ADផ្ទាំងផ្សព្វផ្សាយពាណិជ្ជកម្ម

Picture

បញ្ចប់​តំណែងចៅអធិការ​វត្ត​កូន​ត្មាត ក្រោយ​បែ.ក​ធ្លាយ​ឃ្លីបវី​ដេ​អូ​លើបណ្តាញសង្គម រកវា.យ​អ្នកគ្រូ​​១​​រូប

1 ខែ មុន
  • ត្បូងឃ្មុំ

​ខេត្តត្បូងឃ្មុំ ៖ ការ​បង្ហោះ​រូបភាព​វី​ដេ​អូ​ព្រះសង្ឃ​លើ​បណ្ដាញ​សង្គម​ដែល​បាន​ជេរ​ប្រមាថ​អ្នកគ្រូ​

​ខេត្តត្បូងឃ្មុំ ៖ ការ​បង្ហោះ​រូបភាព​វី​ដេ​អូ​ព្រះសង្ឃ​លើ​បណ្ដាញ​សង្គម​ដែល​បាន​ជេរ​ប្រមាថ​អ្នកគ្រូ​បង្រៀន​ដល់​បន្ទប់​ថ្នាក់ ស្ថិត​នៅ​ឃុំ​អ​ញ្ចើ​ម ស្រុក​ត្បូងឃ្មុំ ជា​រឿង​ចាស់​កើតឡើង​ក្នុង​អំឡុង​ឆ្នាំ​២០២២ ត្រូវ​បាន​គេ​ចែកចាយ​បន្ត​ព្រោ​ង​ព្រាត​ ។ ​នៅ​ទីបំផុត​ត្រូវ​បាន​សាលា​អនុគណ​ស្រុក​ត្បូងឃ្មុំ​បាន​ចេញ​សេចក្តីសម្រេច​ដក​ភិក្ខុ អ៊ុ​ក ម៉ា​ឬ​ទ្ធី ជា​ចៅអធិការ​វត្ត​ឈើទាល​ជ្រុំ​(​កូន​ត្នា​ត​)​នៅ​ថ្ងៃ​ទី​១៨ ខែឧសភា ឆ្នាំ​២០២៤ ជាមួយ​នោះ​អ្នកគ្រូ​បង្រៀន​ម្នាក់​ក៏​បាន​ប្ដឹង​ទាមទារ​សំណង​ជំងឺ​ចិត្ត​ចំនួន​៦០​លាន​រៀល​ពី​ព្រះសង្ឃ​អង្គ​នេះ​ផង​ដែរ​។

លោក​ហាក់ ហុ​ន ប្រធាន​មន្ទីរ​ធម្មការ​និង​សាសនា​ខេត្ត​បាន​ឲ្យ​ដឹង​នា​ព្រឹក​ថ្ងៃ​ទី ១៩​ ឧសភា ​ថា តាម​ពិត​ទៅ​រឿង​ដែល​គេ​បង្ហោះ​លើ​បណ្ដាញ​សង្គម​គឺជា​រឿង​ចាស់​ដែល​កើតឡើង​នៅ​ក្នុង​អំឡុង​ឆ្នាំ​២០២២ ក្នុង​គ្រានោះ​មាន​មន្ទីរ​ធម្មការ​ខេត្ត​អនុគណ​ស្រុក លោក​អភិបាលស្រុក​ត្បូងឃ្មុំ​ព្រមទាំង​អាជ្ញាធរ​ពាក់ព័ន្ធ​បាន​ចុះ​ទៅ​ធ្វើការ​សម្របសម្រួល​ដោយ​ឱ្យ​ព្រះ​ចៅអធិការ​វត្ត​កូន​ត្មាត​នេះ​និមន្ត​ចេញពី​វត្ត​ដើម្បី​បញ្ចប់​អធិករ​ណ៍​។

