ខេត្ដឧត្ដរមានជ័យ ៖ កម្លាំងនគរបាលខេត្ដឧត្ដរមានជ័យ ចេញល្បាតចល័ត ដើម្បីការពារសន្តិសុខ សុវត្ថិភាព រក្សាសណ្តាប់ធ្នាប់ និងការពារទ្រព្យសម្បត្តិ ផ្ទះសម្បែងរបស់ជនភៀសសឹកដែលចេញពីលំនៅដ្ឋាន ជូនប្រជាពលរដ្ឋរស់នៅក្នុងភូមិសាស្ត្រខេត្ដឧត្ដរមានជ័យ…
ខេត្ដឧត្ដរមានជ័យ ៖ កម្លាំងនគរបាលខេត្ដឧត្ដរមានជ័យ ចេញល្បាតចល័ត ដើម្បីការពារសន្តិសុខ សុវត្ថិភាព រក្សាសណ្តាប់ធ្នាប់ និងការពារទ្រព្យសម្បត្តិ ផ្ទះសម្បែងរបស់ជនភៀសសឹកដែលចេញពីលំនៅដ្ឋាន ជូនប្រជាពលរដ្ឋរស់នៅក្នុងភូមិសាស្ត្រខេត្ដឧត្ដរមានជ័យ ថ្ងៃចន្ទ ទី១៥ ខែធ្នូ ឆ្នាំ២០២៥ ។
បើតាមប្រភពពីផេកស្នងការដ្ឋាននគរបាលខេត្តឧត្តរមានជ័យ បានឲ្យដឹងថា អនុវត្ដន៍តាមបទបញ្ជាលោកឧត្ដមសេនីយ៍ទោ ខូវ លី ស្នងការ នៃស្នងការដ្ឋានខេត្ដឧត្ដរមានជ័យ កម្លាំងអធិការដ្ឋាននគរបាលក្រុង/ស្រុក សហការជាមួយកម្លាំងប៉ុស្ដិ៍នគរបាលរដ្ឋបាល បានចេញល្បាតចល័ត ការពារសន្តិសុខ សុវត្ថិភាព និងរក្សាសណ្តាប់ធ្នាប់ ដោយយកចិត្ដទុកដាក់បំផុត តាមខ្នងផ្ទះរបស់ប្រជាពលរដ្ឋ តូបអាជីវករលក់ដូរ និងការពារទ្រព្យសម្បត្តិ ផ្ទះសម្បែងរបស់ជនភៀសសឹក ដែលចេញពីលំនៅដ្ឋាន ដើម្បីបង្កាទប់ស្កាត់ និងបង្ក្រាបឱ្យទាន់ពេលវេលា នូវសកម្មភាពល្មើសច្បាប់ទាំងឡាយឱ្យខាងតែបាន ដែលបម្រុងនឹងកើតមានឡើងជាយថាហេតុ ក្នុងភូមិសាស្ដ្រខេត្ដឧត្ដរមានជ័យ ៕
ចែករំលែកព័តមាននេះ