ថ្ងៃស្អែក​ថ្នាក់លើ​ចុះ​អង្កេត​ហើយ​… ចាំ​មើល​យុត្តិធម៌


ខេត្តកំពង់ស្ពឺ ៖ ក្រោយ​ពី​មាន​ប្រព័ន្ធ​ផ្សព្វផ្សាយ កាសែត​ក្នុងស្រុក​ជា​ច្រើន​ផ្សាយ​រឿង​បែក​ធ្លាយ​លោក ជូ សា​រុន មេបញ្ជាការ​កងរាជអាវុធហត្ថ​ខេត្តកំពង់ស្ពឺ ស៊ីដាច់​លុយ​មន្ត្រី​ការពារ​ការ​បោះ​ឆ្នោត និង​អង្ករ​របស់​តំណាងរាស្ត្រ​រួច​មក​នោះ​។ មន្ត្រី​អាវុធហត្ថ​ខេត្ត​ម្នាក់​បាន​បង្ហើប​ឱ្យ​ដឹង​ថា ក្រុម​អធិការកិច្ច​បាន​កំណត់​ថ្ងៃ​ចុះ​មក​ធ្វើការ​ហើយ (​គណៈកម្មការ​ចំពោះ​កិច្ច​) ដឹកនាំ​ដោយ​លោក​ឧត្តមសេនីយ៍ទោ ស សំបូរ​ធន នឹង​ចុះ​មក​ធ្វើការ​អធិ​ការកិច្ច​នៅ​ថ្ងៃ​ទី​០១ ខែតុលា ឆ្នាំ​២០១៨ ខាង​មុខ​នេះ នៅ​ទីបញ្ជាការដ្ឋាន​កងរាជ​អាវុធ​ហត្ថ​​ខេត្ត​តែ​ម្តង​។

មន្ត្រី​អាវុធហត្ថ​ដដែល​បន្ត​ថា ការ​ចុះ​អធិការកិច្ច​នៅ​បញ្ជាការដ្ឋាន​កងរាជអាវុធហត្ថ​ខេត្ត​នេះ​ក្រោយ​ពី​បែកធ្លាយ​នូវ​ព័ត៌មាន​ស្តី​ពី​ភាព​មិន​ប្រក្រតី​មួយ​ចំនួន​ដែល​ធ្វើការ​ចោទ​ប្រកាន់​​ទៅ​លើ​លោក​ឧត្តមសេនីយ៍ត្រី ជូ សា​រុន មេបញ្ជាការ​កងរាជអាវុធហត្ថ​ខេត្ត​ស៊ី​ដាច់​លុយ​ការពារ​មន្ត្រី​ក្រោម​ឱ​វ៉ា​ត និង​អង្ករ​របស់​តំណាងរាស្ត្រ​មណ្ឌល​កំពង់ស្ពឺ​កន្លង​ទៅ​នោះ​។

ប្រភព​បាន​បន្ថែម​ទៀត​ថា ការ​បែកធ្លាយ​នេះ​រហូត​មានការ​ផ្សព្វផ្សាយ​តាម​កាសែត ទូរទស្សន៍ និង​បណ្តាញ​ប្រព័ន្ធ​ផ្សព្វផ្សាយ​នានា​ជា​ច្រើន​បាន​ជ្រាប​ដល់​ថ្នាក់លើ (គណៈ​កម្មការ​ចំពោះ​កិច្ច​)​ដើម្បី​ស្រាវជ្រាវ​ស្វែងរក​ការ​ពិត​ជាក់ស្តែង​តែ​ម្តង​។

មិនដឹង​ថា លោក​មេបញ្ជាការ​ខេត្ត​បាន​ប្រព្រឹត្ត​ដូច​ការ​ចោទប្រកាន់​ដែល​ឬ​យ៉ាងណា​នោះ​​ទេ ខណៈ​ដែល​អ្នកខ្លះ​បាន​ទទួល​លុយ និង​អ្នកខ្លះ​ទៀត​មិន​បាន​ទទួល​លុយ​នោះ​។ ក្នុង​នាម​លោក​ជា​មន្ត្រី​ក្រោម​ឱ​វ៉ា​ទ​ពិតជា​សោកស្តាយ​ណាស់ ប្រសិនបើ (​គណៈកម្មការ​ចំពោះ​កិច្ច​) ចុះ​ធ្វើ​អធិការកិច្ច​ឃើញ​ថា ប្រព្រឹត្តិ​អំពើ​ពុក​រលួយ​នោះ​។ តែ​បើសិនជា​ក្រុម​អធិការកិច្ច​រក​មិនឃើញ​កំហុស​ណា​របស់​លោក​មេបញ្ជាការ​នោះ​ទេ សូម​ក្រុមការងារ (គណៈកម្មការ​ចំពោះ​កិច្ច​) សូម​ផ្តល់​ភាព​យុត្តិធម៌​អោយ​លោក​មេបញ្ជាការ​ផង​។

សូម​រំលឹក​ផង​ដែរ​ថា លោក​ឧត្តមសេនីយ៍ត្រី ជូ សា​រុន មេបញ្ជាការ​កងរាជអាវុធហត្ថ​ខេត្ត​កំពង់ស្ពឺ បាន​រង​ការ​ចោទប្រកាន់​ពី​សំណាក់​មន្ត្រី​ជា​ច្រើន​នាក់​ក្រោម​ឱវាទ​របស់​ខ្លួន​ថា​បាន​​ស៊ីដាច់​លុយ​ការពារ​ក្នុង​ការ​បោះ​ឆ្នោត​កន្លង​ទៅ រាប់​លាន​រៀល និង​អង្ករ​របស់​តំណាង​រាស្ត្រ​មណ្ឌល​កំពង់ស្ពឺ ឯកឧត្តម ហ៊ុន ម៉ា​នី ដែល​ផ្តល់​ជូន​កាលពី​ពេល​ថ្មី​ៗ​នេះ​សំរាប់​បើក​អោយ​មន្ត្រី​ទាំង​អស់នោះ​ថែម​ទៀត​ផង​។

ការ​លើក​ឡើង​ពី​សំណាក់​មន្ត្រី​អាវុធហត្ថ សូម​មិន​បញ្ចេញ​ឈ្មោះ ទៅ​លើ​មេបញ្ជាកា​របស់​​ខ្លួន​នេះ​ធ្វើ​ឡើង​នៅ​រសៀល​ថ្ងៃ​ទី​២៥​កញ្ញា​២០១៨​កន្លង​ទៅ​ថ្មី​ៗ​នេះ​។

គួររំលឹកទៀតថា ៖ កូនចៅ​ចោមរោម​ចោទ​មេ​… ពិតជា​មិនធម្មតា​ទេ​ទាន​!!!

Facebook Google Twitter Email

ព័ត៌មាន​ជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

ការស្ទង់មតិគេហទំព័រថ្មី




សូម​អរគុណ