រាជធានីភ្នំពេញ ៖ ព្រឹត្តិការណ៍ប្រកួតកីឡាបាល់បោះដែលត្រូវបានគេប្រសិទ្ធនាមថា «League បាល់បោះឆ្នាំ២០១៣ » នោះបានចាប់ផ្តើមបើកការប្រកួតជាផ្លូវការហើយកាលពីល្ងាចថ្ងៃទី១ មិថុនា នៅលើទីលាន Beeline Arena ជ្រោយចង្វា ស្ថិតក្រោមអធិបតីភាពលោកស៊ាន បូរ៉ាត រដ្ឋលេខាធិការក្រសួងអប់រំយុវជននិងកីឡា និងជាប្រធានសហព័ន្ធកីឡាបាល់បោះកម្ពុជា ដោយមានការចូលរួមពីសមាជិក
រាជធានីភ្នំពេញ ៖ ព្រឹត្តិការណ៍ប្រកួតកីឡាបាល់បោះដែលត្រូវបានគេប្រសិទ្ធនាមថា «League បាល់បោះឆ្នាំ២០១៣ » នោះបានចាប់ផ្តើមបើកការប្រកួតជាផ្លូវការហើយកាលពីល្ងាចថ្ងៃទី១ មិថុនា នៅលើទីលាន Beeline Arena ជ្រោយចង្វា ស្ថិតក្រោមអធិបតីភាពលោកស៊ាន បូរ៉ាត រដ្ឋលេខាធិការក្រសួងអប់រំយុវជននិងកីឡា និងជាប្រធានសហព័ន្ធកីឡាបាល់បោះកម្ពុជា ដោយមានការចូលរួមពីសមាជិកប្រតិបត្តិរបស់សហព័ន្ធនិងកីឡាករ -កីឡាការិនីជាច្រើននាក់ ។
ក្រុមបាល់បោះដែលបានចូលរួមប្រកួតឆ្នាំនេះមានចំនួន១២ក្រុម គឺ ក្រុមភ្នំពេញ Dragon , ក្រុម Cellcard Eagles FC , ក្រុម Alaxan FR Patriots ,ក្រុម NSK-Dream ,ក្រុម Extra JossWarrios , ក្រុម Post Buffaloes , ក្រុម Galaxy , ក្រុមប៉ាតេ -៣១០ ,ក្រុមសិលាមាស, ក្រុម Gangberg , ក្រុម IRB The Lord និងក្រុម CCPL Heat ។ សម្រាប់ការប្រកួតនៅថ្ងៃដំបូងដែលមាន៣ប្រកួតនោះ ក្រុមសិលាមាស បានបំបាក់ក្រុមNSK Dream ក្នុងលទ្ធផល៦០ទល់៥០ ក្រុម IRB The Lord បានយកឈ្នះក្រុម Cellcard EaglesFC ក្នុងលទ្ធផល៥១ទល់៣៦ និងក្រុម Alaxan FR Patriots ឈ្នះក្រុម Ganzberg ក្នុងលទ្ធផល ៨០ទល់៧១ ។
សូមបញ្ជាក់ថា រូបមន្តនៃការប្រកួតគឺវិលជុំតែ១ជុំគត់ ដោយក្រុមទាំង១២ត្រូវជួបគ្នាធ្វើការប្រកួតជម្រុះទុក៨ក្រុមដែលមានពិន្ទុលើសគេនឹងឡើងទៅលេងបន្តនៅវគ្គ១ភាគ៤ ផ្តាច់ព្រ័ត្រ ដោយក្រុមលេខ១ ត្រូវជួបជាមួយក្រុមលេខ៨, ក្រុមលេខ២ជួបក្រុមលេខ៧ , ក្រុមលេខ៣ ជួបក្រុមលេខ៦ និងក្រុមលេខ៤ ជួបក្រុមលេខ៥ ។ ចំណែក៤ក្រុមដែលចាញ់គឺហាលអាវ ឯ៤ក្រុមដែលឈ្នះនឹងត្រូវឡើងលេងបន្តនៅវគ្គពាក់កណ្តាលផ្តាច់ព្រ័ត្រ ។ ក្រុមដែលឈ្នះវគ្គពាក់កណ្តាលផ្តាច់ព្រ័ត្រប្រកួតគ្នាបន្តយកឋានៈជើងឯក ឯក្រុមចាញ់វគ្គពាក់កណ្តាលផ្តាច់ព្រ័ត្រ ប្រកួតគ្នាដណ្តើមចំណាត់ថ្នាក់លេខ៣ ។ ក្នុងមួយព្រឹត្តិការណ៍នេះមានចំនួន៧៤ប្រកួត និងគ្រោងបញ្ចប់នៅថ្ងៃទី១៤ ធ្នូ ឆ្នាំ២០១៣ ៕
ចែករំលែកព័តមាននេះ