ខេត្តព្រះសីហនុ ៖ សមត្ថកិច្ចបានឱ្យដឹងថា កាលពីវេលាម៉ោង៩និង៤០នាទីយប់ថ្ងៃទី២៣ តុលា ២០១៨ មានករណីអំពើហិង្សាក្នុងគ្រួសារមួយកើតឡើង គឺប្រពន្ធបានយកកាំបិតចាក់ប្តី បណ្តាលឱ្យរងរបួសធ្ងន់ នៅភូមិស្មាច់ដែង ឃុំរាម ស្រកព្រៃនប់ ខេត្តព្រះសីហនុ ។
ជនសង្ស័យជាប្រពន្ធឈ្មោះហឿន សុធា ភេទស្រី អាយុ២១ឆ្នាំ មុខរបរកម្មករ មានទីលំនៅបច្ចុប្បន្នស្នាក់នៅបណ្ដោះអាសន្ន ផ្ទះជួល ភូមិស្មាច់ដែង ឃុំរាម ស្រុកព្រៃនប់ ខេត្តព្រះសីហនុ ចំណែកជនរងគ្រោះជាប្ដីឈ្មោះវ៉ា ចាន់ធារិទ្ធ អាយុ២៥ឆ្នាំ មុខរបរកម្មករ មានទីលំនៅជាមួយគ្នា បានរងរបួសធ្ងន់ ។
តាមសមត្ថកិច្ចបញ្ជាក់ថា មុនពេលកើតហេតុ ប្ដីមកពីស៊ីផឹកស្រវឹង ហើយឈ្លោះជាមួយប្រពន្ធ និងបានប្រតាយប្រតប់គ្នា បន្ទាប់ប្រពន្ធក៏យកកាំបិតចាក់ប្តីត្រូវចំចុងដង្ហើម បណ្តាលឱ្យរងរបួសធ្ងន់ ហើយត្រូវបានគេបញ្ជូនទៅសង្គ្រោះនៅមន្ទីរពេទ្យបង្អែកខេត្តព្រះសីហនុ។
ពាក់ព័ន្ធករណីខាងលើនេះសមត្ថកិច្ចកំពុងដោះស្រាយតាមនីតិវិធី ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