ខេត្តត្បូងឃ្មុំ ៖ រថយន្ត២គ្រឿងបានពន្លះគ្នាយ៉ាងពេញទំហឹងលើផ្លូវជាតិលេខ៧ ត្រង់ចំណុចដីឡូត៍របស់
ឈ្មោះម៉ៅ ពៅ ចន្លោះគីឡូម៉ែត្រលេខ១៥១-១៥២ ក្នុងភូមិដងកាំបិត ឃុំស្រឡប់ ស្រុកត្បូងឃ្មុំ ។ ហេតុ
ការណ៏នោះកើតឡើងនៅ វេលាម៉ោង៣រសៀលថ្ងៃទី១៣ តុលា ២០១៨ បណ្តាលឲ្យរថយន្តទាំងសង
ខាងរងការខូចទាំងសងខាងយ៉ាងដំណំ ចំណែកអ្នកបើកបររថយន្តទាំង២គ្រឿងក៏រងរបួសធ្ងន់ត្រូវបានបញ្ជូនមកសង្គ្រោះនៅមន្ទីរពេទ្យបង្អែកស្រុកត្បូងឃ្មុំ និងបានបញ្ជូនបន្តមកសង្គ្រោះនៅ មន្ទីរពេទ្យខេត្តកំពង់ចាម។
តាមនគរបាលចរាចរណ៏ស្រុកត្បងឃ្មុំ ប្រាប់ឲ្យដឹងថា ជនរងគ្រោះទាំង២នាក់ខាងលើ ម្នាក់ឈ្មោះឡឹក សាមី ភេទប្រុស អាយុ៣៨ឆ្នាំ ជាបើកបររថយន្តម៉ាកសាំងយ៉ុង នៅស្រុកកំពង់សៀម ខេត្តកំពង់ចាម និងម្នាក់ទៀតឈ្មោះ ទូច ម៉េង ភេទប្រុស អាយុ២៩ឆ្នាំ ជាអ្នកបើកបរថយន្តធុនធំ នៅភូមិអ្នកតាស្នឹង ឃុំបឹងណាយ ស្រុកព្រៃឈរ ខេត្តកំពង់ចាម ។
នគរបាលចរាចរណ៏ប្រាប់បន្តថា នៅពេលមុនកើតហេតុរថយន្តសាំងយ៉ុង បានបើកបរក្នុងទិសដៅពីលិច
ទៅកើតតាមបណ្តោយផ្លូវជាតិលេខ៧ ស្របពេលដែលបើកមកដល់ត្រង់ចំនុចខាងលើស្រាប់តែបុក
ជាមួយនឹងរថយន្តធុនធំលាន់ដូចរន្ទះ ក្នុងទិសដៅបញ្ច្រាសគ្នា បណ្តាលឲ្យរថយន្តម៉ាកសាំងយ៉ុងមានដឹក
ខ្យងបានរងការខូចខាតជាដំណំ ហើយរថយន្តធំវិញបានរងការខូចខាតដូចគ្នាដោយកាប៊ីនខាងមុខបានជ្រុះដល់ថ្នល់ហើយក្បាលរថយន្តបានត្រឡប់ក្រោយផងដែរ ។
ក្នុងហេតុការណ៍គ្រោះថ្នាក់ចរាចរណ៍ខាងលើបណ្តាលឱ្យអ្នកបើកបរទាំងសងខាងបានរងរបួសធ្ងន់ហើយត្រូវបានសង្គ្រោះដឹកតាមរថយន្តមកកាន់មន្ទីរពេទ្យ ។ គ្រោះថ្នាក់នេះបានកើតឡើងដោយសារតែការប្រើប្រាស់ល្បឿន ។
រថយន្តទាំង២គ្រឿងត្រូវបានអូសមករក្សាទុក នៅអធិការដ្ឋាននគរបាលស្រុកត្បូងឃ្មុំដោយសារតែរថយន្តរងការខូចខាតជាដំណំ ទំរាំតែចំណាយពេលអូសរួចរហូតដល់ពេលយប់ឯណោះ ៕
ចែករំលែកព័តមាននេះ