ខេត្តកណ្តាល ៖ ជនសង្ស័យម្នាក់ ជាមុខសញ្ញាលួចកាច់សោ.កម៉ូតូយ៉ាងសកម្ម ហើយញ៉ាម ព្រោះធ្លាប់លួចបានជាច្រើនលើក លើកនេះខំជួលកង់បីឥណ្ឌា ជិះចេញពីទីរួមខេត្ដកំពង់ស្ពឺ មកលួចទៀតនៅការ៉ាសសាំងមួយកន្លែងនៅអង្គស្នួល ចំថ្ងៃស៊យ…
ខេត្តកណ្តាល ៖ ជនសង្ស័យម្នាក់ ជាមុខសញ្ញាលួចកាច់សោ.កម៉ូតូយ៉ាងសកម្ម ហើយញ៉ាម ព្រោះធ្លាប់លួចបានជាច្រើនលើក លើកនេះខំជួលកង់បីឥណ្ឌា ជិះចេញពីទីរួមខេត្ដកំពង់ស្ពឺ មកលួចទៀតនៅការ៉ាសសាំងមួយកន្លែងនៅអង្គស្នួល ចំថ្ងៃស៊យ ត្រូវបុគ្គលិកចាប់បានប្រគល់ឲ្យសមត្ថកិច្ច ។
ហេតុការណ៍នេះបានកើតឡើងកាលពីវេលាម៉ោង០៤និង៤០នាទីល្ងាច ថ្ងៃទី១៨ ខែមិថុនា ឆ្នាំ២០២៥ នៅចំណុចការ៉ាសសាំង PTT ភូមិទួលសាលា ឃុំព្រៃពួច ស្រុកអង្គស្នួល ខេត្ដកណ្ដាល ។
សមត្ថកិច្ចនគរបាលស្រុកអង្គស្នួលបានឲ្យដឹងថា ជនសង្ស័យដែលឃាត់ខ្លួនមានឈ្មោះ ហួន ចាន់ធួន ហៅធួន ភេទប្រុស អាយុ៣០ឆ្នាំ មុខរបរមិនពិតប្រាដក រស់នៅភូមិជាវប្ដីខាងកើត ឃុំតាអូរ ស្រុកគិរីវង់ ខេត្ដតាកែវ ។ ក្នុងនោះសមត្ថកិច្ចដកហូតវត្ថុតាង ៖ សោរាងអក្សរតេ(T)ចំនួន០១ នឹងភ្ជាប់ជាមួយដែកជ្រុងមានមុខសំប៉ែតចំនួន០១, ទូរស័ព្ទដៃចំនួនគ្រឿងម៉ាកសាមសុង ពណ៌ខ្មៅ ។
ចំណែកជនរងគ្រោះមាន០២នាក់ ៖
១-ជនរងគ្រោះឈ្មោះ អុល កក្កដា បាត់ម៉ូតូមួយគ្រឿងម៉ាកសង់C125 ផលិតឆ្នាំ២០២០ ពាក់ស្លាកលេខភ្នំពេញ 1IH-9910 ។
២-ជនរងគ្រោះឈ្មោះ រីម ប៊ុនធូរ បាត់ម៉ូតូមួយគ្រឿងម៉ាកសងC125 ផលិតឆ្នាំ២០២២ ពណ៌ខ្មៅ ពាក់ស្លាកលេខ ភ្នំពេញ 1JO-9175 ។
សមត្ថកិច្ចស្រុកអង្គស្នួល បានឲ្យដឹងទៀតថា នៅថ្ងៃទី១៨ ខែមិថុនា ឆ្នាំ២០២៥ នៅវេលាម៉ោង០៤ និង៤០នាទីល្ងាច ជនសង្ស័យបានជិះធ្វើសកម្មភាពប៉ុនប៉ងលួចកាច់សោ.កម៉ូតូនៅទីតាំងកន្លែងកើតហេតុខាងលើ នៅពេលនោះមានបុគ្គលិក ដែលមើលការខុសត្រូវនៅក្នុងការ៉ាសាំងPTT មានការសង្ស័យក៏ហៅជនសង្ស័យសួរនាំ ហើយបានពិនិត្យមើលក៏ឃើញមានឧបករណ៍សម្រាប់កាច់សោ.កម៉ូតូ បន្ទាប់មកក៏រាយការទៅសមត្ថកិច្ចប៉ុស្ដិ៍ព្រៃពួច ហើយបាននាំជនសង្ស័យ និងវត្ថុតាងទៅអធិការដ្ឋាននគរបាលស្រុកអង្គស្នួល ដើម្បីសួនាំបន្ត ។
ចំពោះជនសង្ស័យបានឆ្លើយសារភាពថា នៅមុនពេលកើតហេតុខ្លួនបានជួលកង់បីឥណ្ឌា ជិះចេញពីទីរួមខេត្ដកំពង់ស្ពឺ ឆ្ពោះទៅការ៉ាស់សាំងPTT នៅចំណុចកើតហេតុដើម្បីធ្វើសកម្មភាពលួចម៉ូតូ ពេលទៅដល់កំពង់តែរកមើលម៉ូតូដែលត្រូវលួចក៏ត្រូវគេឃាត់ខ្លួនសួនាំបានតែម្ដង។
ចំពោះទីតាំងការ៉ាសសាំងPTTនោះកន្លងមកខ្លួនធ្លាប់ធ្វើសកម្មភាពលួចយកម៉ូតូបានចំនួន០២លើកគឺនៅថ្ងៃទី២៧ ខែមេសា ឆ្នាំ២០២៥ ខ្លួនបានកាច់សោ.កម៉ូតូមួយគ្រឿងម៉ាកសង់C125ផលិតឆ្នាំ២០២០ ពណ៌ខ្មៅ មិនចាំផ្លាកលេខ យកទៅលក់ឲ្យគេនៅតាមផ្លូវក្រវ៉ាត់ក្រុង បានលុយចំនួន២០០ដុល្លារ និងនៅថ្ងៃទី១៥ខែឧសភាឆ្នាំ២០២៥ ខ្លួនបានលួចយកម៉ូតូមួយគ្រឿងម៉ាកសង់C125ផលិតឆ្នាំ២០២២ ពណ៌ខ្មៅ មិនចាំផ្លាកលេខ យកទៅលក់ឲ្យគេនៅតាមផ្លូវម្ដុំផ្សារព្រែកព្នៅភ្នំពេញបានលុយចំនួន៣០០ដុល្លារ ចំពោះលុយដែលលក់ម៉ូតូបាននោះខ្លួនបានចាយអស់ហើយ និងខ្លួនចេះប្រើប្រាស់សារធាតុញៀនប្រហែលមួយឆ្នាំហើយ ។
បច្ចុប្បន្នជនសង្ស័យខាងលើ ត្រូវបានសមត្ថកិច្ចធ្វើការសាកសួរ និងកសាងសំណុំរឿងបញ្ជូនខ្លួនទៅកាន់ តុលាការចាត់ការតាមច្បាប់ ៕
ចែករំលែកព័តមាននេះ