រាជធានីភ្នំពេញ ៖ ហ្វ្រេនអ៊ីនធើរណាសិនណល និងមិត្ដសំលាញ់នឹងប្រារឰខួប១៥ឆ្នាំ ជាមួយការតាំងពិព័រណ៍សិល្បៈគំនូររបស់សិស្ស និងពិធីជប់លៀងនៅភោជនីយដ្ឋាន រំដេងនៅថ្ងៃទី២៥ ខែមិថុនា ចាប់ពីម៉ោង៧យប់តទៅ ។ ដោយមានបង្ហាញនូវផ្ទាំងគំនូរ ដែលគូរដោយសិស្សនៅមិត្ដសំលាញ់អំឡុង ពេល១៥ឆ្នាំកន្លងមក ពិព័រណ៍នេះនឹងដាក់តាំងបង្ហាញអំពីភាពច្នៃប្រឌិត និងទេពកោសល្យរបស់សិស្សតាមរយៈផ្ទាំងគំនូររបស់ពួកគេ ។ ដើម្បីចូលរួមជាមួយសិល្បៈគំនូរ នេះកូនសិស្សថ្នាក់ចំអិនអាហារ និងបដិសណ្ឋារកិច្ចរបស់មិត្ដសំលាញ់ក៏នឹងបង្ហាញនូវភាពច្នៃប្រឌិតរបស់ពួកគេតាមរយៈការ ប្រកួតលាយស្រាដែលប្លែក និងចេញពីភាព ច្នៃប្រឌិតផ្ទាល់ខ្លួនពួកគេផងដែរ ។
លោកអ្នកអាចបោះឆ្នោតឱ្យស្រាលាយ ដែលល្អជាងគេបំផុត ហើយស្រាលាយដែលឈ្នះនឹងត្រូវបានដាក់បញ្ចូលជាភេសជ្ជៈ ពិសេសនៅក្នុងបញ្ជីរាយមុខភេសជ្ជៈរបស់ភោជនីយដ្ឋានមិត្ដសំលាញ់ និងភោជនីយដ្ឋានរំដេង ។ បន្ទាប់ពីបានទទួលភាពរីករាយ ជាមួយសិល្បៈគំនូរ និងរសជាតិស្រាលាយ ប្រសិនបើលោកអ្នកក្លាហាន លោកអ្នកអាចសាកល្បងពិសារពីងបំពងរបស់ភោជនីយដ្ឋានរំដេង ។ ក្រុម Mayors of Simpleton និងក្រុម Los Poporks ព្រមជាមួយ DJ Frankie នឹងធ្វើឱ្យអ្នកមិនអាចចាកចេញពីកន្លែងរាំបានទេ ។
វាគឺពិតជារាត្រីដ៏ពិសេសមួយក្នុងការប្រារឰខួប១៥ឆ្នាំជាមួយហ្វ្រេនអ៊ីនធើរណាសិនណល និងមិត្ដសំលាញ់ ។ សូមមកចូលរួមជាមួយយើងខ្ញុំ!ពិធីតាំងពិព័រណ៍គំនូរពិធីជប់លៀងខួប ១៥ឆ្នាំរបស់ហ្វ្រេនអ៊ីនធើរណាសិនណល និង មិត្ដសំលាញ់ថ្ងៃទី២៥ ខែមិថុនា ចាប់ពីម៉ោង ៧យប់ទៅនៅភោជនីយដ្ឋានរំដេងផ្ទះលេខ៧៤ ផ្លូវលេខ១៧៤ រាជធានីភ្នំពេញ ។ រាល់ប្រាក់ចំណូលដែលទទួលបានពីកម្មវិធីនេះនឹងត្រូវយកទៅឧបត្ថម្ភកម្មវិធីសិល្បៈ និងវប្បធម៌របស់មិត្ដសំលាញ់ និងហ្វ្រេនអ៊ីនធើរណេសិនណល កម្មវិធីដើម្បីកុមារ និងយុវវ័យ ងាយរងគ្រោះ ៕
ចែករំលែកព័តមាននេះ