រាជធានីភ្នំពេញ៖ អង្គការគាំពារកុមារកាលពីព្រឹកថ្ងៃទី១ មិថុនា ២០១៣ បានប្រារព្ធពិធីអបអរសាទរ ទិវាកុមារអន្តរជាតិលើកទី៦៤ ក្រោមអធិបតីភាពលោកស្រីវេជ្ជបណ្ឌិតម៉ក់ រ៉ាវៀង ប្រធានអង្គការគាំពារកុមារលោកសៀន បុត្តា នាយកមជ្ឈមណ្ឌល ភ្យូ ឆឺរ ប្រាយ នៅបណ្ណល័យអង្គការគាំពារកុមារ ស្ថិតក្នុងភូមិមិត្តភាព
រាជធានីភ្នំពេញ៖ អង្គការគាំពារកុមារកាលពីព្រឹកថ្ងៃទី១ មិថុនា ២០១៣ បានប្រារព្ធពិធីអបអរសាទរ ទិវាកុមារអន្តរជាតិលើកទី៦៤ ក្រោមអធិបតីភាពលោកស្រីវេជ្ជបណ្ឌិតម៉ក់ រ៉ាវៀង ប្រធានអង្គការគាំពារកុមារលោកសៀន បុត្តា នាយកមជ្ឈមណ្ឌល ភ្យូ ឆឺរ ប្រាយ នៅបណ្ណល័យអង្គការគាំពារកុមារ ស្ថិតក្នុងភូមិមិត្តភាព សង្កាត់ឬស្សីកែវ ខណ្ឌឬស្សីកែវ។
មានប្រសាសន៍ស្វាគមន៍នាឱកាសនោះលោកស្រី វេជ្ជបណ្ឌិតម៉ក់ រ៉ាវៀង បានលើកឡើងថា អង្គការគាំពារកុមារបានបំពេញបេសកកម្មចាប់តាំងពីឆ្នាំ២០៤ ក្រោមជំនួយឧបត្ថម្ភរបស់អង្គការពីរនៅ ប្រទេសអ៊ីតាលី គឺអង្គការ ECPAT Italy និងអង្គការ CIFA Italy ។ កន្លងមកអង្គការទាំងពីរនេះបានផ្គត់ផ្គង់ដល់កុមារនូវសម្ភារសិក្សាដូចជា សំលៀកបំពាក់ គ្រឿងឧបភោគបរិភោគ និងប្រាក់មួយចំនួនដើម្បីលើកកម្ពស់សិទ្ធិកុមារនៅកម្ពុជា។
លោកស្រីក៏បានថ្លែងអំណរគុណចំពោះលោកសៀន បុត្តា នាយកមជ្ឈមណ្ឌល ភ្យូ ឆឺរ ប្រាយ ដែលកន្លងមកបានជួយឧបត្ថម្ភកុំព្យូទ័រ ចំនួន៤គ្រឿង និងបានផ្ដល់គ្រូបង្រៀនជំនាញកុំព្យូទ័រដល់កុមារ នៅក្នុងបណ្ណាល័យអង្គការគាំពារកុមារចាប់តាំងពីឆ្នាំ២០១២ រហូតដល់បច្ចុប្បន្ន៕
ចែករំលែកព័តមាននេះ