រាជធានីភ្នំពេញ ៖ ជនជាតិអ៊ីស្រាអែលម្នាក់ត្រូវបានកម្លាំងសមត្ថកិច្ចការិយាល័យនគរបាលព្រហ្មទណ្ឌកម្រិតស្រាលក្រសួងមហាផ្ទៃឃាត់ខ្លួន និងបញ្ជូនទៅកាន់សាលាដំបូងរាជធានីភ្នំពេញ កាលពីរសៀលថ្ងៃទី២៧ តុលានេះ ដោយជាប់ពាក់ពន្ធទៅនឹងបណ្តឹងរបស់ជនរងគ្រោះថា បានបង្ហោះរូបភាពរួមភេទអាសអាភាសជាមួយនាងធ្វើឲ្យប៉ះពាល់ដល់កិត្តិយសស្ត្រីខ្មែរ គឺបទបរិហារកេរ្តិ៍ជាសាធារណៈ (តាមប្រព័ន្ធហ្វេសប៊ុក) ។
ជនសង្ស័យឈ្មោះ Tom Steinmets ភេទប្រុស អាយុ៣៥ឆ្នាំ ជនជាតិអ៊ីស្រាអែល មុខរបរជាពាណិជ្ជករចេញចូលរកស៊ីស្រុកខ្មែរ ។ ចំណែកជនរងគ្រោះក្នុងសំណុំរឿងនេះឈ្មោះញឹម សុខឡេង ភេទស្រី អាយុ២២ឆ្នាំ ជាជនជាតិខ្មែរ ។
តាមពាក្យបណ្តឹងរបស់ជនរងគ្រោះដែលបានដាក់ប្តឹងចូលសមត្ថកិច្ចបញ្ជាក់ថា ក្នុងអំឡុងឆ្នាំ២០១៦ នាងបានស្គាល់ឈ្មោះ Tom Steinmets តាមរយៈលេងហ្វេសប៊ុក ។ លុះដល់ថ្ងៃទី១៧ វិច្ឆិកា ២០១៧ អ្នកទាំងពីរបានជួបគ្នា និងស្មោះស្ម័គ្រស្រឡាញ់គ្នាព្រមព្រៀងរស់នៅជាមួយគ្នាជាប្តីប្រពន្ធ តែមិនបានរៀបការនោះទេ ។ ដល់អំឡុងខែកុម្ភៈ ២០១៨ ពួកគេចេះតែមានភាពរកាំរកុះ និងរស់នៅមិនសូវចុះសម្រុងគ្នា ហើយបុរសជាប្តីអត់ខណ្ឌស្លាឈ្មោះ Tom Steinmets តែងតែវាយធ្វើបាបនាងដើមបណ្តឹងទៀតផង ។ ដោយទ្រាំ និងការធ្វើទុក្ខបុកម្នេញពីសំណាក់បុរសជាប្តីជនជាតិអ៊ីស្រាអែលនោះលែងបាន នាងសុខចិត្តចុះចេញ និងចែកផ្លូវគ្នា ដើរដើម្បីសុភមង្គលរៀងខ្លួន។ ពាក្យបណ្តឹងបានបញ្ជាក់ទៀតថា ស្រាប់តែនៅក្នុងខែឧសភា ២០១៨ ឈ្មោះពិសី ជាកូនស្រីចិញ្ចឹមរបស់ជនសង្ស័យបានបង្ហោះរូបភាពរួមភេទអាសអាភាសរវាងជនរងគ្រោះ និងជនសង្ស័យ កាលនៅជាប្តីប្រពន្ធក្នុងសង្គមហ្វេសប៊ុក ។ ហើយករណីខាងលើនេះដើមបណ្តឹងបានទូន្មានទៅនាងពិសីដែរឲ្យបញ្ឍប់ធ្វើសកម្មភាពព្រោះ ពាក់ពន្ធរឿងបរិហារកេរ្តិ៍ ។
ផ្ទុយទៅវិញជនសង្ស័យឈ្មោះ Tom Steinmets បានយករូបអាសអាភាសនោះចែកចាយបន្តតាមរយៈសារអេឡិចត្រូនិ ច(មីស៊ីងជឺ) ឲ្យទៅមិត្តភក្តិពួកគេច្រើននាក់បានឃើញ ដែលរូបនាងមិនបានដឹង ។
ក្រោយមកមិត្តភក្តិផ្ញើរូបអាក្រាតនោះឲ្យនាងមើលទើបដឹងថាឈ្មោះ Tom Steinmets បានយកភាពរួមភេទជាមួយនាងឲ្យទៅពិសី ដែលជាកូនស្រីចិញ្ចឹមបង្ហោះក្នុងសង្គមហ្វេសប៊ុក ។ មិនតែប៉ុណ្ណោះ Tom Steinmets នៅបានគំរាមយកលុយនាងរហូតបើនាងមិនឲ្យគេ និងធ្វើរឿងអ្វីមួយមិនល្អលើនាងកាន់តែអាម៉ាស់ទៀតជាក់ស្តែង គឺ Tom Steinmets បានយករូបភាពរួមរក្ស័ជា មួយគ្នា កាលនៅជាប្តីប្រពន្ធបង្ហោះចែកចាយឲ្យអ្នកផ្សេងតៗគ្នាដែលធ្វើឲ្យកិត្តិយសនាង និង ក្រុមគ្រួសាររងភាពស្រអាប់ ។ ជនសង្ស័យបាន និងកំពុងស្ថិតនៅដំណាក់ការស្ថាប័នអយ្យការសាកសួរ តែការសាកសួរនោះមិនទាន់បានបញ្ចប់ទេ និងបានផ្ញើទៅសមត្ថកិច្ចវិញ៕
ចែករំលែកព័តមាននេះ