ខេត្តកំពង់ចាម ៖ លោកបណ្ឌិត ហ៊ុន ម៉ាណែត អនុប្រធានក្រុមការងារថ្នាក់កណ្តាលចុះជួយខេត្តកំពង់ចាមទទួលបន្ទុកលើការងារយុវជនបានដឹកនាំក្រុមគ្រូពេទ្យស្ម័គ្រចិត្តសម្តេចតេជោចំនួន១២៥នាក់ចុះសួរសុខទុក្ខ និងពិនិត្យព្យាបាលជំងឺជូនពលរដ្ឋនៅឃុំដា ស្រុកមេមេត់ កាលពីព្រឹកថ្ងៃទី២ មិថុនា ២០១៣។
ខេត្តកំពង់ចាម ៖ លោកបណ្ឌិត ហ៊ុន ម៉ាណែត អនុប្រធានក្រុមការងារថ្នាក់កណ្តាលចុះជួយខេត្តកំពង់ចាមទទួលបន្ទុកលើការងារយុវជនបានដឹកនាំក្រុមគ្រូពេទ្យស្ម័គ្រចិត្តសម្តេចតេជោចំនួន១២៥នាក់ចុះសួរសុខទុក្ខ និងពិនិត្យព្យាបាលជំងឺជូនពលរដ្ឋនៅឃុំដា ស្រុកមេមេត់ កាលពីព្រឹកថ្ងៃទី២ មិថុនា ២០១៣។
នៅក្នុងកម្មវិធីនោះមានពលរដ្ឋនៅឃុំដាទាំងមូលបានមកពិនិត្យជំងឺចំនួន៤.១១៣នាក់ ដែលក្រុមគ្រូពេទ្យបានពិនិត្យព្យាបាលតាមរោគសញ្ញាមាន ៖ព្យាបាលធ្មេញ៣១៨នាក់ ជំងឺទូទៅ៣.៧៨២នាក់ វះគីស៧នាក់ និងបញ្ជូនបន្តមកព្យាបាលនៅភ្នំពេញចំនួន៦នាក់ ។
ក្នុងឱកាសនោះដែរ លោកបណ្ឌិតបានពាំនាំប្រសាសន៍ផ្តាំផ្ញើរសួរសុខទុក្ខពីសម្តេចតេជោ និងសម្តេចកិត្តិព្រឹទ្ធបណ្ឌិតដែលជានិច្ចកាលសម្តេចទាំងពីរតែងយកចិត្តទុកដាក់ពីសុខទុក្ខពលរដ្ឋទាំងអស់ ។
ដើម្បីជាការតបស្នងប្រជាពលរដ្ឋដែលបានអញ្ជើញចូលរួមក្នុងកម្មវិធីទាំងអស់សម្តែងទឹកចិត្តត្រេកអរ និងថ្លែងអំណរគុណដល់សម្តេចទាំងពីរតាមរយៈក្រុមការងារថ្នាក់កណ្តាលដែលបានចុះរួមសុខទុក្ខជាមួយប្រជាជនគ្រប់កាលទេសៈ ៕
ចែករំលែកព័តមាននេះ