ខេត្តកំពង់ស្ពឺ ៖ បុរសម្នាក់ប្រើអាវុធកែច្នៃគំរាមបាញ់ទៅលើម្តាយ ព្រោះតែម្ដាយមិនព្រមលក់ដីកេរ្ដិ៍អាករ យកលុយមកឱ្យខ្លួនចាយនោះទេ។ ជុំវិញករណីខាងលើនេះ ដោយបានការដឹកនាំបញ្ជាពីលោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្ដកំពង់ស្ពឺ…
ខេត្តកំពង់ស្ពឺ ៖ បុរសម្នាក់ប្រើអាវុធកែច្នៃគំរាមបាញ់ទៅលើម្តាយ ព្រោះតែម្ដាយមិនព្រមលក់ដីកេរ្ដិ៍
អាករ យកលុយមកឱ្យខ្លួនចាយនោះទេ។
ជុំវិញករណីខាងលើនេះ ដោយបានការដឹកនាំបញ្ជាពីលោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្ដកំពង់ស្ពឺ កំលាំងនគរបាលស្រុកសាមគ្គីមុនីជ័យ ក្រោយទទួលបានការស្នេីសុំអន្ដរាគមន៍ពីប្រជាពលរដ្ឋ វេលាម៉ោង២០នឹង១០នាទីយប់ថ្ងៃទី២៥ ខែសីហា ឆ្នាំ២០២៥ កេីតហេតុនៅចំណុចភូមិត្រពាំងសុភី ឃុំភ្នំតូច ស្រុកសាមគ្គីមុនីជ័យ ខេត្តកំពង់ស្ពឺ
លោកវរសេនីយ៍ឯក ខឹម សាម៉ុន អធិការនគរបាលស្រុកសាមគ្គីមុនីជ័យ បាន បញ្ជាឱ្យកំលាំងចុះអន្ដរាគមន៍ភ្លាមៗ ជនសង្ស័យជាកូនគំរាមបាញ់សម្លាប់ម្តាយ ជនសង្ស័យ ឈ្មោះ សៀ ផល្លីន ភេទប្រុស អាយុ ៣៥ឆ្នាំ រស់នៅភូមិឃុំខាងលើ ។
តាមការបញ្ជាក់ពីលោកអធិការនគរបាលស្រុកសាមគ្គីមុនីជ័យ គឺមូលហេតុមកពីម្ដាយមិនព្រមលក់ដីកេរដូនតា ឲ្យខ្លួនចាយវាយហ្នឹងគេ ទើបខឹងបានយកកាំភ្លើងខ្យល់កែច្នៃប្រើហ្គាសទៅគំរាមបាញ់សម្លាប់ម្តាយបង្កើតរបស់ខ្លួនតែម្ដង។ មុខសញ្ញានេះជាជនប្រេីប្រាស់សារធាតុញៀននិងធ្លាប់បានបញ្ជូនទៅមណ្ឌលអប់រំបន្សាបគ្រឿងញៀនមួយលេីក,ពីរលេីករួចផងដែរ តែលទ្ធផលមិនថមថយមកវិញបានមួយរយៈកេីតឡេីងហឹង្សាដដែល។ ក្រោយឃាត់ខ្លួនសមត្ថកិច្ចនគរបាលបានដកហូតវត្តតាងកាំភ្លើងកែឆ្នៃចំនួន១ដេីម (ប្រើហ្គាស)នឹងដែកស្រួចមួយផងដែរ។
បច្ចុប្បន្នជនសង្ស័យត្រូវបាននគរបាលឃាត់ខ្លួនបញ្ជូនទៅអធិការដ្ឋាននគរបាលស្រុកសាមគ្គីមុនីជ័យ ដើម្បីសួរនាំបំពេញនីតិវិធី និងកសាងសំណុំរឿង ដើម្បីចាត់ការបន្តតាមផ្លូវច្បាប់៕
ចែករំលែកព័តមាននេះ