ចំពោះបញ្ហានារីបម្រើកាមារម្មណ៍ដែលចាប់បង្ខំឱ្យមកបម្រើកាមារម្មណ៍របស់កងទ័ពជប៉ុនកាលពីសម័យសង្គ្រាមលោកលើកទី២ អភិបាលក្រុងអូសាកានិយាយកាលពីថ្ងៃទី១៦ ឧសភាថា លោកត្រៀមសុំទោស ។អភិបាលក្រុងរូបនេះ លោកតូរូ ហាស៊ីម៉ូតូ ថ្លែងទៅកាន់ទូរទស្សន៍ថា ខ្ញុំយល់ថា ខ្ញុំត្រូវជួបជាមួយបណ្តាអតីតនារីបម្រើកាមារម្មណ៍ទាំងនេះ ហើយខ្ញុំសុំទោសចំពោះអ្វីដែលជប៉ុន
ចំពោះបញ្ហានារីបម្រើកាមារម្មណ៍ដែលចាប់បង្ខំឱ្យមកបម្រើកាមារម្មណ៍របស់កងទ័ពជប៉ុនកាលពីសម័យសង្គ្រាមលោកលើកទី២ អភិបាលក្រុងអូសាកានិយាយកាលពីថ្ងៃទី១៦ ឧសភាថា លោកត្រៀមសុំទោស ។អភិបាលក្រុងរូបនេះ លោកតូរូ ហាស៊ីម៉ូតូ ថ្លែងទៅកាន់ទូរទស្សន៍ថា ខ្ញុំយល់ថា ខ្ញុំត្រូវជួបជាមួយបណ្តាអតីតនារីបម្រើកាមារម្មណ៍ទាំងនេះ ហើយខ្ញុំសុំទោសចំពោះអ្វីដែលជប៉ុនបានធ្វើខុសឆ្គងកាលពីមុន ។
អ្នកប្រវត្តិសាស្ត្រភាគច្រើនវាយតម្លៃថា ចំនួននារីអាស៊ីដែលប្រមូលទៅធ្វើជាទាសករភេទដោយជប៉ុនកាលពីសម័យសង្គ្រាមលោកលើកទី២មានប្រមាណជា២០០.០០០នាក់។ នារីទាំងនោះភាគច្រើនជាជនជាតិកូរ៉េ ចិន និងហ្វ៊ីលីពីន ត្រូវបង្ខំឱ្យធ្វើការក្នុងផ្ទះបនយោធានៅតាមបណ្តាបន្ទាយទ័ពជប៉ុន ។
អភិបាលក្រុងរូបនេះនិយាយទៀតថា ខ្ញុំនឹងនិយាយទៅកាន់ពួកគេថា ខ្ញុំមានការខកចិត្តដែលមានប្រព័ន្ធមួយបែបនេះ ទោះបីជានារីទាំងនោះត្រូវគេចាប់បង្ខំ ឬអត់ក៏ដោយ ។ នោះជារឿងអាម៉ាស់មួយ ហើយប្រការនោះដាច់ខាតមិនត្រូវកើតមានទៀតឡើយ ។ ក៏ប៉ុន្តែលោកអះអាងថា ប្រទេសជប៉ុនពុំមែនជាប្រទេសតែមួយគត់ដែលធ្វើបែបនេះឡើយ ។ លោកអះអាងថា គ្រប់គ្នារមែងប្រព្រឹត្តអ្វីដែលអាក្រក់ក្នុងពេលសង្គ្រាម ។
ទោះជាយ៉ាងណា សេចក្តីថ្លែងការណ៍របស់អភិបាលក្រុងនោះញ៉ាំងឱ្យមានការក្តៅក្រហាយទាំងនៅប្រទេសជប៉ុន ទាំងនៅប្រទេសចិន និងទាំងនៅកូរ៉េខាងត្បូង ជាប្រទេស២រងការឈឺចាប់ខ្លាំងចំពោះរឿងនេះនៃសម័យសង្គ្រាមលោកលើកទី២ ។ អ្នកនាំពាក្យម្នាក់របស់ក្រសួងការបរទេសកូរ៉េខាងត្បូងថ្លែងថា យើងមានការខកចិត្តខ្លាំងណាស់ដែលឥស្សរជនផ្លូវការមួយរូបការពារឧក្រិដ្ឋកម្មអមនុស្សធម៌បែបនេះ ។ទាក់ទិនដល់នារីបម្រើកាមារម្មណ៍ ជប៉ុនធ្លាប់បានសុំទោសរួចហើយកាលពីឆ្នាំ១៩៩៣ តែបានបដិសេធរាល់ការទទួលខុសត្រូវផ្លូវការ ៕
ចែករំលែកព័តមាននេះ