា រថយន្តដឹកឈើខុសច្បាប់ទាំងនោះតែងតែលួចដឹកឈើប្រណីតតាមច្រករបៀងចម្ងាយ១០០ម៉ែត្រពីច្រកអន្តរជាតិអូរយ៉ាដាវ គឺតាមផ្លូវបត់ស្ដាំខាងក្រោយកាស៊ីណូ ទ្រីភាពហើយច្រកទាំង២នេះជាច្រកដែលគេកំពុងពេញនិយមដឹកនាពេលបច្ចុប្បន្ន ដោយឈ្មួញទាំងនោះខ្លះបានលួចលក់ឈើប្រណីតៗ ទៅឱ្យរោងចក្រសិប្បកម្មនៅក្នុងខេត្តផងដែរ។ ប្រភពបន្តថា ឈើដែលពួកឈ្មួញលួចដឹកឆ្លងដែនទៅប្រទេសវៀតណាម និងធ្វើការដោះដូរគ្នាជាមួយឈ្មួញវៀតណាមនៅចំណុច.ស ដែលឈ្មូញខ្មែរដឹកតាមរយៈរថយន្ត ប្រភេទកាមរី អាស្វិត អាហើម ឡិកស៊ីសជាដើម ហើយឈ្មួញវៀតណាមមានម៉ូតូចំនួន ១០គ្រឿងរងចាំដឹកបន្ត៕
ចែករំលែកព័តមាននេះ