អាមេរិក ៖ តាមប្រភពព័ត៌មាន Metro បានឲ្យដឹងថា គូស្នេហ៍ពីវ័យកុមារមួយគូបានសម្រេចចិត្តរៀបការនៅក្នុងបន្ទប់មន្ទីរពេទ្យ ពេលដឹងថា ខាងស្រីរស់មិនបានច្រើនថ្ងៃទៅមុខ។ ខាងប្រុសឈ្មោះ Joey…
អាមេរិក ៖ តាមប្រភពព័ត៌មាន Metro បានឲ្យដឹងថា គូស្នេហ៍ពីវ័យកុមារមួយគូបានសម្រេចចិត្តរៀបការនៅក្នុងបន្ទប់មន្ទីរពេទ្យ ពេលដឹងថា ខាងស្រីរស់មិនបានច្រើនថ្ងៃទៅមុខ។
ខាងប្រុសឈ្មោះ Joey Williams អាយុ២១ឆ្នាំ និងខាងស្រីឈ្មោះ Nina Marino អាយុ១៩ឆ្នាំ បានធ្វើពិធីមង្គលការនៅក្នុងមន្ទីរពេទ្យ ដោយសារតែដឹងថា រស់មិនបានយូរតទៅទៀត។ Marino ដឹងខ្លួនថា មានជំងឺមហារីកកម្រិតធ្ងន់ (រាលដាលដល់សួត) កាលពីខែឧសភា ឆ្នាំ២០១៧។
នាងបានឆ្លងកាត់ការវះកាត់សរុប១៦៣ដង ក្នុងមួយជីវិតរបស់នាង។ ក្តីបំណងចុងក្រោយរបស់នាង គឺចង់រៀបការជាមួយនឹងបុរសដែលនាងស្រឡាញ់តាំងពីនៅវ័យកុមារ។
កាលពីថ្ងៃទី២ ខែសីហា ខាងប្រុសឈ្មោះ Williams បានភ្ជាប់ពាក្យជាមួយនឹង Marino នៅក្នុងបន្ទប់ ICU ក្នុងមន្ទីរពេទ្យកុមារ Joseph ក្នុងរដ្ឋផ្លរីដា។ ពួកគេគ្រោងនឹងរៀបការនៅខាងក្រៅមន្ទីរពេទ្យ តែគ្រូពេទ្យកាលពីថ្ងៃទី៣ ខែកញ្ញានេះ បានប្រាប់ថា ស្ថានភាពរបស់ Marino គឺមិនស្រួលទេ។ ដោយមិនបង្អង់យូរ ពួកគេក៏សម្រេចចិត្តរៀបការនៅលើគ្រែ ក្នុងមន្ទីរពេទ្យតែម្តង។
ទាំងខាងប្រុស និងខាងស្រីសុទ្ធតែសប្បាយចិត្ត ព្រោះថ្ងៃនោះ គឺជាថ្ងៃដែលគេចង់បានក្នុងជីវិត។ ពួកគេបានជួបគ្នាដំបូងនៅក្នុងកម្មវិធី Camp Boggy Creek សម្រាប់ក្មេងមានជំងឺប្រចាំកាយជួបជុំគ្នា
Marino មានជំងឺព្យាបាលមិនជាហៅថា VACTERL Syndrome និងកើតមកមានតែសួតម្ខាងតែប៉ុណ្ណោះ ខណៈដែល Williams មានជំងឺបេះដូងពីកំណើត។ នេះអាចហៅថា និស្ស័យគូស្នេហ៍កាលពីជាតិមុន៕ វីដេអូឃ្លីបដកស្រង់ចេញពី ៖ Best Funny Vines
ចែករំលែកព័តមាននេះ