តាមប្រភពព័ត៌មាន Soccer Laduma បានឲ្យដឹងថា Xavi Hernandez ដែលអតីតមិត្តរួមក្រុមជាមួយនឹងកាពីទែនក្រុម Lionel Messi ចេញមុខប្រឆាំងនឹងការលើកឡើងរបស់វីរបុរសក្រុមអាហ្សង់ទីន…
តាមប្រភពព័ត៌មាន Soccer Laduma បានឲ្យដឹងថា Xavi Hernandez ដែលអតីតមិត្តរួមក្រុមជាមួយនឹងកាពីទែនក្រុម Lionel Messi ចេញមុខប្រឆាំងនឹងការលើកឡើងរបស់វីរបុរសក្រុមអាហ្សង់ទីន Diego Maradona ។
កាលពីពេលថ្មីៗនេះ Maradona បានរិះគន់ Messi ថាមិនសមជាអ្នកដឹកនាំគេ ដោយសារតែតែងចូលបន្ទប់ទឹកជាច្រើនដងមុនពេលការប្រកួតនីមួយៗ ហើយចូលចិត្តលេងហ្គេមវីវក់ទៀតផង ។ តែ Xavi មិនយល់បែបនេះទេ ។
សម្តីរបស់ Xavi ត្រូវបានដកស្រង់ដោយព័ត៌មាន Mundo Deportivo ថា ៖«ខ្ញុំមិនយល់ស្របជាមួយនឹង Maradona ទេ ។ Messi គឺជាអ្នកដឹកនាំដ៏អស្ចារ្យ បើទោះបីជាគេមិនសូវមាត់ច្រើននៅក្នុងបន្ទប់ប្តូរខោអាវក៏ដោយ ។ គេចង់បានគ្រាប់បាល់ចូលទី ហើយគេតែងតែបញ្ចេញនូវរាល់អ្វីដែលគេមាន ដោយមិនលាក់សោះឡើយ ។ ខ្ញុំបានលេងបាល់ជាមួយគេកាលពីនៅ Barcelona ហើយគេពិតជាល្អមែន ។ គេគាំទ្រក្រុមទាំងមួល ដែលធ្វើឲ្យខ្ញុំគិតថា គេមានភាពជាអ្នកដឹកនាំដ៏ប្រសើរ ។ ដោយសារតែបែបនេះទើបខ្ញុំជំទាស់ជាមួយនឹងការលើកឡើងរបស់ Maradona» ។
Xavi ក៏បានប្រាប់ថា រូបគេមិនចូលចិត្តសោះឡើយ ចំពោះកីឡាករជើងចាស់ណាដែលពូកែទើសអ្នកជំនាន់ថ្មី ។ ថ្វីបើពួកគេធ្លាប់ឆ្លងកាត់មែន តែមិនគួរធ្វើបែបនេះទេ ព្រោះពួកគេគួរយល់អារម្មណ៍របស់អ្នកថ្មីផង ៕
ចែករំលែកព័តមាននេះ