ប្រមុខយោធាចេញមុខតបត អ.ស.ប
ប្រទេសមីយ៉ាន់ម៉ា ៖ ប្រមុខកងទ័ពមីយ៉ាន់ម៉ាឧត្ដមសេនីយ៍ MIN AUNG HLAING ដែលអ.ស. បចង់ឲ្យកាត់ទោសពីបទប្រល័យពូជសាសន៍ប្រឆាំងពួកអ៊ិស្លាមរ៉ូហ៊ីងយ៉ានោះ អះអាងនាថ្ងៃទី២៤ កញ្ញា…
ប្រទេសមីយ៉ាន់ម៉ា ៖ ប្រមុខកងទ័ពមីយ៉ាន់ម៉ាឧត្ដមសេនីយ៍ MIN AUNG HLAING ដែលអ.ស. បចង់ឲ្យកាត់ទោសពីបទប្រល័យពូជសាសន៍ប្រឆាំងពួកអ៊ិស្លាមរ៉ូហ៊ីងយ៉ានោះ អះអាងនាថ្ងៃទី២៤ កញ្ញា ថា អ.ស.ប ពុំមានសិទ្ធិចូលជ្រៀតជ្រែកក្នុងកិច្ចការមីយ៉ាន់ម៉ាឡើយ។
បុរសដែលមានឥទ្ធិពលបំផុតរបស់មីយ៉ាន់ម៉ារូបនេះ បញ្ចេញប្រតិកម្មជាលើកដំបូងចំពោះរបាយការណ៍របស់បេសកកម្មស៊ើបអង្កេត អ.ស.ប ដែលកាលពីសប្ដាហ៍មុនក៏ចោទប្រកាន់កងយោធាមីយ៉ាន់ម៉ាផងដែរថា ប្រព្រឹត្តឧក្រិដ្ឋកម្មប្រឆាំងមនុស្សជាតិ និងឧក្រិដ្ឋកម្មសង្គ្រាម។
ឧត្ដមសេនីយ៍អាយុ៦២ឆ្នាំរូបនេះ ក្នុងកាសែតផ្លូវការរបស់កងទ័ពអះអាងថា គ្មានប្រទេសណាមួយ អង្គការណាមួយ និងក្រុមណាមួយ មានសិទ្ធិចូលជ្រៀតជ្រែកក្នុងនយោបាយរបស់ប្រទេសយើងឡើយ។
លោករិះគន់គំនិតពីការដកខ្លូនថយជាយថាហេតុរបស់ពួកយោធាចេញពីជីវភាពនយោបាយ លើកឡើងដោយបេសកកម្ម អ.ស.ប។ លោកថា បណ្ដាប្រទេសលើពិភពលោកជ្រើសរើសប្រព័ន្ធប្រជាធិបតេយ្យ ដែលស្របទៅនឹងប្រទេសពួកគេ។ លោកបញ្ជាក់ថាកងទ័ពនៅតែចូលរួមខ្លាំងបើដរាបណាជម្លោះជាមួយបណ្ដាក្រុមឧទ្ទាមជនជាតិភាគតិចដែលមានច្រើនពុំត្រូវបានដោះស្រាយទេនោះ៕
ចែករំលែកព័តមាននេះ