ADផ្ទាំងផ្សព្វផ្សាយពាណិជ្ជកម្ម

Picture

លោកជំទាវបណ្ឌិត ពេជ ចន្ទមុន្នី នាំភរិយាថ្នាក់ដឹកនាំពិភពលោក ស្វែងយល់ពីសិល្បៈប៉ាក់ស្បៃខ្មែរ

12 ម៉ោង មុន
  • ភ្នំពេញ

រាជធានី​ភ្នំពេញ ៖ ភាព​ទន់ភ្លន់ តែ​ពោរពេញ​ដោយ​អត្ថន័យ​ការទូត​! មើលឃើញ​ស្នាមញញឹម​ដ៏​កក់ក្តៅ​របស់​ភរិយា​ថ្នាក់ដឹកនាំ​ប្រទេស​ជា​មិត្ត ពេល​បាន​ទស្សនា​សិល្បៈ និង​ទទួលយក​«​ស្បៃ​ខ្មែរ​» ពី​លោក​ជំទាវ​បណ្ឌិត ពេ​ជ ចន្ទ​មុន្នី ។

ជាក់ស្តែង​លោក​ជំទាវ​បណ្ឌិត ពេ​ជ ចន្ទ​មុន្នី បាន​ប្រកាស​នា​យប់​ថ្ងៃ​ទី​១៥ ខែវិច្ឆិកា​នេះ​ថា ៖ រីករាយ​ដែល​បាន​ទទួល​ស្វាគមន៍ លោក​ជំទាវ​ជា​ភរិយា​នៃ​ប្រមុខរដ្ឋ និង​ប្រមុខ​រដ្ឋាភិបាល​ពី​បណ្តា​ប្រទេស​ជា​មិត្ត ដែល​អញ្ជើញ​មក​ទស្សនា​ភូមិ​ហ្វ្រ​ង់​កូ​ហ្វូ​នី ក្នុង​ឱកាស​កម្ពុជា​ធ្វើ​ជា​ម្ចាស់ផ្ទះ នៃ​កិច្ចប្រជុំ​កំពូល​ហ្វ្រ​ង់​កូ​ហ្វូ​នី លើក​ទី​២០ ។
លោក​ជំទាវ​បណ្ឌិត ពេ​ជ ចន្ទ​មុន្នី​បាន​បន្ត​ថា ស្ថិត​ក្នុង​បរិយាកាស​ដ៏​កក់ក្តៅ​នេះ យើង​បាន​ទស្សនាការ​សម្តែង​សិល្បៈ​ប្រពៃណី ស្វែង​យល់​ពី​សិល្បៈ​ប៉ាក់​ស្បៃ​ខ្មែរ​ជាមួយ​គ្នា និង​បាន​ជូន​ស្បៃ​ខ្មែរ​ជា​វត្ថុ​អនុស្សាវរីយ៍ ។

បន្ថែម​ពី​នេះ​ទៀត ស្បៃ​ខ្មែរ​មួយ​ផ្ទាំង មិន​ត្រឹមតែ​ជា​មរតក​វប្បធម៌​ដ៏​មាន​តម្លៃ​ប៉ុណ្ណោះ​ទេ ប៉ុន្តែ​ក៏​ជា​ចំណងដៃ​នៃ​មិត្តភាព និង​ការ​យោគយល់​គ្នា ដែល​រួមចំណែក​ផ្សារ​ភ្ជាប់​បេះដូង​មនុស្សជាតិ ឆ្ពោះទៅ​រក​សន្តិភាព និង​វិបុលភាព​រួម​គ្នា ៕