Xavi ប្រាប់ពីមូលហេតុដែលធ្វើឲ្យ Messi ល្អជាង Ronaldo
តាមប្រភពព័ត៌មាន Soccer Laduma បានឲ្យដឹងថា អតីតកាពីទែនក្លិបអ្នកមានបុណ្យ Xavi Hernandez បានប្រាប់ពីមូលហេតុដែលលោកគិតថា Lionel Messi…
តាមប្រភពព័ត៌មាន Soccer Laduma បានឲ្យដឹងថា អតីតកាពីទែនក្លិបអ្នកមានបុណ្យ Xavi Hernandez បានប្រាប់ពីមូលហេតុដែលលោកគិតថា Lionel Messi…
តាមប្រភពព័ត៌មាន Soccer Laduma បានឲ្យដឹងថា អតីតកាពីទែនក្លិបអ្នកមានបុណ្យ Xavi Hernandez បានប្រាប់ពីមូលហេតុដែលលោកគិតថា Lionel Messi ខ្លាំងជាង Cristiano Ronaldo ។
កីឡាករអាយុ៣៨ឆ្នាំរូបនេះ បានចំណាយពេល១១ឆ្នាំលេងបាល់ជាមួយនឹង Messi មុនពេលចាកចេញពីក្លិប Barcelona ទៅកាន់ Qatari។ នៅក្នុងបទសម្ភាសន៍ជាមួយនឹង Corriere dello Sport កីឡាករ Xavi និយាយពីអតីតមិត្តរួមក្លិប និង ជើងខ្លាំងព័រទុយហ្កាល់ ។
Xavi ប្រាប់ថា៖ «Leo គឺជាកីឡាករខ្លាំងជាងគេ ដែលខ្ញុំធ្លាប់លេងជាមួយ។ គេគឺជាកីឡាករមួយរូប ដែលមានការផ្លាស់ប្តូរថ្មីៗរហូត» ។
នៅពេលអ្នកសម្ភាសន៍សួរបញ្ជាក់ថា៖«ខ្លាំងជាង Cristiano Ronaldo ទៅទៀត?»
Xavi ឆ្លើយភ្លាមថា៖ «ប្រាកដណាស់ ហើយគ្មានការសង្ស័យអ្វីទេ។ Messi គឺជាកីឡាករខ្លាំងជាងគេលើលោក សម្រាប់រូបខ្ញុំផ្ទាល់។ និយាយទៅ គេខ្លាំងជាងគេក្នុងប្រវត្តិសាស្ត្រ» ។
មូលហេតុដែលធ្វើឲ្យ Xavi គិតដូចនេះ គឺដោយសារតែ Ronaldo មិននៅស្មោះស្ម័គ្រជាមួយនឹងក្លិបចាស់របស់ខ្លួន ដូចទៅនឹង Messi ដែលលេងនៅ Barcelona អស់ជាច្រើនឆ្នាំ។
គេគិតថា Ronaldo ទៅក្លិបថ្មី គឺដោយសារតែចង់រកក្លិបណាដែលអាចឈ្នះ Champions League ប៉ុណ្ណោះ ៕
ចែករំលែកព័តមាននេះ