ប្រធាន​មន្ទីរ​ធម្មការ​ខេត្ត​បាន​បន្ត​ឲ្យ​ដឹង​ទៀត​ថា ក្រោយ​ពី​ធ្វើការ​សម្របសម្រួល​រវាង​អាជ្ញាធរ​ពាក់ព័ន្ធ​ជាមួយនឹង​អ្នកគ្រូ​បង្រៀន​គាត់​បាន​យល់ព្រម​តាម​ការ​ណែនាំ​របស់​អាជ្ញាធរ​។​ស្រាប់តែ​លុះ​មក​ដល់​ពេល​ល្ងាច​អ្នកគ្រូ​បង្រៀន​រូប​នោះ​មិន​យល់ព្រម​ដោយ​សម្រេច​ដាក់​ពាក្យបណ្ដឹង​មក​សាលាដំបូង​ខេត្ត​ត្បូងឃ្មុំ​ដើម្បី​ធ្វើការ​ដោះស្រាយ​ជាមួយ​នោះ​បាន​ទា​សំណង​ជំងឺ​ចិត្ត​ចំនួន​៦០​លាន​រៀល​ទៀត​ផង​។​

ដោយសារ​តែ​ការ​ដោះស្រាយ​នៅ​សាលាដំបូង​ចេះ​តែ​រង​ចាំ​យូរ​អ្នកគ្រូ​បង្រៀន​ដែល​ជា​ជន​រង​គ្រោះ​បាន​សម្រេច​ប្ដឹង​ទៅ​សាលាឧទ្ធរណ៍​ត្បូងឃ្មុំ ដើម្បី​ឱ្យ​មាន​ចំណាត់ការ​លើ​ព្រះសង្ឃ​អង្គ​នេះ ការ​រង់ចាំ​ដោយ​មិន​ទាន់​កាត់​ឱ្យ​ភាគី​ណាមួយ​ឈ្នះ​ឬ​ចាញ់​នៅឡើយ​ទេ​។​ស្រាប់តែ​នៅ​ថ្ងៃ​ទី ១៦​ឧសភា ព្រះ​ចៅអធិការ​វត្ត​កូន​ត្មាត​ក្នុង​នាម​ជា​ប្រធាន​គណៈកម្មការ​ទ្រទ្រង់​សាលា​ផង​បាន​និមន្ត​មក​ហៅ​ក្មេង​សិស្សសាលា​ឲ្យ​ជួយ​រើស​ដុំ​ថ្ម​តូច​ៗ​ដាក់​នៅ​កន្លែង​ទីចាត់ការ ក្នុង​ចំណោម​នោះ​មានកូន​ក្មេង​ជា​សិស្សសាលា​ពីរ​ទៅ​បី​នាក់​មិន​ព្រម​រើស ហើយ​ចៅអធិការ​វត្ត​បាន​កាច់​មែក​ជ្រៃ​យក​មក​វាយ​លើ​កូនសិស្ស​ត្រូវ​បន្តិចបន្តួច ជា​ហេតុ​ធ្វើ​ឲ្យ​គ្រូបង្រៀន​រួម​ផ្សំ​និង​អ្នកស្រុក​មិន​ពេញចិត្ត​ស្រាប់​ផង​នោះ ក៏​ត្រូវ​បាន​អ្នកគ្រូ​បង្រៀន​ដែល​ជា​ជន​រង​គ្រោះ​បាន​ឲ្យ​វី​ដេ​អូ​រឿង​ចាស់​ដែល​កើតឡើង​ក្នុង​អំឡុង​ឆ្នាំ​២០២២ ទៅ​ឲ្យ​ម្ចាស់​អា​ខោ​ន facebook ឈ្មោះ​ចែ​ហៀ​ង​ត្បូងឃ្មុំ បង្ហោះ​ពី​សកម្មភាព​របស់​ព្រះ​ចៅអធិការ​ដែល​ជេរ​ប្រមាថ​នៅ​ពាក្យ​មិន​សមរម្យ​មក​លើ​អ្នកគ្រូ​បង្រៀន​….​។

