ខេត្តប៉ៃលិន ៖ កុមារាម្នាក់បានស្លា.ប់បាត់បង់ជីវិតនៅតាមផ្លូវដ៏គួរឱ្យអាណោចអាធ័ម ខណៈដែលឪពុកម្តាយរបស់គេដឹកតាមម៉ូតូបញ្ជូនទៅសង្គ្រោះនៅមណ្ឌលសុខភាពភ្នំព្រាល ដោយសារតែរងរបួសបែកក្បាលធ្ងន់ធ្ងរ ពេលដែលកុមារារងគ្រោះត្រូវឪពុកដាក់ឱ្យអង្គុយក្នុងទ្រុងគោយន្តកន្ត្រៃម្នាក់ឯង ហើយបើកថយក្រោយបម្រុងចេញពីក្រោមផ្ទះ
ខេត្តប៉ៃលិន ៖ កុមារាម្នាក់បានស្លាប់បាត់បង់ជីវិតនៅតាមផ្លូវដ៏គួរឱ្យអាណោចអាធ័ម ខណៈដែលឪពុកម្តាយរបស់គេដឹកតាមម៉ូតូបញ្ជូនទៅសង្គ្រោះនៅមណ្ឌលសុខភាពភ្នំព្រាល ដោយសារតែរងរបួសបែកក្បាលធ្ងន់ធ្ងរ ពេលដែលកុមារារងគ្រោះត្រូវឪពុកដាក់ឱ្យអង្គុយក្នុងទ្រុងគោយន្តកន្ត្រៃម្នាក់ឯង ហើយបើកថយក្រោយបម្រុងចេញពីក្រោមផ្ទះ ដោយសារតែផ្ទះទាបពេក ពេលកុមារារងគ្រោះងើបឈរក៏បណ្ដាលឱ្យបុកគៀបក្បាលជាមួយទ្រុងគោយន្តក ន្ត្រៃផ្នែកខាងមុខផ្ទុបទៅនឹងរនូតផ្ទះយ៉ាងពេញទំហឹង បណ្តាលឱ្យបែកហូរឈាមស្លាប់តែម្ដង ។ ហេតុការណ៍គៀបក្បាលនេះ បានកើតឡើងកាលពីវេលាម៉ោង៧និង៣០នាទីព្រឹក ថ្ងៃទី២៨ ឧសភា ២០១៣ នៅផ្ទះរបស់ខ្លួន ស្ថិតក្នុងភូមិផ្ទះស្បូវ ឃុំស្ទឹងត្រង់ ស្រុកសាលាក្រៅ ។
កុមារារងគ្រោះ ឈ្មោះ ហួន បញ្ញា អាយុ៣ឆ្នាំ មានឪពុកឈ្មោះ ហួរ ហួន អាយុ៣៨ឆ្នាំ និងម្ដាយឈ្មោះសុខ វណ្ណៈ អាយុ៣២ឆ្នាំ ជាកសិករ មានស្រុកកំណើតរស់នៅ ស្រុកកោះអ ណ្តែត ខេត្តតាកែវ សព្វថ្ងៃរស់នៅភូមិកើតហេតុខាងលើ ដោយគ្រួសារនេះមានកូនតែម្នាក់គត់ ៕ ប្រភពព័ត៌មានបានឱ្យដឹងថា នៅព្រឹកថ្ងៃកើតហេតុម្តាយកុមារារងគ្រោះកំពុងតែអង្គុយ ដាំបាយធ្វើម្ហូបនៅលើផ្ទះ ចំណែកឪពុករបស់គេបានរៀបចំខ្លួនបម្រុងនឹងចុះពីលើផ្ទះមកខាង ក្រោមដើម្បីបញ្ចេញគោយន្តកន្ត្រៃរបស់ខ្លួន តែដោយសារកូនប្រុសរបស់គាត់យំតាម ទើបឪពុ កលើកកូនប្រុសតូចដ៏គួរឱ្យស្រឡាញ់នេះ ចុះមកក្រោមផ្ទះជាមួយដែរ ។ មុនពេលដែលឪពុក របស់គេបានដើរទៅបញ្ឆេះគោយន្ត បានលើកកូនប្រុសរបស់ខ្លួនដាក់ឱ្យអង្គុយនៅក្នុងទ្រុងផ្នែកខាងក្រោយ ។
ប្រភពបានបន្តទៀតថា ជាអកុសល ពេលនោះឪពុករបស់គេបានបើកគោយ ន្តថយក្រោយចេញពីក្រោមផ្ទះក្នុងទិសដៅពីលិចទៅកើត ដោយអត់បានក្រឡេកមើលក្រោយ នោះទេ ។ ពេលនោះកូនប្រុសតូចរបស់គាត់បានងើបឈរតោងទ្រុងគោយន្តខាងមុខរបស់គេ ទើបបណ្តាលឱ្យគៀបទៅនឹងរនូតផ្ទះយ៉ាងពេញទំហឹង បណ្តាលឱ្យលាន់ឮសូរយ៉ាងខ្លាំង ពេល ឪពុកងាកបែរទៅមើលក៏ឃើញកូនប្រុសរបស់ខ្លួនបែកក្បាលហូរឈាមធ្លាក់ទៅលើទ្រុងគោយ ន្តដ៏គួរឱ្យសង្វេគបាត់ទៅហើយ ។ ពេលឃើញដូច្នេះឪពុករបស់ខ្លួនក៏ស្រឡាំងកាំងស្ទើរតែនិ យាយមិនចេញ ទើបខំប្រឹងត្រដរស្រែកហៅឱ្យគេឯងមកជួយមើល និងលើកបីត្រកងកូនរបស់ ខ្លួនដាក់លើម៉ូតូប្រញាប់បញ្ជូនទៅសង្គ្រោះនៅមណ្ឌលសុខភាពភ្នំព្រាល ។ តែដោយសាររបួស បែកក្បាលធ្ងន់ធ្ងរពេកក៏ស្លាប់នៅតាមផ្លូវតែម្តង ។
ប្រភពព័ត៌មានពីលោក រី ដារ៉ា នាយប៉ុស្តិ៍រដ្ឋបាលឃុំស្ទឹងត្រង់បានឱ្យដឹងថា នេះគឺជា ហេតុការណ៍កើតឡើងដោយចៃដន់ ដែលឪពុកកុមារារងគ្រោះនឹកស្មានមិនដល់ ហើយក៏ជា ខ្វះការប្រុងប្រយ័ត្នផងដែរ ។ លោកបានបន្តទៀតថា ក្រោយទទួលមរណភាពសពកុមារារង គ្រោះ ត្រូវបានឪពុកម្តាយបងប្អូនរៀបចំធ្វើបុណ្យតាមប្រពៃណី ដោយដង្ហែរទៅបូជានៅវត្ត ផ្ទះស្បូវ កាលពីវេលាម៉ោង៤រសៀលថ្ងៃដដែល ។
លោកបានរំលឹកទៀតថា កាលពីប៉ុន្មានខែ មុននៅភូមិអូរដូនតាលើ ឃុំស្ទឹងត្រង់ ក៏មានករណីគៀបក្បាលក្មេងតូចនឹងរនូតផ្ទះ ដោយសារ គោយន្តកន្ត្រៃដូចគ្នានេះដែរ តែរងរបួសស្រាល មិនប៉ះពាល់ដល់អាយុជីវិត ៕
ចែករំលែកព័តមាននេះ