រាជធានីភ្នំពេញ ៖ សម្តេចតេជោ ហ៊ុន សែន ប្រធានព្រឹទ្ធសភា និងជាប្រធានគណបក្ស ប្រធានគណបក្សប្រជាជនកម្ពុជា បានរំលឹកថា ទោះបីជារឿងបានឆ្លងផុត…
រាជធានីភ្នំពេញ ៖ សម្តេចតេជោ ហ៊ុន សែន ប្រធានព្រឹទ្ធសភា និងជាប្រធានគណបក្ស ប្រធានគណបក្សប្រជាជនកម្ពុជា បានរំលឹកថា ទោះបីជារឿងបានឆ្លងផុត ៤៨ឆ្នាំហើយក្តី ក៏ទឹកភ្នែកខ្ញុំ នៅតែហូរមកមិនដាច់នៅពេល ដែលខ្ញុំនឹកឃើញដល់រឿងនោះ សូម្បីតែពេល ដែលខ្ញុំវាយអត្ថបទខ្លីមួយនេះ ក៏ទឹកភ្នែកខ្ញុំហូរចុះមកធ្វើឲ្យស្រវាំងភ្នែក ។
យោងតាមបណ្តាញសង្គមរបស់សម្តេចតេជោ ហ៊ុន សែន នៅថ្ងៃទី១៩ ខែមិថុនា ឆ្នាំ២០២៥ សម្តេចតេជោ បានសរសេរថា ៖ ថ្ងៃស្អែក ២០ មិថុនា គឺជាខួបលើកទី៤៨ឆ្នាំ (២០មិថុនា១៩៧៧-២០មិថុនា២០២៥) ជាថ្ងៃដែលខ្ញុំចាប់ផ្តើមយកជីវិតធ្វើដើមទុន ដើម្បីតស៊ូរំដោះជាតិ រំដោះប្រជាជនចេញពីរបបប្រល័យពូជសាសន៍ ប៉ុល ពត ។
សម្តេចបានលើកឡើងជាមួយទឹកភ្នែករាប់ម៉ឺនរាប់សែនរាប់លានដំណក់ ពេលចាកចោលភរិយា ដ៏កំសត់កំពុងមានផ្ទៃពោះ ចាកចោលមាតុភូមិ និងប្រជាជន ដែលកំពុងប្រឈមជាមួយការស្លាប់ផុតពូជ ។
សម្តេចតេជោ បានបញ្ជាក់ថា ៖ “ខ្ញុំពិតឈឺចាប់ រកពាក្យនិយាយមិនបាន បើទោះជារឿងនេះ បានឆ្លងផុត ៤៨ឆ្នាំហើយក្តី ក៏ទឹកភ្នែកខ្ញុំ នៅតែហូរមកមិនដាច់ នៅពេលដែលខ្ញុំនឹកឃើញដល់រឿងនោះ សូម្បីតែពេលដែលខ្ញុំ វាយអត្ថបទខ្លីមួយនេះ ក៏ទឹកភ្នែកខ្ញុំ ហូរចុះមកធ្វើឲ្យស្រវាំងភ្នែក ។ទឹកភ្នែកខ្ញុំ ប្រហែលឈប់ហូរនៅពេល ដែលខ្ញុំលាចាកលោកនេះប៉ុណ្ណោះ” ។
ជាមួយគ្នានោះដែរ សម្តេចតេជោ ក៏បានលើកឡើងថា ដើម្បីរំលឹកដល់រឿងនេះ សូមស្តាប់ចម្រៀងថ្មីមួយបទមានចំណងជើងថា (អក្ខរាលាស្រី ថ្ងៃ២០មិថុនា) ដែលលោក ង៉ូវ សារិន និងហ៊ឹម សុភា និពន្ធឡើងក្រោមការចាត់ចែងផលិតដោយអ្នកឧកញ៉ា ឡេង ណាវ៉ាត្រា និងច្រៀងដោយអ្នកចម្រៀង ខេម ៕
ចែករំលែកព័តមាននេះ