សូម​បញ្ជាក់​ថា​នៅ​ក្នុង​បរិវេណ​សាលា​នោះ​មាន​បឋម​និង​អនុ​វិទ្យាល័យ​ហើយ​ចៅអធិការ​បាន​ឲ្យ​កូនសិស្ស​ដាំ​កូន​ឈើ​នៅ​ក្បែរ​អគារសិក្សា​សម្រាប់​ជា​ម្លប់​ទៅ​ថ្ងៃ​អនាគត​តែ​ចៃដន្យ ដោយសារ​តែ​អាកាសធាតុ​មានការ​ប្រែប្រួល​រង​អា​ទិ្ធ​ល​អ៊ែ​ល​នី​ណូ ធ្វើ​ឲ្យ​កូន​ឈើ​ស្វិត​ស្រពោន​ងាប់ សិស្ស​បាន​កាប់​កូន​ឈើ​នោះ​ចោល​ធ្វើ​ឱ្យ​ចៅអធិការ​មានការ​អាក់អន់ចិត្ត​ដោយ​ព្រះ​អង្គ​មាន​ថេរ​ដីកា​ថា​កូន​ឈើ​នោះ​មិន​ទាន់​ងាប់​នៅឡើយ​ទេ ម្ដេច​ក៏​កាប់​ចោល​បែប​នេះ​…​។

ពាក់ព័ន្ធ​ករណី វី​ដេ​អូ​ខ្លី​ប​រយៈពេល ១​នាទី​និង​៣០​វិនាទី ដែល​ព្រះសង្ឃ​១​អង្គ មាន​ជំ​លោះ​ពាក្យ​សម្តី នៅ​ក្នុង​សាលារៀន ក្នុង​អំឡុង​ខែមិថុនា ឆ្នាំ​២០២២ កន្លង​ទៅ ត្រូវ​បាន​បែកធ្លាយ​បង្ហោះ​នៅ​តាម​បណ្តាញ​សង្គម នៅ​ថ្ងៃ​ទី​១៦ ខែឧសភា ឆ្នាំ​២០២៤​។

ហេតុការណ៍​នេះ ផ្ទុះ​លើ​បណ្តាញ​សង្គម មានការ​ចែករំលែក និង​វែកញែក​ជា​ច្រើន​ហូរហែ​នេះ វី​ដេ​អូ​ខាងលើ​នេះ កើតឡើង​បន្ទាប់​ពី​ព្រះសង្ឃ​អង្គ​ដ​ដែរ​នេះ បាន​ធ្វើ​សកម្មភាព​វាយ​ទៅ​លើ​សិស្សសាលា​បឋម​សិក្សា​អ​ញ្ចើ​ម ដោយ​មូលហេតុ សិស្ស​មិន​បាន​រើស​ដុំ​ថ្ម ទៅ​ដាក់​ក្នុង​គ្រឹះ​ទីចាត់ការ និង​បណ្ណាល័យ​ដែល​កំពុង​សាងសង់ តាម​ការ​បញ្ជា​របស់​លោក ខណៈ​ព្រះ​អង្គ ជា​គណៈកម្មការ​មួយ​រូប​ផង​ដែរ នៅ​ក្នុង​សាលារៀន​នេះ​។

