ខេត្តកំពង់ស្ពឺ ៖ បុរសម្នាក់បើកម៉ូតូជ្រុលចង្កូតបុកពីក្រោយគោយន្ត១គ្រឿងដែលបែកកង់ឈប់ចតតាមចិញ្ចើមផ្លូវ បណ្តាលឲ្យរបួសធ្ងន់ ហើយអ្នកបើកគោយន្តបានរត់គេចខ្លួនបាត់។ ហេតុការណ៍នេះបានកើតឡើងកាលពីម៉ោង៧និង៥នាទីយប់ថ្ងៃទី២ ខែតុលា ឆ្នាំ២០១៨ ស្ថិតក្នុងភូមិក្រាំងស្បែង ឃុំត្រពាំងជោរ…
ខេត្តកំពង់ស្ពឺ ៖ បុរសម្នាក់បើកម៉ូតូជ្រុលចង្កូតបុកពីក្រោយគោយន្ត១គ្រឿងដែលបែកកង់ឈប់ចតតាមចិញ្ចើមផ្លូវ បណ្តាលឲ្យរបួសធ្ងន់ ហើយអ្នកបើកគោយន្តបានរត់គេចខ្លួនបាត់។ ហេតុការណ៍នេះបានកើតឡើងកាលពីម៉ោង៧និង៥នាទីយប់ថ្ងៃទី២ ខែតុលា ឆ្នាំ២០១៨ ស្ថិតក្នុងភូមិក្រាំងស្បែង ឃុំត្រពាំងជោរ ស្រុកឱរ៉ាល់។
ជនរងគ្រោះខាងលើឈ្មោះរ៉េន ឆក ភេទប្រុស អាយុ២០ឆ្នាំ រស់នៅភូមិឈើទាលជ្រុំ ឃុំត្រពាំងជោរ ស្រុកឱរ៉ាល់ ខេត្តកំពង់ស្ពឺ ជាអ្នកបើកបរម៉ូតូម៉ាកយ៉ាម៉ាហាអិកស៊ីធើ RC150 ពណ៌ខ្មៅគ្មានស្លាកលេខ ។ ចំណែកគោយន្តពណ៌ក្រហម មានដឹកអុស (បែកកង់ក្រោយខាងឆ្វេង) បើកបរដោយបុរសម្នាក់ ក្រោយកើតហេតុបានរត់គេចខ្លួន។
ប្រភពព័ត៌មានពីសមត្ថកិច្ច បានឲ្យដឹងថា មុនកើតហេតុ មានគោយន្ត១គ្រឿងមានដឹកអុស បានបែកកង់ រួចឈប់ចតតាមចិញ្ចើមថ្នល់លេខ៤៤ ចន្លោះគីឡូម៉ែត្រលេខ៧០-៧១ បែរក្បាលទៅទិសខាងកើត ដោយមិនមានដាក់សញ្ញាសម្គាល់អ្វីនោះទេ ។
លុះដល់វេលាកើតហេតុ បុរសរងគ្រោះខាងលើបើកម៉ូតូលឿនមិនប្រយ័ត្ន បានជ្រុលចង្កូតបុករទេះគោយន្តខូចចំពីក្រោយ បណ្តាលឲ្យអ្នកបើកបរម៉ូតូដួលរងរបួសធ្ងន់ ចំណែកអ្នកបើកបរគោយន្តបានរត់គេចខ្លួនបាត់។
ក្រោយកើតហេតុ សមត្ថកិច្ចបានចុះអន្តរាគមន៍បញ្ជូនជនរងគ្រោះ ទៅព្យាបាលនៅមណ្ឌលសុខភាពត្រពាំងជោរ ។ ចំណែកគោយន្ត និងម៉ូតូត្រូវបានសមត្ថកិច្ចនាយកមករក្សាទុកនៅប៉ុស្តិ៍នគរបាលដើម្បីចាត់ការតាមនីតិវិធី៕
ចែករំលែកព័តមាននេះ