ខេត្តកណ្ដាល ៖ កម្លាំងនគរបាលផ្នែកប្រឆាំងគ្រឿងញៀនស្រុកអង្គស្នួល សហការជាមួយកម្លាំងផ្នែក
ព្រហ្មទណ្ឌស្រុកនិងនគរបាលប៉ុស្តិ៍សំរោងលើបានធ្វើការបង្ក្រាបក្រុមជួញដូរនិងប្រើប្រាស់គ្រឿងញៀន ដោយចាប់ខ្លួនជនសង្ស័យចំនួន៤នាក់ និងដកហូតបានគ្រឿងញៀន១កញ្ចប់ផងដែរ។
ប្រតិបត្តិការបង្ក្រាបនេះបានធ្វើឡើងកាលពី វេលាម៉ោង១០និង២០នាទីព្រឹកថ្ងៃ១១ ខែតុលា ឆ្នាំ២០១៨ នៅក្នុងភូមិមង្គលបូរី ឃុំសំរោងលើ ស្រុកអង្គស្នួល ខេត្តកណ្តាល ។
ជនសង្ស័យទាំង៤នាក់ខាងលើនោះរួមមាន ១-ឈ្មោះ រិទ្ធ ចាន់រ៉ា ហៅង៉ិ អាយុ២៣ឆ្នាំ មុខរបរមិនពិត មានទីលំនៅបច្ចុប្បន្ននៅក្នុងភូមិ មង្គលបូរី ឃុំសំរោងលើ (ជាអ្នកជួញដូរ) ២-ឈ្មោះ ងិន មករា ហៅណុយ អាយុ២០ឆ្នាំ មុខរបកម្មកររោងចក្រ មានទីលំនៅក្នុងភូមិគីរីថ្មី ឃុំសំរោងលើ ស្រុកអង្គស្នួល (ជាមុខសញ្ញាជួញដូរ) ៣-ឈ្មោះស្រស់ សៀកឡេង អាយុ២៣ឆ្នាំ មានទីលំនៅក្នុងភូមិដំណាក់កោះ ឃុំសំរោងលើស្រុកអង្គស្នួល
(ជាអ្នកប្រើប្រាស់ ) ៤-ឈ្មោះឌី ផានុ អាយុ១៩ឆ្នាំ មានទីលំនៅក្នុងភូមិត្រពាំងទន្លាប់ ឃុំសំរោងលើ ស្រុកអង្គស្នួល (ជាអ្នកប្រើប្រាស់)។
នគរបាលដកហូតបានម្សៅក្រាមពណ៌សថ្លាសង្ស័យថាជាសារធាតុញៀន១កញ្ចប់ ទូរស័ព្ទដៃ ម៉ាកណូកគាចុចពិល២គ្រឿង។
នគរបាលបានឲ្យដឹងថា នៅមុនពេលចុះបង្ក្រាបកម្លាំងបានទទួលព័ត៌មានពីប្រជាពលរដ្ឋថា មានជនសង្ស័យកំពុងជួញដូរថ្នាំញៀននៅចំណុចកើតហេតុខាងលើ។
ភ្លាមៗនោះកម្លាំងនគរបាលផ្នែកប្រឆាំងគ្រឿងញៀន បានសហការជាមួយកម្លាំងនគរបាលផ្នែកយុត្តិធម៍ ស្រុក រួមជាមួយនគរបាលប៉ុស្តិ៍រដ្ឋបាលសំរោងលើបានចុះទៅកាន់កន្លែងកើតហេតុ ហើយបានឃាត់ខ្លួនជនសង្ស័យម្នាក់ឈ្មោះងិន មករាហៅណុយ។
ពេលនោះកម្លាំងបានឆែកត្រួតពិនិត្យឃើញមានថ្នាំញៀនចំនួន១កញ្ចប់នៅជាប់ខ្លួនជនសង្ស័យម្នាក់នោះថែមទៀតផង ហើយនៅពេលសួរនាំជននេះបានប្រាប់ថា បានទិញថ្នាំញៀននេះ ពីឈ្មោះរិទ្ធ ចាន់រ៉ា ហៅង៉ិ។
ប្រភពដដែលបានបន្តទៀតថា បន្ទាប់មកកម្លាំងបានបន្តទៅឃាត់ខ្លួនជនសង្សយ័ ឈ្មោះរិទ្ធ ចាន់រ៉ា ហៅង៉ិ រួមនិងឈ្មោះ ស្រស់ ហៀកឡេង និងឈ្មោះ ឌី ឆានុ ផងដែរ ។
ពេលនោះជនសង្ស័យឈ្មោះរិទ្ធ ចាន់រ៉ា ហៅង៉ិ បានសារភាពថា ថ្នាំញៀននេះខ្លួនបានទិញពីបុរសម្នាក់មិនស្គាល់ឈ្មោះម្នាក់ មានអាយុជាង២០ឆ្នាំ មានទីលំននៅក្នុងភូមិទួលសេរី ឃុំទួលព្រេច ស្រុកអង្គស្នួល ខេត្តកណ្តាល រួចហើយខ្លួនបានប្រើឲ្យឈ្មោះ ងិន មករ៉ា ជាអ្នកយកទៅលក់បន្តដើម្បីបានប្រាក់ចំណេញចែកគ្នា។
ជនសង្ស័យទាំង៤នាក់ខាងលើត្រូវបាននាំទៅកាន់អធិការដ្ឋាននគរបាលស្រុកអង្គស្នួលដើម្បីសាកសួរនិងកសាងសំណុំរឿងចាត់ការតាមច្បាប់ ៕
ចែករំលែកព័តមាននេះ