ស្របពេលដែលកម្ពុជាកំពុងតែខិតខំអភិវឌ្ឍន៍ និងលើកកម្ពស់សេវាកម្មដឹកជញ្ជូនតាមផ្លូវដែក ក្រសួងសាធារណការ និងដឹកជញ្ជូនបានប្រកាសថា កូរ៉េខាងត្បូងបានប្រកាសជួយបណ្តុះ បណ្តាលជំនាញនេះដល់អ្នកជំនាញកម្ពុជា ។ ប្រភពដដែលបានអះអាងថា ស្ថានទូតសាធារណរដ្ឋកូរ៉េប្រចាំព្រះរាជាណាចក្រកម្ពុជា បាន…
ស្របពេលដែលកម្ពុជាកំពុងតែខិតខំអភិវឌ្ឍន៍ និងលើកកម្ពស់សេវាកម្មដឹកជញ្ជូនតាមផ្លូវដែក ក្រសួងសាធារណការ និងដឹកជញ្ជូនបានប្រកាសថា កូរ៉េខាងត្បូងបានប្រកាសជួយបណ្តុះ បណ្តាលជំនាញនេះដល់អ្នកជំនាញកម្ពុជា ។
ប្រភពដដែលបានអះអាងថា ស្ថានទូតសាធារណរដ្ឋកូរ៉េប្រចាំព្រះរាជាណាចក្រកម្ពុជា បាន ជូន ដំណឹងស្តីពីការផ្តល់អាហារូបករណ៍របស់សាកលវិទ្យាល័យ WOOSONG នៅសាធារណរដ្ឋកូរ៉េ ក្នុងឆ្នាំ២០២៤ សម្រាប់មន្ត្រីរាជការ និងបុគ្គលិកផ្លូវដែក។
មកដល់ពេលនេះ សេវាកម្មដឹកជញ្ជូនផ្លូវដែកនៅកម្ពុជា គឺពិតជាមិនអាចប្រៀបនឹងសេវាកម្មដឹកជញ្ជូនផ្សេងទៀតបាននៅឡើយទេ ប៉ុន្តែកំពុងតែខិតខំ ។
ក្រៅពីផ្លូវដែកដែលមានពីរខ្សែ គឺមួយខ្សែចេញពីភ្នំពេញទៅខេត្តព្រះសីហនុ និងមួយខ្សែទៀតពីភ្នំពេញទៅប៉ោយប៉ែត បានកំពុងតែដំណើរការ ប៉ុន្តែប្រជាប្រិយភាពគឺនៅមានកម្រិត ហើយក្រុម ហ៊ុនរ៉ូយ៉ាល់ រ៉ៃវេ កម្ពុជា ដែលទទួលសម្បទានធ្វើអាជីវកម្មលើសេវាកម្ម ដឹកជញ្ជូនតាមផ្លូវទាំងពីរខ្សែរបានកំពុងតែខិតខំជំរុញ ។
មកដល់ពេលនេះ ក្រុមហ៊ុនកំពុងតែរៀបចំយករថភ្លើង គីហាសេរី ១៨៣ (KiHa 183 series) ដែលជារថភ្លើងជជុះពីជប៉ុនមកពង្រឹង ដោយគ្រោងនឹងដាក់ឲ្យដំណើរការនៅ អំឡុងខែមិថុនាខាងមុខ
នេះ ។
ក្រៅពីផ្លូវដែកដែលមានស្រាប់ កម្ពុជាកំពុងតែដុតដៃដុតជើងលើកកំពស់កម្រិតសេវាកម្ម ដឹកជញ្ជូននៅលើកំណាត់ផ្លូវដែកទាំងពីរទៅជាផ្លូវដែកល្បឿនលឿនដែលអាចរត់ បានដល់១៦០ គីឡូម៉ែត្រនៅក្នុងមួយម៉ោង ហើយក៏មានគម្រោងធ្វើការតភ្ជាប់ ទៅឡាវ និងទៅវៀតណាមផងដែរ ។
ចែករំលែកព័តមាននេះ