ខេត្តកណ្តាល ៖ ជនសង្ស័យបីនាក់ បានត្រូវនគរបាលស្រុកកៀនស្វាយធ្វើការឃាត់ខ្លួន ខណៈដែលលួចម៉ូទ័របូមទឹក ហើយត្រូវម្វាស់គេឃើញទាន់។ ហេតុការណ៍នេះបានកើតឡើងនៅថ្ងៃច័ន្ទ ៦កើត ខែអស្សុជ ឆ្នាំច…
ខេត្តកណ្តាល ៖ ជនសង្ស័យបីនាក់ បានត្រូវនគរបាលស្រុកកៀនស្វាយធ្វើការឃាត់ខ្លួន ខណៈដែលលួចម៉ូទ័របូមទឹក ហើយត្រូវម្វាស់គេឃើញទាន់។ ហេតុការណ៍នេះបានកើតឡើងនៅថ្ងៃច័ន្ទ ៦កើត ខែអស្សុជ ឆ្នាំច សំរិទ្ធិស័ក ព.ស២៥៦២ ត្រូវនឹងថ្ងៃទី១៥ តុលា ២០១៨ វេលាម៉ោង០៩ និង១៥នាទី នៅភូមិអង្គរជ័យ ឃុំបន្ទាយដែក ស្រុកកៀនស្វាយ ខេត្តកណ្តាល។ ជនរងគ្រោះឈ្មោះ ស្រៀន សុខុន ភេទស្រី អាយុ៤៩ឆ្នាំ ជនជាតិខ្មែរ មានទីលំនៅភូមិអង្គរជ័យ ឃុំបន្ទាយដែក ស្រុកកៀនស្វាយ ខេត្តកណ្តាល មុខរបរកសិករ ។
ជនសង្ស័យទី០១-ឈ្មោះ សំ គន្ធា ភេទប្រុស អាយុ២២ឆ្នាំ មុខរបរមិនពិតប្រាកដ ទី០២-ឈ្មោះ សុក មករា ភេទប្រុស អាយុ២១ឆ្នាំ មុខរបរមិនពិតប្រាកដ ទី០៣-ឈ្មោះ សុក វិន ភេទប្រុស អាយុ២២ឆ្នាំ មុខរបរមិនពិតប្រាកដ ទី០៤-ឈ្មោះ អុន ពន្លក ភេទប្រុស អាយុ២០ឆ្នាំ មុខរបរមិនពិតប្រាកដ (គេចខ្លួន)។ អ្នកទាំងបួននាក់ខាងលើ មានទីលំនៅភូមិ ឃុំកើតហេតុខាងលើ។
នគរបាលស្រុកកៀនស្វាយបានឲ្យដឹងថា នៅវេលាម៉ោងកើតខាងលើ កូនជនរងគ្រោះបានដើរទៅកន្លែងបូមទឹក ពេលទៅដល់ស្រាប់តែបាត់ម៉ូទ័របូមទឹក ពេលនោះក៏បានដើររកម៉ូទ័រ ហើយបានឃើញឈ្មោះ សំ គន្ធា ភេទប្រុស អាយុ២២ឆ្នាំ ជិះម៉ូតូមានដាក់បាវពីមុខ ដោយមានការ សង្ស័យក៏ជិះម៉ូតូដេញតាមមកដល់ផ្លូវទាល់ ឈ្មោះសំ គន្ធា បានបោះបាវនោះចោលក៏ទៅមើលឃើញថា ពិតជាម៉ូទរ័របស់ខ្លួនក៏បានផ្តល់ព័ត៌មានដល់កម្លាំងប៉ុស្តិ៍នគរបាលរដ្ឋបាល បន្ទាយដែក។
ក្រោយពីទទួលបានព័ត៌មានកម្លាំងប៉ុស្តិ៍ បន្ទាយដែកបានចុះទៅដល់កន្លែងកើតហេតុសួរនាំឈ្មោះ សំ គន្ធា បានសារភាពថា ខ្លួនរួមគ្នា០៣នាក់ទៀតដូចមានឈ្មោះខាងលើពិតជាបានលួចម៉ូទរ័បូមទឹកប្រាកដមែន។ ជនសង្ស័យបានបញ្ជូនមកអធិការដ្ឋាននគរបាលស្រុកដើម្បីបន្តចាត់ការតាមនីតិវិធី៕
ចែករំលែកព័តមាននេះ