រាជធានីភ្នំពេញ ៖ ការប្រកួតកីឡាហែលទឹកជ្រើសរើសជើងឯកឆ្នាំ២០១៣ ត្រូវបានរៀបចំធ្វើកាលពីរសៀលថ្ងៃទី១ មិថុនា នៅអាងហែលទឹកស្ថិតក្នុងពហុកីឡដ្ឋានជាតិអូឡាំពិក រាជធានីភ្នំពេញ ហើយការប្រកួតនេះគ្រោងបញ្ចប់នៅថ្ងៃទី៦ មិថុនា ឆ្នាំ២០១៣ ខាងមុខ ។ ការប្រកួតមាន២ក្របខ័ណ្ឌ គឺក្របខ័ណ្ឌក១ និងក២ បុរស-នារី ឯវិញ្ញាសាប្រកួតមាន៦របៀបគឺ ហែលរបៀបសេរី, ហែលរបៀបផ្ងារ,
រាជធានីភ្នំពេញ ៖ ការប្រកួតកីឡាហែលទឹកជ្រើសរើសជើងឯកឆ្នាំ២០១៣ ត្រូវបានរៀបចំធ្វើកាលពីរសៀលថ្ងៃទី១ មិថុនា នៅអាងហែលទឹកស្ថិតក្នុងពហុកីឡដ្ឋានជាតិអូឡាំពិក រាជធានីភ្នំពេញ ហើយការប្រកួតនេះគ្រោងបញ្ចប់នៅថ្ងៃទី៦ មិថុនា ឆ្នាំ២០១៣ ខាងមុខ ។ ការប្រកួតមាន២ក្របខ័ណ្ឌ គឺក្របខ័ណ្ឌក១ និងក២ បុរស-នារី ឯវិញ្ញាសាប្រកួតមាន៦របៀបគឺ ហែលរបៀបសេរី, ហែលរបៀបផ្ងារ, ហែលបួនរបៀបឯកត្តជន, ហែលរបៀបកង្កែប, ហែលរបៀបមេអំបៅ និងហែលបណ្តាក់ដោយសេរី ។
កីឡាករ-កីឡាការិនីដែលបានចុះឈ្មោះចូលរួមប្រកួតសរុបមានចំនួន២៤១នាក់ (កីឡាករមានចំនួន១៧៧នាក់ និងកីឡាការិនីមានចំនួន៦៤នាក់ ក្នុងនោះក៏មានជនពិការផងដែរ) ។ អត្តពលិកហែលទឹកទាំងអស់មកពីក្លិប និងសមាគមចំនួន១២គឺ អូឡា V L K ខេត្តកំពង់ចាម, មជ្ឈមណ្ឌលជាតិហ្វឹកហ្វឺនកីឡា, គមនាគមន៍, សាលា N I S C, វិទ្យាល័យជម្ពូវ័ន, អង្គការមិត្តសម្លាញ់, យុវជនគុម្ពឫស្សី, សាលា I Can, ខេត្តកណ្តាល, សាលា ALIS, វិទ្យាល័យទឹកល្អក់ និងអង្គការអរុណរះ ៕
ចែករំលែកព័តមាននេះ