រាជធានីភ្នំពេញ ៖ សមាគមនារីកម្ពុជាដើម្បីសន្តិភាព និងអភិវឌ្ឍន៍ខណ្ឌប្ញស្សីកែវ នៅរសៀលថ្ងៃទី៣ មិថុនា ២០១៣ នេះ បាននាំអំណោយសម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិតប៊ុន រ៉ានី ហ៊ុន សែន ទៅចែកជូនប្រជាពលរដ្ឋដែលងាយរងគ្រោះចំនួន១៥គ្រួសារ ស្ថិតក្នុងសង្កាត់ព្រែកលៀប ខណ្ឌប្ញស្សីកែវ ។
រាជធានីភ្នំពេញ ៖ សមាគមនារីកម្ពុជាដើម្បីសន្តិភាព និងអភិវឌ្ឍន៍ខណ្ឌប្ញស្សីកែវ នៅរសៀលថ្ងៃទី៣ មិថុនា ២០១៣ នេះ បាននាំអំណោយសម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិតប៊ុន រ៉ានី ហ៊ុន សែន ទៅចែកជូនប្រជាពលរដ្ឋដែលងាយរងគ្រោះចំនួន១៥គ្រួសារ ស្ថិតក្នុងសង្កាត់ព្រែកលៀប ខណ្ឌប្ញស្សីកែវ ។
ក្នុងពិធីនោះក៏មានការអញ្ជើញចូលរួមផ្ទាល់ពីសំណាក់លោកស្រីអ៊ួង សុផល្លា ជាប្រធានសមគមនារីកម្ពុជាដើម្បីសន្តិភាព និងអភិ
វឌ្ឍន៍ខណ្ឌប្ញស្សី និងជាភរិយាលោកឃ្លាំង ហួត អភិបាលខណ្ឌប្ញស្សីកែវ ព្រមទាំងមានការចូលរួមពីនារីៗជាភរិយាមន្ត្រីរាជការជុំវិញសាលាខណ្ឌប្ញស្សីកែវផងដែរ ។ ការចែកអំណោយនោះ ក្នុងមួយគ្រួសារៗទទួលបានអង្ករ២៥គីឡូក្រាម, មី១កេស, ទឹកត្រី១យួរ, ទឹកស៊ីអ៊ីវ១យួរ, សាប៊ូ១, សារុង១, ទឹកដោះ, ស្ករស, ត្រីខ៥កំប៉ុង និងថវិកាចំនួន៨ម៉ឺនរៀលក្នុងមួយគ្រួសារ ។
គួរបញ្ជាក់ថា នេះជាលើកទី៤ហើយ ដែលសមាគមនារីកម្ពុជា ដើម្បីសន្តិភាព និងអភិវឌ្ឍន៍ បានចែកអំណោយដល់សង្កាត់ព្រែកលៀប ៕
ចែករំលែកព័តមាននេះ