ចិន វេចលុយជាង៣០០លានដុល្លារ មករកស៊ីនៅកម្ពុជា កាលពីខែមេសា
- ភ្នំពេញ
ទោះជាសេដ្ឋកិច្ចចិន ស្ថិតនៅក្នុងស្ថានភាព ដែលអ្នកសេដ្ឋកិច្ចបស្ចឹមប្រទេស អះអាងថា ធ្លាក់ចុះ ប៉ុន្តែសម្រាប់កម្ពុជា ដែលជាមិត្តដែកថែប
ទោះជាសេដ្ឋកិច្ចចិន ស្ថិតនៅក្នុងស្ថានភាព ដែលអ្នកសេដ្ឋកិច្ចបស្ចឹមប្រទេស អះអាងថា ធ្លាក់ចុះ ប៉ុន្តែសម្រាប់កម្ពុជា ដែលជាមិត្តដែកថែប
ទោះជាសេដ្ឋកិច្ចចិន ស្ថិតនៅក្នុងស្ថានភាព ដែលអ្នកសេដ្ឋកិច្ចបស្ចឹមប្រទេស អះអាងថា ធ្លាក់ចុះ ប៉ុន្តែសម្រាប់កម្ពុជា ដែលជាមិត្តដែកថែប បានទាក់ទាញទុនវិនិយោគពីចិន យ៉ាងក្រាស់ក្រែល ។
ស្ថិតិពីក្រុមប្រឹក្សាអភិវឌ្ឍន៍កម្ពុជា បានឲ្យដឹងថា នៅក្នុងរយៈពេលពេញមួយខែមេសា វិនិយោគិនចិនបានដាក់លុយ ជាង៣០០លានដុល្លារ ចូលកម្ពុជា ខណៈដែលទុនវិនិយោគសរុបប្រចាំខែ សរុបមានតម្លៃត្រឹមតែ ៣០៩លានដុល្លារ ។
ប្រភពដដែល បានឲ្យដឹងថា នៅក្នុងចំណោមគម្រោងវិនិយោគ ចំនួន២២គម្រោង ដែលមានទុនវិនិយោគសរុបប្រមាណជាង៣០៩លានដុល្លារ ចិនមានទុនសរុបរហូតដល់ទៅ ៩៨,០២ភាគរយ វិនិយោគិននៅក្នុងស្រុក១,០៣ភាគរយ ហើយឥណ្ឌា គឺមាន០,៩៥ភាគរយ ។
ក្រុមប្រឹក្សាអភិវឌ្ឍន៍កម្ពុជា បានអះអាងនៅថ្ងៃទី៧ ខែឧសភាថា គម្រោងទាំងនេះ អាចបង្កើតការងារបានប្រមាណ២៣ពាន់កន្លែង។
ប្រភពដដែល បានបន្តថា ក្នុងចំណោមគម្រោងវិនិយោគទាំង២២គម្រោង វិនិយោគ ដែលមានទីតាំងស្ថិតនៅក្រៅតំបន់សេដ្ឋកិច្ចពិសេស មានចំនួន១៤គម្រោង និង គម្រោងវិនិយោគ ដែលមានទីតាំងស្ថិតនៅក្នុងតំបន់សេដ្ឋកិច្ចពិសេស មានចំនួន៨គម្រោង។
ប្រភពដដែល បានបន្តថា គម្រោងវិនិយោគទាំងនេះ ភាគច្រើន គឺមានទីតាំងនៅខេត្ត កំពង់ស្ពឺ ស្វាយរៀង កណ្តាល ភ្នំពេញ ព្រះសីហនុ និងបន្ទាយមានជ័យ ។
ចែករំលែកព័តមាននេះ