រាជធានីភ្នំពេញ ៖ មានហេតុការណ៍ភ្ញាក់ផ្អើលមួយ បានកើតឡើងកាលពីវេលាម៉ោង ០០ និង ៥០នាទី យប់រំលងអាធ្រាត្រឈានចូលថ្ងៃទី០៤ មិថុនា ២០១៣ ខណៈដែលសមត្ថកិច្ចចម្រុះខណ្ឌចំការមន បានដេញព័ន្ធចាប់ជនសង្ស័យ ២នាក់ ជិះម៉ូតូ C110 ពណ៌ខ្មៅ ពាក់ស្លាកលេខ ភ្នំពេញ 1BC-1802 តាមបណ្តោយផ្លូវព្រះមុនីវង្ស
រាជធានីភ្នំពេញ ៖ មានហេតុការណ៍ភ្ញាក់ផ្អើលមួយ បានកើតឡើងកាលពីវេលាម៉ោង ០០ និង ៥០នាទី យប់រំលងអាធ្រាត្រឈានចូលថ្ងៃទី០៤ មិថុនា ២០១៣ ខណៈដែលសមត្ថកិច្ចចម្រុះខណ្ឌចំការមន បានដេញព័ន្ធចាប់ជនសង្ស័យ ២នាក់ ជិះម៉ូតូ C110 ពណ៌ខ្មៅ ពាក់ស្លាកលេខ ភ្នំពេញ 1BC-1802 តាមបណ្តោយផ្លូវព្រះមុនីវង្ស ហើយមានកន្រ្តៃជាប់នឹងខ្លួន ដោយមានការសង្ស័យសមត្ថកិច្ចដែលកំពុងជិះម៉ូតូល្បាតក៏ចេញប្រតិបត្តិការព័ន្ធចាប់តែម្តងនៅក្នុងសង្កាត់ផ្សារដើមថ្កូវ ខណ្ឌចំការមន ។
ឃើញសភាពបែបនេះ ជនសង្ស័យទាំង ២នាក់ ខាងលើក៏រត់គេចខ្លួនបាត់ ដោយពួកគេបានផ្តួលម៉ូតូ និងបោះចោលកន្រ្តៃចោលនៅចំណុចអធិការដ្ឋានខណ្ឌចំការមន ហេតុនេះ ម៉ូតូរបស់ជនសង្ស័យត្រូវសមត្ថកិច្ចអូសយកទៅរក្សាទុកនៅខណ្ឌ ។ សមត្ថកិច្ចសន្និដ្ឋានជំហានដំបូងថា ជនសង្ស័យទាំងពីរអាចពាក់ព័ន្ធនឹងបទល្មើសអ្វីមួយហើយបានជាព្យាយាមរត់គេចពីប៉ូលិស ៕
ចែករំលែកព័តមាននេះ