រាជធានីភ្នំពេញ ៖ ប្រធានគណបក្ស យុវជនកម្ពុជា លោក ពេជ្រ ស្រស់ បានអះអាងនៅថ្ងៃទី២៧ កញ្ញានេះថា លោកនឹងលើកយកបញ្ហាដីធ្លីរបស់ប្រជាពលរដ្ឋក្នុងកិច្ចប្រជុំឧត្តមក្រុមប្រឹក្សាពិគ្រោះ…
រាជធានីភ្នំពេញ ៖ ប្រធានគណបក្ស យុវជនកម្ពុជា លោក ពេជ្រ ស្រស់ បានអះអាងនៅថ្ងៃទី២៧ កញ្ញានេះថា លោកនឹងលើកយកបញ្ហាដីធ្លីរបស់ប្រជាពលរដ្ឋក្នុងកិច្ចប្រជុំឧត្តមក្រុមប្រឹក្សាពិគ្រោះ និងផ្តល់យោបល់។ ការអះអាងនេះ ខណៈដែលប្រធានគណបក្សរូបនេះ ត្រូវបានព្រះមហាក្សត្រ តែងតាំងធ្វើជាទីប្រឹក្សារាជរដ្ឋាភិបាល មានឋានៈស្នើទេសរដ្ឋមន្ត្រី តាមរយៈការបង្កើតឧត្តមក្រុមប្រឹក្សា ពិគ្រោះ និងផ្តល់យោបល់។
លោក ពេជ្រ ស្រស់ បានបញ្ជាក់លើបណ្តាញសង្គមនៅថ្ងៃ២៧ ខែកញ្ញាយ៉ាង ដូច្នេះថា «ខណៈនេះខ្ញុំ ពេជ្រ ស្រស់ កំពុងចូលរួមប្រជុំលើកដំបូង នៃឧត្តមក្រុមប្រឹក្សាពិគ្រោះ និងផ្តល់យោបល់ ហើយក៏ជាឱកាសរបស់ខ្ញុំនឹងលើកយកបញ្ហារបស់ប្រជាពលរដ្ឋមួយចំនួន ជាពិសេសបញ្ហាដីធ្លី ដើម្បីពិភាក្សាឈានទៅរកដំណោះស្រាយជូនពួកគាត់»។
សូមជម្រាបថា ការបញ្ជាក់របស់មេបក្សយុវជនរូបនេះ ខណៈដែលពេលកន្លងមក លោកបានចុះជួបប្រជាពលរដ្ឋដែលជួប បញ្ហាដីធ្លីជាច្រើនកន្លែង ដូចជានៅក្នុងខេត្តសៀមរាប កណ្តាល និងព្រះសីហនុមជាដើម៕
ចែករំលែកព័តមាននេះ