ប្រធាន​មន្ទីរ​ធម្មការ​ខេត្ត​បញ្ជាក់​ថា​ព្រះសង្ឃ​អង្គ​នេះ មានឈ្មោះ​ភិក្ខុ អ៊ុ​ក ម៉ា​ឬ​ទ្ធី ព្រះ​ចៅអធិការ​វត្ត​ឈើទាល​ជ្រុំ (​ហៅ​វត្ត​កូន​ត្មាត​) ស្ថិត​ក្នុងភូមិ​កូន​ត្មាត ឃុំ​អ​ញ្ចើ​ម ស្រុក​ត្បូងឃ្មុំ ខេត្ត​ត្បូងឃ្មុំ ដោយឡែក អ្នកគ្រូ​ម្នាក់​នោះ​មានឈ្មោះ ប៊ុ​ន ឆេ​ង​ឡូត ជា​នាយិការ​រង​នៃ​អនុ​វិទ្យាល័យ​អ​ញ្ចើ​ម ស្ថិត​នៅ​ភូមិ​-​ឃុំ​ខាងលើ​ដូច​គ្នា​។ ក្រោយ​មាន​ជំ​លោះ ក្នុង​អំឡុង​ឆ្នាំ​២០២២ អ្នកគ្រូ ប៊ុ​ន ឆេ​ង​ឡូត បាន​ដាក់​ពាក្យ ប្តឹង​ភិក្ខុ អ៊ុ​ក ម៉ា​ឬ​ទ្ធី ចំនួន​០៣​ចំណុច​ ៖
១-​ជេរ​ប្រមាថ
២-​គំរាមកំហែង ប៉ុនប៉ង​ធ្វើ​មនុស្សឃាត ហើយ​ប្រើ​អាកប្បកិរិយា​មិន​សមរម្យ​មក​លើ​ខ្លួន​

និង​៣-​បង្ក​ភាព​អាណា​ធិ​ប​តេ​យ្យ​នៅ​កន្លែង​អប់រំ (​សាលា​ក្នុង​ម៉ោង​សិក្សា​) កាលពី​ថ្ងៃ​ទី​២០ ខែមិថុនា ឆ្នាំ​២០២២ វេលា​ម៉ោង ១៤ : ០៥​នាទី​រសៀល​។

ព្រមទាំង​សូម​ទាមទារ​ថ្លៃ​ជំងឺ​ចិត្ត​ចំនួន ៦០,០០០,០០០​រៀល (​ហុកសិប​លាន​រៀល​គត់​) និង​សុំ​ឱ្យ​ដក​ព្រះ​គ្រូ​ចៅអធិការ​វត្ត ព្រះ​តេជគុណ​ព្រះ​នាម អ៊ុ​ក ម៉ា​ឫ​ទ្ធី ចេញពី​វត្ត​ឈើទាល​ជ្រុំ (​កូន​ត្មាត​) ហើយ​សូម​មន្ត្រី​សង្ឃ​សាលា​អនុគណ រក​យុត្តិធម៌ និង ដោះស្រាយ​ឱ្យ​អ្នកគ្រូ​។ ភ្លាម​ៗ០៤​ថ្ងៃ​បន្ទាប់ ពាក់ព័ន្ធ​រឿង​នេះ នៅ​ថ្ងៃ​ទី​២៤ ខែមិថុនា ឆ្នាំ​២០២២ ព្រះ​គ្រូ​មធុរ​ធម្ម​រង្សី វ៉ា​ន ដា​វី ព្រះ​អនុគណ​ស្រុក​ត្បូងឃ្មុំ លោក សេង សុខ​ខឿន អភិបាលស្រុក​ត្បូងឃ្មុំ និង​លោក ហាក់ ហុ​ន ប្រធាន​មន្ទីរ​ធម្មការ និង​សាសនា​ខេត្ត​ត្បូងឃ្មុំ រួម​ទាំង​អ្នក​ពាក់ព័ន្ធ បាន​បើក​កិច្ចប្រជុំ​នៅ​សាលាស្រុក​ត្បូងឃ្មុំ បាន​សម្រេច​សម្របសម្រួល ដើម្បី​បញ្ចប់​បញ្ហា​។ ក្នុង​នោះ ស្នើ​ឲ្យ​អ្នកគ្រូ ប៊ុ​ន ឆេ​ង​ឡូត ដក​ពាក្យបណ្តឹង បន្ទាប់​មក​នឹង​ចាត់វិធានការ​រួម​មាន ៖ ​

