ខេត្តព្រៃវែង ៖ ភ្លៀងធ្លាក់ជាបន្តបន្ទាប់ដែលធ្វើឱ្យនៅលើផ្លូវជាតិលេខ១ នៅចំណុចមុខផ្សារកអណ្តើកព្រឹកថ្ងៃទី៤ មិថុនា នេះ ត្រូវបានជន់លិចដក់ទឹករាល់ថ្ងៃ ដែលធ្វើឱ្យក្រុមអាជីវករ និងប្រជាពលរដ្ឋនៅផ្សារកអណ្តើកនេះរអ៊ូរទាំថា ទឹកលិចអស់ជាច្រើនឆ្នាំមកហើយ ដោយសារគ្មានប្រព័ន្ធលូបង្ហូរចេញ និងមិនឃើញអើពើសោះ ដូច្នេះពួកគាត់ស្នើសុំឱ្យអាជ្ញាធរមូលដ្ឋានជួយត្រួតពិនិត្យ និង
ខេត្តព្រៃវែង ៖ ភ្លៀងធ្លាក់ជាបន្តបន្ទាប់ដែលធ្វើឱ្យនៅលើផ្លូវជាតិលេខ១ នៅចំណុចមុខផ្សារកអណ្តើកព្រឹកថ្ងៃទី៤ មិថុនា នេះ ត្រូវបានលិចដក់ទឹករាល់ថ្ងៃ ដែលធ្វើឱ្យក្រុមអាជីវករ និងប្រជាពលរដ្ឋនៅផ្សារកអណ្តើកនេះរអ៊ូរទាំថា ទឹកលិចអស់ជាច្រើនឆ្នាំមកហើយ ដោយសារគ្មានប្រព័ន្ធលូបង្ហូរចេញ និងមិនឃើញអើពើសោះ ដូច្នេះពួកគាត់ស្នើសុំឱ្យអាជ្ញាធរមូលដ្ឋានជួយត្រួតពិនិត្យ និងពួកគាត់ព្រមចូលរួមបដិភាគខ្លះសម្រាប់ធ្វើការជួសជុលនៅកន្លែងដែលទឹកលិចដក់នេះ ។
បើតាមប្រភពពីលោកចាន់ រ៉ាន់ អភិបាលស្រុកកំពង់ត្របែកបានឱ្យដឹងថា ស្រុកមានគម្រោងធ្វើប្រព័ន្ធលូក្នុងខែនេះហើយ ដែលគម្រោងនេះត្រូវធ្វើលូដែលមានបណ្តោយ១២០០ម៉ែត្រ មុខកាត់១ម៉ែត្រ វាស់ចេញពីទ្រូងថ្នល់មកខាងចិញ្ចើម៩ម៉ែត្រ ។ លោកក៏បានបន្ថែមថា សុំកុំឱ្យប្រជាពលរដ្ឋមានការបារម្ភទៀត ហើយក៏មិនបាច់ចូលរួមបដិភាគអ្វីទេ គ្រាន់តែសុំឱ្យជួយសហការជាមួយអាជ្ញាធរមូលដ្ឋានបានហើយ ៕
ចែករំលែកព័តមាននេះ