តំបន់អាស៊ីប៉ាស៊ីហ្វិច ដែលធ្លាប់ជាតំបន់ប្រឈមមុខដាក់គ្នា បែងចែកទឹកដី និងសង្គ្រាមបានបង្កើតរបត់មួយខ្លាំងក្លាទៅជាតំបន់ដែលមានសហប្រតិបត្ដិការដ៏មានសក្តានុពល និងការអភិវឌ្ឍ ។ នេះបើយោងតាមលោកង្វៀន ជីវិញឧបនាយករដ្ឋមន្ដ្រីក្រសួងការពារជាតិវៀតណាមមានប្រសាសន៍ ។
តំបន់អាស៊ីប៉ាស៊ីហ្វិច ដែលធ្លាប់ជាតំបន់ប្រឈមមុខដាក់គ្នា បែងចែកទឹកដី និងសង្គ្រាមបានបង្កើតរបត់មួយខ្លាំងក្លាទៅជាតំបន់ដែលមានសហប្រតិបត្ដិការដ៏មានសក្តានុពល និងការអភិវឌ្ឍ ។ នេះបើយោងតាមលោកង្វៀន ជីវិញឧបនាយករដ្ឋមន្ដ្រីក្រសួងការពារជាតិវៀតណាមមានប្រសាសន៍ ។
ថ្លែងនៅឯកិច្ចពិភាក្សាសាំងគ្រីឡាលើកទី១២ ក្នុងប្រទេសសិង្ហបុរី លោកវិញមានប្រសាសន៍ថា បើតាមលក្ខណៈភូមិសាស្រ្ដនយោបាយ តំបន់អាស៊ីប៉ាស៊ីហ្វិចមានសមាជិកអចិន្ដ្រៃយ៍៣នៃក្រុមប្រឹក្សាសន្ដិសុខអង្គការសហប្រជាជាតិ ។ ពាក់ព័ន្ធនឹងការអភិវឌ្ឍនាពេលអនាគត អាស៊ីបា៉ស៊ីហ្វិចជាវេទិកាប្រមូលផ្ដុំប្រទេសទាំងឡាយដែលមានបច្ចេកវិទ្យាខ្ពស់ ការគ្រប់គ្រងឈានមុខ កម្លាំងពលកម្មច្រើនក្រៃលែង និងធនធានធម្មជាតិសំបូរបែប ។
លោកបន្ដថា ជាមួយនឹងស្ថានការណ៍យុទ្ធសាស្រ្ដ និងសក្ដានុពលធំដូចដែលបានរៀបរាប់ខាងលើ គួបផ្សំនឹងនិន្នាការសន្ដិភាព សហប្រតិបត្ដិការ និងការអភិវឌ្ឍខ្ពស់ អាស៊ីប៉ាស៊ីហ្វិចកំពុងពេញចិត្ដនឹងកាលានុវត្ដភាពច្រើនមហិមា ដើម្បីធ្វើការរួមចំណែកចំពោះការអភិវឌ្ឍសាកលលោកនៅក្នុងសតវត្សទី២១ ។
យ៉ាងណាក៏ដោយ លោកវិញគិតថា តំបន់ទាំងមូលនៅមិនទាន់មានស្ថេរភាពបរិបូរណ៍ទេ ។ ការកើនឡើងនៃការចូលរួមរបស់យោធា និងការប្រកួតប្រជែងដើម្បីឥទ្ធិពលជាតិ កំពុងជំរុញឱ្យតំបន់នេះឈានទៅរកបញ្ហាប្រឈមថ្មីមួយ ក្នុងនោះការប្រកួតប្រជែងសព្វាវុធជាឧទាហរណ៍ស្រាប់ ។
បើយោងតាមលោកវិញ ដើម្បីរក្សាបានសន្ដិភាពក្នុងតំបន់ និងស្ថេរភាព រដ្ឋសមាជិកអាស៊ានទាំងអស់ប្រាថ្នាបង្កើតយន្ដការសហប្រតិបត្ដិការខ្លាំងក្លាមួយ ដូច្នេះអាស៊ានបានរៀបចំកិច្ចប្រជុំរដ្ឋមន្ដ្រីការពារជាតិអាស៊ានលើកដំបូង (ADMM) ប្រកបដោយជោគជ័យនៅប្រទេសម៉ាឡេស៊ី កាលពីឆ្នាំ២០០៦ ។ ចាប់តាំងពីADMM ត្រូវបានបង្កើតឡើង មានវឌ្ឍនភាពច្រើននៅក្នុងការបង្កើតទំនុកចិត្ដ ពង្រឹងសាមគ្គីភាព និងលើកកម្ពស់សហប្រតិបត្ដិការ ។
គួរបញ្ជាក់ថា កិច្ចពិភាក្សាសាំងគ្រីឡាលើកទី១២ ឬជំនួបកំពូលសន្ដិសុខអាស៊ីត្រូវបានរៀបចំឡើងដោយវិទ្យាស្ថានសិក្សាយុទ្ធសាស្រ្ដអន្ដរជាតិ ដែលបានចាប់ផ្ដើមកាលពីថ្ងៃទី៣១ ឧសភា ហើយបានប្រមូលផ្ដុំរដ្ឋមន្ដ្រីការពារជាតិ អនុរដ្ឋមន្ដ្រី មន្ដ្រីជាន់ខ្ពស់ និងអ្នកប្រាជ្ញមកពីជាង២០ប្រទេស និងតំបន់នៅអាស៊ីប៉ាស៊ីហ្វិច ក៏ដូចជាប្រទេសនៅអាមេរិកខាងជើង អឺុរ៉ុប និងមជ្ឈិមបូពា៌ ៕
ចែករំលែកព័តមាននេះ