-​បញ្ចប់​តំណែង​ភិក្ខុ អ៊ុ​ក ម៉ា​រឹ​ទ្ធី ពី​ចៅអធិការ​វត្ត ឈើទាល​ជ្រុំ
-​និមន្ត​ចេញពី​វត្ត ឈើទាល​ជ្រុំ​(​ហៅ​កូន​ត្មាត​) ទៅ​គង់នៅ​វត្ត គី​រី​រស្មី (​ហៅ​ចុង​អូរ​)​ឃុំ​រកា​ព​ប្រាំ ស្រុក​ត្បូងឃ្មុំ ខេត្ត​ត្បូងឃ្មុំ វិញ​។ ចំពោះ​គណៈកម្មការ លោក​អាចារ្យវត្ត​នេះ ត្រូវ​រៀបចំ​សមាស ភាព​ថ្មី​ឡើង​វិញ បន្ទាប់​ពី​ការ​តែងតាំង​ព្រះ​ចៅអធិការ​ថ្មី​រួច ។

មន្ត្រី​សង្ឃ​សាលា​អនុគណ​ស្រុក​ត្បូងឃ្មុំ អាជ្ញា​ធរមាន​សមត្ថកិច្ច ត្រូវ​ចុះ​ធ្វើ​បញ្ជីសារពើភ័ណ្ឌ​របស់​វត្ត ឈើទាល​ជ្រុំ​(​ហៅ​កូន​ត្មាត​)​ឲ្យ​បាន​មុន​ថ្ងៃ​ដែល​ភិក្ខុ អ៊ុ​ក ម៉ា​រឹ​ទ្ធី និមន្ត​ចេញពី​វត្ត ។ ក្រោយ​ពី​ផ្ទុះ​រឿង​ជា​ថ្មី​នេះ នៅ​ថ្ងៃ​ទី​១៧ ខែឧសភា ឆ្នាំ​២០២៤ អាជ្ញាធរ​ស្រុក និង​ព្រះ​មន្ត្រី​សង្ឃ​ស្រុក បាន​បើក​កិច្ចប្រជុំ នា​ថ្ងៃ​ម្សិលមិញ រហូត​ដល់​ថ្ងៃ​ទី​១៨​នេះ សម្រេច​បញ្ចប់​តំណែង​ភិក្ខុ អ៊ុ​ក ម៉ា​រឹ​ទ្ធី ពី​ចៅអធិការ​វត្ត​ឈើទាល​ជ្រុំ និង​និមន្ត​ចេញពី​វត្ត ទៅ​គង់នៅ​អនុគណ​ស្រុក​ត្បូងឃ្មុំ​វិញ ដើម្បី​បញ្ចប់រឿង​។

សូម​បញ្ជាក់​ថា​សកម្មភាព​របស់​ចៅអធិការ​វត្ត​កូន​ត្មាត​មិន​មានទោស​ត្រូវ​ចាប់​ផ្សឹក​នោះ​ទេ​។​ដោយ​គ្រាន់តែ​តម្រូវ​ឲ្យ​និមន្ត​ចាក​ចេញពី​វត្ត​ដើម្បី​បញ្ជា​នៅ​ការ​ផ្ទុះ​អធិករ​តែ​ប៉ុណ្ណោះ​។ ហើយ​ការ​តែងតាំង​ព្រះ​ចៅអធិការ​វត្ត​នេះ​ជំនួស​ដោយ​ព្រះសង្ឃ​អង្គ​ផ្សេង​មិន​ទាន់​បាន​ត្រូវ​ដឹង​នៅឡើយ​។​អាស្រ័យ​ទៅ​លើ​អនុគណ​ស្រុក​ជា​អ្នក​រៀបចំ​ធ្វើ​យ៉ាងណា​ឱ្យ​មានការ​ពេញចិត្ត​ពី​សំណាក់​ប្រជាពលរដ្ឋ​លោកគ្រូ​អ្នកគ្រូ​សិស្សានុសិស្ស​ ៕​

អត្ថបទសរសេរ ដោយ

កែសម្រួលដោយ