តាមប្រភពព័ត៌មាន Soccer Laduma បានឲ្យដឹងថា កីឡាករជើងខ្លាំងរបស់ក្លិបអ្នកមានបុណ្យ Lionel Messi រកគ្រាប់បាល់បាន៤១គ្រាប់តាំងពីដើមឆ្នាំមកដល់ពេលនេះដែលមានចំនួនច្រើនជាង Cristiano Ronaldo ចំនួន៣គ្រាប់ ។
ខណៈដែល Messi មិនបានឡើងចូលរួមលេងឲ្យក្រុមជម្រើសជាតិអាហ្សង់ទីន រូបគេបានស៊ុតបញ្ជូលទីឲ្យក្លិប Barcelona ចំនួន១១គ្រាប់ក្នុងការប្រកួត១១ដងនៅក្នុងរដូវកាលនេះ ដោយសារតែហេតុនេះហើយទើបចំនួនគ្រាប់បាល់ដែលគេរកបាននៅឆ្នាំនេះកើនឡើង ។ Messi បានបន្ថែមមួយគ្រាប់ទៀតឲ្យគ្រប់៤១នៅក្នុងការប្រកួតជាមួយនឹង Valencia កាលពីដើមខែនេះ ។
ចំពោះ Ronaldo វិញ បានត្រឹមតែ៣៨គ្រាប់នោះទេតាំងពីដើមឆ្នាំមក សម្រាប់ទាំងក្លិប និងក្រុមជម្រើសជាតិ ។ រូបគេត្រូវស្វែងរកពីរគ្រាប់ទៀតទើបអាចយកំណត់ត្រា៤០គ្រាប់បាន ។ Ronaldo ដែលចាស់ជាង Messi ពីរឆ្នាំមិនអាចយកកំណត់ត្រា៤០គ្រាប់បានទេ នៅឆ្នាំ២០០៩ ព្រោះរូបគេត្រឹមតែអាចរកបាន៣០គ្រាប់ ។
សរុបគ្រាប់ទាំងអស់តាំងពីដើមមក Ronaldo មានចំនួនគ្រាប់ច្រើនជាង Messi ដែលមានចំនួន៦៦០គ្រាប់សម្រាប់ក្លិប និងក្រុមជម្រើសជាតិ ខណៈដែល Messi បានត្រឹមតែ៦២៨គ្រាប់ប៉ុណ្ណោះ ៕
ចែករំលែកព័តមាននេះ