ខេត្តស្ទឹងត្រែង ៖ កាលពីវេលាម៉ោង៦និង១៥នាទីល្ងាច ថ្ងៃទី២៨ ខែតុលា ឆ្នាំ២០១៨ នៅភូមិផាបាំង ឃុំថ្មកែវ ស្រុកសៀមប៉ាង មានករណីអគ្គិភ័យឆាបឆេះផ្ទះប្រជាពលរដ្ឋអស់ចំនួន២ខ្នងទាំងស្រុង និង២ខ្នងទៀត ឆេះអស់ប្រហែល២០ភាគរយ។
នគរបាលអធិការដ្ឋានស្រុកសៀមប៉ាងបានឱ្យដឹងថា កំលាំងអធិការដ្ឋានបានចេញរថយន្តពន្លត់ អគ្គិភ័យទាន់ពេលវេលា និងបាញ់ទឹកអស់ចំនួន៤រថយន្ត ដោយមានកិច្ចសហការពីកំលាំងប៉ុស្តិ៍ រដ្ឋបាលប្រជាពលរដ្ឋ ជួយបូមទឹកទន្លេជាច្រើនជួយបាញ់ពន្លត់ និងគ្រប់គ្រងស្ថានភាពទាំងស្រុង នៅវេលាម៉ោង៧និង៣០នាទីចំពោះព័ត៌មានលម្អិតមិនទាន់ស្រងបាននោះទេ ។
ម្ចាស់ផ្ទះទាំង២ដែលរងគ្រោះរួមមាន ផ្ទះទី១ដែលឆេះមុនគេឈ្មោះ ឌី នូចាន់ អាយុ៥២ឆ្នាំ មាន ផ្ទះទំហំទទឹង៩ម៉ែត្រគុណនឹង២០ម៉ែត្រ ធ្វើអំពីឈើប្រក់ស័ង្កសីឆេះអស់ទាំងស្រុង រីឯម្ចាស់ផ្ទះទី២-ឈ្មោះ ហឿង ខាំទៀន អាយុ៤២ឆ្នាំ មានផ្ទះទំហំទទឹង១០ម៉ែត្រគុណនឹង១៩ម៉ែត្រ ធ្វើអំពីឈើប្រក់ហ្វីប្រូបានឆេះអស់ទាំងស្រុង ។
ចំណែកផ្ទះ២ខ្នងទៀតបានរងការខូចខាតតិចតួច ដោយសារមានការជួយអន្តរាគមន៍ពន្លត់ពីកំលាំងនគរ
បាល និងប្រជាពលរដ្ឋ ចំពោះមូលហេតុនៅមិនទាន់ដឹងច្បាស់នៅឡើយទេ តែតាមការសន្និដ្ឋានជំហានដំបូងអាចបណ្តាលមកពីទុស្សេខ្សែភ្លើង។
សូមបញ្ជាក់ថា នៅក្នុងហេតុការណ៍នោះមិនបណ្តាលអោយមនុស្សណាម្នាក់ រងរបួសគ្រោះថ្នាក់ដល់អាយុជីវិតឡើយ៕
ចែករំលែកព័តមាននេះ