ខេត្តសៀមរាប ៖ លោក ពុយ គា ប្រធានក្លិបអ្នកកាសែតកម្ពុជាបានដឹកនាំប្រតិភូសួរសុខទុក្ខអ្នកកាសែត ដែលរងរបួសដោយអំបែកគ្រាប់ផ្លោងរបស់យោធាថៃ ។ លោក ប៉ុល…
ខេត្តសៀមរាប ៖ លោក ពុយ គា ប្រធានក្លិបអ្នកកាសែតកម្ពុជាបានដឹកនាំប្រតិភូសួរសុខទុក្ខអ្នកកាសែត ដែលរងរបួសដោយអំបែកគ្រាប់ផ្លោងរបស់យោធាថៃ ។
លោក ប៉ុល ឆាំ អាយុ ៥៥ឆ្នាំ ជាអ្នកកាសែតសេះស ស៊ីយូ ប្រចាំការនៅស្រុកបន្ទាយអំពិល ក្នុងខេត្តឧត្តរមានជ័យ បានរងរបួសធ្ងន់ ដោយអំបែងគ្រាប់ផ្លោងរបស់យោធាថៃ កាលពីថ្ងៃទី៨ ខែធ្នូ។ បច្ចុប្បន្នលោក ប៉ុល ឆាំ កំពុងទទួលការព្យាបាលនៅក្នុងមន្ទីរពេទ្យបង្អែកខេត្តសៀមរាប ។
លោក ពុយ គា បានផ្ដល់ជំនួយថវិកាខ្លះជូនដល់លោក ប៉ុល ឆាំ។ រីឯលោកស្រី ថុង សុវណ្ណរង្សីយ៍ ដែលជាអគ្គលេខាធិការក្លិបអ្នកកាសែតកម្ពុជា និងជានាយិកាសារព័ត៌មានកោះសន្ដិភាព បានផ្ដល់ជំនួយថវិកាផ្ទាល់ខ្លួនដល់លោក ប៉ុល ឆាំ ដូចគ្នាដែរ ៕
ចែករំលែកព័តមាននេះ