រាជធានីភ្នំពេញ ៖ លោក ឃួង ស្រេង អភិបាលរាជធានីភ្នំពេញ នារសៀលថ្ងៃទី១៣ ធ្នូ ២០២៥នេះ បានដឹកនាំគណៈប្រតិភូរដ្ឋបាលរាជធានីភ្នំពេញ…
រាជធានីភ្នំពេញ ៖ លោក ឃួង ស្រេង អភិបាលរាជធានីភ្នំពេញ នារសៀលថ្ងៃទី១៣ ធ្នូ ២០២៥នេះ បានដឹកនាំគណៈប្រតិភូរដ្ឋបាលរាជធានីភ្នំពេញ នាំយកថវិកាដ៏ថ្លៃថ្លារបស់សម្ដេចមហាបរវធិបតី ហ៊ុន ម៉ាណែត នាយករដ្ឋមន្ត្រី និងលោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត ចំនួន ៤០លានរៀល ទៅប្រគល់ដល់ក្រុមគ្រួសារសពលោក ស៊ីម វឌ្ឍនៈ អាយុ៤៤ឆ្នាំ ជាប្រជាពលរដ្ឋនៅភូមិសន្សំកុសល៤ សង្កាត់បឹងទំពន់ទី២ ខណ្ឌមានជ័យ ដែលបានបាត់បង់ជីវិតដោយពួកទាហានសៀមឈ្លានពាន បាញ់ផ្លោងដាក់រថយន្ត កាលយប់ថ្ងៃទី៨ ឈានចូលថ្ងៃទី៩ ខែធ្នូ ឆ្នាំ២០២៥ កន្លងមកនេះ ។
លោក ឃួង ស្រេង បានមានប្រសាសន៍ថា ៖ ថវិកាចំនួន ៤០លានរៀលនេះ ជាថវិកាដ៏ថ្លៃថ្លារបស់សម្ដេចមហាបរវធិបតី ហ៊ុន ម៉ាណែត នាយករដ្ឋមន្ត្រី និងលោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត ដើម្បីរួមរំលែកទុក្ខដ៏ក្រៀមកក្រំ ក្រុមគ្រួសារសពលោក ស៊ីម វឌ្ឍនៈ ដែលត្រូវពួកទាហានសៀមឈ្លានពានបាញ់ផ្លោងដាក់រថយន្តក្រុងចំនួន២គ្រឿង កាលពីរាត្រីថ្ងៃទី០៨ ម៉ោង១២រំលងអាធ្រាធឈានចូលថ្ងៃទី០៩ ខែធ្នូ ឆ្នាំ២០២៥កន្លងទៅ បណ្តាលឱ្យអ្នកបើកបររថយន្តបានបាត់បង់ជីវិត ។
លោក ឃួង ស្រេង អភិបាលរាជធានីភ្នំពេញ ក្នុងឱកាសនោះ បានចូលរួមរំលែកទុក្ខដ៏ក្រៀមកក្រំ សោកស្ដាយជាមួយនឹងក្តីសង្វេគជាទីបំផុត និងសូមឧទ្ទិសបួងសួង ដល់ដួងវិញ្ញាណក្ខន្ធរបស់ លោក ស៊ីម វឌ្ឍនៈ សូមបានចាប់បដិសន្ធិក្នុងសុគតិភពគ្រប់ៗជាតិ កុំបីឃ្លៀងឃ្លាតឡើយ។ ជាមួយគ្នានោះ លោក ឃួង ស្រេង ក៏បានប្រគេនបច្ច័យដល់ព្រះចៅអធិការត្តសន្សំកុសលចំនួន៥លានរៀលផងដែរ ។
គួររំលឹកថា ៖ កាលពីរាត្រីថ្ងៃទី០៨ធ្នូ វេលាម៉ោង ប្រមាណ ១២រំលងអាធ្រាត្រ ឆ្លងចូលថ្ងៃទី០៩ ខែធ្នូ ឆ្នាំ២០២៥កន្លងមកនេះ អ្នកបើកបររថយន្តក្រុងដឹកជនភៀសសឹក ចំនួន២នាក់ ត្រូវបានពួកទាហានសៀមឈ្លានពាន បាញ់ផ្លោងដាក់រថយន្តរបស់ពួកគាត់ នៅចំណុចស្ពានលេខ៨ ផ្លូវ៥៦A ស្រុកថ្មពួក ខេត្តបន្ទាយមានជ័យ បណ្តាលឱ្យស្លាប់ភ្លាមៗនៅហ្នឹងកន្លងកើតហេតុ។ សព លោក ស៊ីម វឌ្ឍនៈ អាយុ៤៤ឆ្នាំ ត្រូវបានបញ្ជូនមកតំកល់ធ្វើបុណ្យនៅក្នុងត្តសន្សំកុសល និងបានបូជានៅល្ងាចថ្ងៃទី១០ ខែធ្នូ ឆ្នាំ២០២៥ ៕
ចែករំលែកព័តមាននេះ