ខេត្តបន្ទាយមានជ័យ ៖ បុរសម្នាក់គិតខ្លីទាំងវ័យក្មេងបានសម្រេចចិត្តចង.កធ្វើអត្តឃាតសម្លាប់ខ្លួនឯង ព្រោះតែវិបត្តិគ្រួសារ គ្រាន់តែប្រពន្ធនិយាយលេងថា «សុំលែង» ព្រោះមិនចង់ឲ្យប្តីផឹក ហេតុការណ៍ភ្ញាក់ផ្អើលនេះកើតឡើងកាលពីព្រឹកថ្ងៃទី១៤ ខែតុលា ឆ្នាំ២០១៨…
ខេត្តបន្ទាយមានជ័យ ៖ បុរសម្នាក់គិតខ្លីទាំងវ័យក្មេងបានសម្រេចចិត្តចង.កធ្វើអត្តឃាតសម្លាប់ខ្លួនឯង ព្រោះតែវិបត្តិគ្រួសារ គ្រាន់តែប្រពន្ធនិយាយលេងថា «សុំលែង» ព្រោះមិនចង់ឲ្យប្តីផឹក ហេតុការណ៍ភ្ញាក់ផ្អើលនេះកើតឡើងកាលពីព្រឹកថ្ងៃទី១៤ ខែតុលា ឆ្នាំ២០១៨ ស្ថិតនៅភូមិមិត្តភាព សង្កាត់និងក្រុងប៉ោយប៉ែត ។
ជនរងគ្រោះខាងលើឈ្មោះ លុយ ចាន់ថន ហៅចក់ អាយុ៣២ឆ្នាំ មានទីលំនៅនៅភូមិ-ឃុំកើតហេតុ ចំណែកប្រពន្ធជនរងគ្រោះឈ្មោះ ធុច សុគន្ធា អាយុ២៧ឆ្នាំ មានកូនប្រុសស្រី២នាក់នៅក្នុងបន្ទុក ។ ជនរងគ្រោះបានចង.កនឹងខ្សែគោ ពណ៌ខៀវ ទៅនឹងរ៉ងដាផ្ទះចំខាងលើ ចំណុចផ្លូវឡើងទៅឡៅតឿតែម្តង។
គួរបញ្ជាក់ថា ជនរងគ្រោះមុនស្លាប់បានសសេរលិខិតបណ្តាំចុងក្រោយមួយច្បាប់ទុកឲ្យមើលដែលបណ្តាំចុងក្រោយមួយសន្លឹកនេះ ធ្វើឲ្យចាក់ដោតដល់បេះដូងអ្នកស្រុកដែលអាណិតស្រឡាញ់ជនរងគ្រោះគិតថា ជាមនុស្សស្លូត ហើយគ្រួសារមួយនេះក៏មានជីវភាពធូរធា មានទាំងឡានដឹកដី ដែលគ្រប់គ្នាស្ទើរទប់ទឹកភ្នែកមិនបាន ព្រោះយល់ថា មិនគួរគិតខ្លីបែបនេះ បន្សល់ទុកកូនប្រុសស្រីតូច២នាក់ក្នុងបន្ទុក ។ ក្នុងលិខិតបណ្តាំនោះសរសេរថា «អ្នកម៉ែ និងកូនៗ ខ្ញុំលាហើយ!! ខ្ញុំមិនល្អធ្វើឲ្យអ្នកទាំងអស់គ្នាលំបាក»។
ប្រភពនៅកន្លែងកើតហេតុថា មុនកើតហេតុមួយថ្ងៃ គឺនៅយប់ថ្ងៃទី១២ តុលា គ្រួសារមួយនេះមានជម្លោះកើតឡើង ដោយប្រពន្ធសុំលែង ព្រោះតែរឿងផឹកស៊ីតិចតួច លុះយប់ថ្ងៃទី១៣ តុលានេះ មានសម្លេងជម្លោះកើតឡើងម្តងទៀត ព្រឹកឡើងស្រាប់តែភ្ញាក់ផ្អើលថា ជនរងគ្រោះចង.កសម្លាប់ខ្លួនបាត់ទៅហើយ។
នៅកន្លែងកើតហេតុនាងជាប្រពន្ធទ្រហោយំដោយនិយាយថា «មិនមែនឲ្យលែងបែបស្លាប់នោះទេ គឺចង់ឲ្យលែងរស់នៅផ្សេងគ្នាតើ» ដឹងអីឯងគិតខ្លីបែបនេះ!!។ ពេលសួរនាំស្ត្រីជាប្រពន្ធប្រាប់សមត្ថកិច្ចថា បញ្ហាខាងលើកើតឡើងដោយសារជម្លោះក្នុងគ្រួសារតិចតួច នាងនិយាយលេង ព្រោះមិនចង់ឲ្យប្តីផឹកស្រាដោយនិយាយថា «សុំលែង» ដឹងអីប្តីនាងគិតខ្លីចង.កសម្លាប់ខ្លួនទៅវិញ។
ក្រោយពេលកើតហេតុគេឃើញនគរបាលជំនាញផ្នែកបច្ចេកទេសបានចុះដល់កន្លែងកើតហេតុ ដើម្បីត្រួតពិនិត្យសព និងធ្វើកោសល្យវិច្ច័យ។ ជាលទ្ធផលសមត្ថកិច្ចប្រាប់ថា ជនរងគ្រោះពិតជាចង.កធ្វើអត្តឃាតសម្លាប់ខ្លួនឯងមែន បន្ទាប់មកក៏ប្រគល់សពឲ្យក្រុមគ្រួសារចាត់ចែងធ្វើបុណ្យតាមប្រពៃណី៕
ចែករំលែកព័តមាននេះ