ខេត្តកំពង់ស្ពឺ ៖ ការផ្សងព្រេងក្នុងវង់ល្បែងស៊ីសងគ្មានវាសនាល្អនោះទេ គឺបានត្រឹមតែវិនាសខ្លួនឯងប៉ុណ្ណោះ ។ បុរសម្នាក់បានជាប់ចោទរំលោ.ភលើសេចក្តីទុកចិត្តរបស់ប្រធានក្រុមហ៊ុនខ្លួន ដោយសារលួចភេសជ្ជៈតាមដេប៉ូចំនួន៣កន្លែង ដែលក្រុមហ៊ុនដាក់ឱ្យមកចែកចាយតាមដេប៉ូនៅខេត្តកំពង់ស្ពឺ គិតជាទឹកប្រាក់ចំនួន៩៨៨១ដុល្លារ(ប្រាំបួនពាន់ប្រាំបីរយប៉ែតសិបមួយដុល្លារ) យកទៅ
ខេត្តកំពង់ស្ពឺ ៖ ការផ្សងព្រេងក្នុងវង់ល្បែងស៊ីសងគ្មានវាសនាល្អនោះទេ គឺបានត្រឹមតែវិនាសខ្លួនឯងប៉ុណ្ណោះ ។ បុរសម្នាក់បានជាប់ចោទរំលោភលើសេចក្តីទុកចិត្តរបស់ប្រធានក្រុមហ៊ុនខ្លួន ដោយសារលួចភេសជ្ជៈតាមដេប៉ូចំនួន៣កន្លែង ដែលក្រុមហ៊ុនដាក់ឱ្យមកចែកចាយតាមដេប៉ូនៅខេត្តកំពង់ស្ពឺ គិតជាទឹកប្រាក់ចំនួន៩៨៨១ដុល្លារ(ប្រាំបួនពាន់ប្រាំបីរយប៉ែតសិបមួយដុល្លារ) យកទៅចាយអស់ ហើយត្រូវម្ចាស់ក្រុមហ៊ុនធ្វើពាក្យបណ្តឹងចូលមកបញ្ជាការដ្ឋានកងរាជអាវុធហត្ថខេត្ត ដើម្បីឃាត់ខ្លួនទៅតាមច្បាប់ ។
លោកឧត្តមសេនីយ៍ត្រីម៉ែន ស៊ីប៊ន មេបញ្ជាការកងរាជអាវុធហត្ថខេត្តមានប្រសាសន៍ថា ក្រោយពីបានទទួលពាក្យបណ្តឹងភ្លាម លោកក៏បានចេញបញ្ជាទៅលោក ទិត្យ វណ្ណៈ នាយការិយាល័យស្រាវជ្រាវបទល្មើសព្រហ្មទណ្ឌឱ្យដឹកនាំកម្លាំងទៅឃាត់ខ្លួនជនជាប់ចោទនៅវេលាម៉ោង១១និង៣០នាទីព្រឹកថ្ងៃទី៣០ ឧសភា នៅចំណុចដេប៉ូលក់ភេសជ្ជៈ រស់ ទ្រីម ក្នុងភូមិពាណិជ្ជកម្ម សង្កាត់រការធំ ក្រុងច្បារមន ។
លោក ទិត្យ វណ្ណៈ បានឱ្យដឹងថា បុរសដែលត្រូវឃាត់ខ្លួននេះឈ្មោះ ហូយ ពិសិដ្ឋ អាយុ២៥ឆ្នាំ មានទីលំនៅផ្ទះលេខ៣ ផ្លូវលេខ៣១១ សង្កាត់បឹងកក់ ខណ្ឌទួលគោក ក្រុងភ្នំពេញ បម្រើការងារឱ្យក្រុមហ៊ុនចែកចាយភេសជ្ជៈមួយ ។ ជននេះបានសារភាពថា ខ្លួនពិតជាបានកេងបន្លំយកសម្ភារនិងភេសជ្ជៈ ដែលត្រូវចែកចាយតាមដេប៉ូចំនួន៣កន្លែងនៅខេត្តកំពង់ស្ពឺបានប្រាក់ចំនួន៩៨៨១ដុល្លារប្រាកដមែន ហើយប្រាក់នេះបានចាញ់ល្បែងអស់ហើយ ។ ជនជាប់ចោទត្រូវបានកងរាជអាវុធហត្ថខេត្តកសាងសំណុំរឿងបញ្ជូនទៅកាន់សាលាដំបូងខេត្ត ដើម្បីចាត់ការតាមច្បាប់ ៕
ចែករំលែកព័តមាននេះ