រាជធានីភ្នំពេញ ៖ ស្ថានទូតបារាំងប្រចាំនៅកម្ពុជា បានប្រកាសនៅយប់ ថ្ងៃទី១៤ ខែធ្នូ ឆ្នាំ២០២៥ ក្រសួងអឺរ៉ុប និងការបរទេសនៃប្រទេសបារាំង បានចេញសេចក្តីថ្លែងការណ៍ជាផ្លូវការមួយ…
រាជធានីភ្នំពេញ ៖ ស្ថានទូតបារាំងប្រចាំនៅកម្ពុជា បានប្រកាសនៅយប់ ថ្ងៃទី១៤ ខែធ្នូ ឆ្នាំ២០២៥ ក្រសួងអឺរ៉ុប និងការបរទេសនៃប្រទេសបារាំង បានចេញសេចក្តីថ្លែងការណ៍ជាផ្លូវការមួយ ដោយផ្តោតសំខាន់លើស្ថានការណ៍ដ៏តានតឹង និងការកើនឡើងនៃការប្រឈមមុខដាក់គ្នារវាងប្រទេសកម្ពុជា និងប្រទេសថៃ ។
ស្ថានទូតបារាំងប្រចាំនៅកម្ពុជា បានបញ្ជាក់ថា ប្រទេសបារាំងសម្តែងការព្រួយបារម្ភយ៉ាងខ្លាំងចំពោះការកើនឡើងនៃការប្រឈមមុខដាក់គ្នារវាងប្រទេសថៃ និងប្រទេសកម្ពុជា ។ ប្រទេសបារាំង វាយតម្លៃខ្ពស់ចំពោះកិច្ចខិតខំប្រឹងប្រែងរបស់ប្រទេសម៉ាឡេស៊ី ដែលជាប្រធានអាស៊ាន ក្នុងការជំរុញឲ្យមានការបន្តកិច្ចសន្ទនា ដោយសន្តិវិធីរវាងប្រទេសទាំងពីរ ។
បន្ថែមពីនេះទៀត ស្ថានទូតបារាំងប្រចាំនៅកម្ពុជា បានបន្តថា ប្រទេសបារាំង គាំទ្រការអំពាវនាវរបស់នាយករដ្ឋមន្ត្រី អាន់វ៉ា អ៊ីប្រាហ៊ីម ក្នុងការបង្កើតឱ្យមានបទឈប់បាញ់ភ្លាមៗ ហើយជំរុញភាគីទាំងពីរឱ្យបញ្ឈប់ការប្រយុទ្ធភ្លាមៗ និងត្រឡប់ទៅរកការសន្ទនាវិញ ស្របតាមបទប្បញ្ញត្តិនៃសេចក្តីថ្លែងការណ៍សន្តិភាពទីក្រុងគូឡាឡាំពួរ ដើម្បីឈានទៅរកការដោះស្រាយជម្លោះរវាងប្រទេសទាំងពីរដោយសន្តិវិធី ៕
ចែករំលែកព័តមាននេះ