ADផ្ទាំងផ្សព្វផ្សាយពាណិជ្ជកម្ម

Picture

កូនចៅ​ចោមរោម​ចោទ​មេ​… ពិតជា​មិនធម្មតា​ទេ​ទាន​!!!

5 ឆ្នាំ មុន
  • កំពង់ស្ពឺ

ខេត្តកំពង់ស្ពឺ ៖ លោក​ឧត្តមសេនីយ៍ត្រី ជូ សា​រុន មេបញ្ជាការ​កងរាជអាវុធហត្ថ​ខេត្ត​កំពង់​ស្ពឺ​បាន​រង​ការ​ចោទប្រកាន់​ពី​សំណាក់​មន្ត្រី​ជា​ច្រើន​នាក់​ក្រោម​ឱវាទ​របស់​ខ្លួន​ថា បាន​ស៊ី​ដាច់​លុយ​ការពារ​ក្នុង​ការ​បោះ​ឆ្នោត​កន្លង​ទៅ​រាប់​លាន​រៀល និង​អង្ករ​របស់​តំណាង​រាស្ត្រ​មណ្ឌល​កំពង់ស្ពឺ ឯកឧត្តម ហ៊ុន…

ខេត្តកំពង់ស្ពឺ ៖ លោក​ឧត្តមសេនីយ៍ត្រី ជូ សា​រុន មេបញ្ជាការ​កងរាជអាវុធហត្ថ​ខេត្ត​កំពង់​ស្ពឺ​បាន​រង​ការ​ចោទប្រកាន់​ពី​សំណាក់​មន្ត្រី​ជា​ច្រើន​នាក់​ក្រោម​ឱវាទ​របស់​ខ្លួន​ថា បាន​ស៊ី​ដាច់​លុយ​ការពារ​ក្នុង​ការ​បោះ​ឆ្នោត​កន្លង​ទៅ​រាប់​លាន​រៀល និង​អង្ករ​របស់​តំណាង​រាស្ត្រ​មណ្ឌល​កំពង់ស្ពឺ ឯកឧត្តម ហ៊ុន ម៉ា​នី ដែល​ផ្តល់​ជូន​កាលពី​ពេល​ថ្មី​ៗ​នេះ​សំរាប់​បើក​ឱ្យ​មន្ត្រី​ទាំង​អស់នោះ​ថែម​ទៀត​ផង​។

ការ​លើក​ឡើង​ពី​សំណាក់​មន្ត្រី​អាវុធហត្ថ​សូម​មិន​បញ្ចេញ​ឈ្មោះ ទៅ​លើ​មេបញ្ជាកា​របស់​ខ្លួន​នេះ​ធ្វើ​ឡើង​កាលពី​រសៀល​ថ្ងៃ​ទី​២៦ កញ្ញា ២០១៨ កន្លង​ទៅ​ថ្មី​ៗ​នេះ​។

មន្ត្រី​អាវុធហត្ថ​មួយ​រូប​នោះ​និយាយ​ក្នុង​លក្ខខណ្ឌ​មិន​បញ្ចេញ​ឈ្មោះ​ថា ចាប់តាំងពី​លោក ជូ សា​រុន ចូល​មក​កាន់​តំណែង​ជា​មេបញ្ជាការ​កងរាជអាវុធហត្ថ​ខេត្តកំពង់ស្ពឺ​មក មាន​ភាព​មិន​ប្រក្រតី​ជា​ច្រើន​បាន​កើតឡើង​ដូច​ជា ប្រកាន់​បក្ខពួក (​យក​តែ​សាច់ញាតិ​បងប្អូន​) និង​បង្កើត​អោយ​មាន​អ្នក​ដើរ​ប្រមូល​លុយ​ពី​បទល្មើស​ព្រៃឈើ និង​សេដ្ឋកិច្ច​ជា​ច្រើន​នៅ​ក្នុង​ខេត្ត​។ ជាង​នេះ​ទៅ​ទៀត​កន្លែង​ណា​ដែល​អាច​រក​លុយ​បាន​ដោយ​ស្រួល​លោក ជូ សា​រុន តែងតែ​ដាក់​សាច់ញាតិ​ឯង​អោយទៅ​កាន់​កន្លែង​នោះ​ភ្លាម​ៗ មិន​បាន​ពិភាក្សា​ជាមួយ​លោក​មេបញ្ជាការ​រង​ណា​ម្នាក់​នោះ​ទេ គឺ​អាង​ខ្លួន​ជា​មេបញ្ជាការ​មាន​អំណាច​នោះ​។

ជាក់ស្តែង​នៅ​ពេល​ដែល​មក​កាន់​តំណែង​ភ្លាម​លោក​ជូ សា​រុន គាត់​បាន​ដាក់​សាច់ញាតិ​ម្នាក់ ដែល​មក​ពី​ខេត្តកោះកុង​ជាមួយ​គ្នា​អោយទៅ​កាន់​ជា​មេបញ្ជាការ​រង​ក្រុង​ច្បារមន​ផង​ដែរ​។

ប្រភព​បាន​បន្ត​ទៀត​ថា លើស​ពី​នេះ​ទៀត​គាត់​បាន​បញ្ជូន​មន្ត្រី​ជំនិត​របស់​គាត់​ម្នាក់​ទៀត​អោយទៅ​ដាក់កុង​ត្រូល​ដេកចាំ​យក​លុយ​ពី​បទល្មើស​ផ្សេង​ៗ នៅ​ចំណុច​ភ្នំ​តូច​ព្រំប្រទល់​ស្រុក​ឱ​រ៉ា​ល់​និង​ថ្ពង តាម​បណ្តោយ​ផ្លូវជាតិ​លេខ​៤៤ ដើម្បី​ចាំ​ប្រមូល​លុយ​ពី​ឈ្មួញ​ដឹក​បទ​ល្មើស​ព្រៃឈើ​ថែម​ទៀត​ផង​។ ដោយឡែក​ខាង​ផ្លូវជាតិ​លេខ​៥ ស្នាក់​ការ​សន្តិសុខ​៥៥១​ឯណោះ​វិញ លោក ជូ សា​រុន បាន​ដាក់​លោក​វរសេនីយ៍ទោ គង់ វាសនា ដែល​មាន​រហស្សនាម​ថា «​មហាមេឃ​» អោយធ្វើ​ព្យុះ ធ្វើ​ភ្លៀង​សម្បើម​ខ្លាំង​ណាស់ ដូច​ជា​ដេញ​ចាប់​​ឡាន​ដឹក​បទល្មើស​នានា​ដែល​បើក​ឆ្លងកាត់​ស្នាក់​ការ​សន្តិសុខ​៥៥១ ហើយ​កៀប​សង្កត់​យក​លុយ​មិន​ប្រណី​ដៃ​ឡើយ អោយ​តែ​មិន​ព្រម​បង់លុយ​អោយ​លោក គង់ វាសនា​នោះ​។

ព័ត៌មាន​ពិស្តារ​នឹង​មាន​ផ្សាយ​ជូន​នៅ​លើ​កាសែត​កោះសន្តិភាព

អត្ថបទសរសេរ ដោយ

កែសម្រួលដោយ